உங்கள் விந்தணுவின் சக்தியை அதிகரிக்க இந்த உணவுகளை சாப்பிடுங்க...

பூண்டு

ஆண்கள் பூண்டு சாப்பிடுவது நல்லது என்று பலர் சொல்வதைக் கேட்டிருப்பீர்கள். ஏனெனல் பூண்டுகளில் அல்லிசின் என்னும் உடலில் இரத்த ஓட்டத்தை அதிகரிக்கும் கலவை உள்ளது. எனவே பூண்டை ஆண்கள் உட்கொள்ளும் போது, இனப்பெருக்க உறுப்புக்களில் இரத்த ஓட்டம் அதிகரித்து, விந்தணு உற்பத்தி அதிகரிப்பதோடு, அதன் சக்தியும் உயரும்.

வால்நட்ஸ்

மனித மூளை போன்ற தோற்றத்தைக் கொண்ட இந்த வால்நட்ஸ் ஆண்களுக்கு மிகவும் நல்லது. வால்நட்ஸில் ஆண்களின் விந்தணு உற்பத்தி மற்றும் தரத்தை அதிகரிக்கும் அர்ஜினைன் வளமாக நிறைந்துள்ளது. மேலும் இதில் உடலில் இரத்த ஓட்டத்தை சீராக்கும் ஒமேகா-3 ஃபேட்டி ஆசிட்டும் உள்ளது.

முட்டை

முட்டையில் இனப்பெருக்க உறுப்புக்களில் உள்ள திசுக்கள் அழிவதைத் தடுக்கும் வைட்டமின் ஈ சத்து ஏராளமாக நிறைந்துள்ளது. எனவே ஆண்கள் தினமும் குறைந்தது ஒரு முட்டையை உட்கொண்டு வந்தால், இனப்பெருக்க உறுப்புக்களில் உள்ள திசுக்கள் அழிவதைத் தடுத்து, விந்தணுவின் எண்ணிக்கையை உயர்த்தலாம்.

மாதுளை

ஆண்கள் தினமும் மாதுளை அல்லது மாதுளை மில்க் ஷேக்கை குடித்து வருவது நல்லது. இதற்கு மாதுளையில் உள்ள ஆன்டி-ஆக்ஸிடன்ட், விந்தணுக்கள் பாதிக்கப்படுவதைத் தடுத்து, நல்ல பாதுகாப்பு வழங்கும். மேலும் மாதுளை விந்தணுவின் தரத்தையும் அதிகரிக்கும்.

வாழைப்பழம்

வாழைப்பழத்தில் புரோமிலைன் வளமாக உள்ளது. இந்த நொதி செக்ஸ் ஹார்மோன்களை கட்டுப்படுத்தும். மேலும் இதில் வைட்டமின் ஏ, பி1 மற்றும் சி அடங்கியுள்ளது. இந்த வைட்டமின்கள் விந்தணு உற்பத்திக்கும், உடலின் ஸ்டாமினாவை நீண்ட நேரம் தக்க வைக்கவும் உதவும்.

டார்க் சாக்லேட்

டார்க் சாக்லேட்டில் உள்ள அர்ஜினைன் என்னும் பொருள், விந்தணுவின் அளவு மற்றும் தரத்தை அதிகரிக்கும். எனவே நீங்கள் படுக்கையில் சிறப்பாக செயல்பட நினைத்தால், டார்க் சாக்லேட்டை உட்கொண்டு வாருங்கள்.

கடல் சிப்பி

கடல் சிப்பியில் ஜிங்க் அதிகம் உள்ளது. ஆண்களின் உடலில் டெஸ்டோஸ்டிரோன் அளவையும், விந்தணுவின் உற்பத்தியையும் அதிகரிப்பதில் ஜிங்க் சத்து மிகவும் முக்கிய பங்கினை வகிக்கிறது. எனவே விந்தணு குறைபாடு உள்ள ஆண்கள் கடல் சிப்பியை தொடர்ந்து உணவில் சேர்த்து வர, உடலில் டெஸ்டோஸ்டிரோன் அளவு அதிகரித்து, விந்தணுக்கள், பாலுணர்ச்சி மற்றும் உடலின் ஆற்றல் அதிகரிக்கும்.