தினமும் அவதி அவதியா சாப்பிட்டுட்டு ஓடறீங்களா? நீங்க இத மட்டும் ஒரு நிமிஷம் படிங்களேன்...

என்னதான் பிரச்சினை?

முதலில் உங்களுடைய சாப்பிடும் தட்டில் என்ன சாப்பிடுகிறீர்கள், எந்த மாதிரி உணவை வேகமாக சாப்பிட்டு முடிக்கிறீர்கள் என்பதை முதலில் நன்கு கவனியுங்கள்.

எந்தெந்த உணவுகளை வேகமாகச் சாப்பிடுகிறீர்கள் என்று நன்கு உற்று கவனியுங்கள். அதனால் அப்படி சாப்பிடுகிற பொழுது, நம்முடைய உடலிலும் ஜீரண மண்டலத்திலும் என்னென்ன மாதிரியாக மாற்றங்கள் உண்டாகின்றன என்பது பற்றிய புரிதல் நமக்கு மிக அவசியம்.

ஆராய்ச்சி

ஜப்பானில் கடந்த ஐந்து வருடங்களாக 1083 வயது வந்த இளைஞர்களை வைத்து ஆராய்ச்சி நடத்தப்பட்டது. அதில் இளைஞர்கள் மூன்று குழுக்களாகப் பிரிக்கப்பட்டனர். ஒரு குழுவினரைச் சேர்ந்தவர்கள் மிக மெதுவாக உணவு உண்பவர்கள், ஒரு குழுவினர் சாதாரணமாக சராசரியாக உணவை எடுத்துக் கொள்வர்கள், மற்றொரு குழுவினர் உணவை மிக வேகடாக சாப்பிட்டு முடிக்கக் கூடியவர்கள்.

டயட் மற்றும் பிற

இந்த ஆராய்ச்சியில் வெறுமனே கலந்து கொள்ள அனுமதிக்கப்படவில்லை. அதற்கு முன்னதாக அவர்களுக்கு தேர்வும் வைக்கப்பட்டது. அவர்களுடைய உடற்பயிற்சி முறைகள், என்ன மாதிரியான டயட்டை பின்பற்றுகிறார்கள் போன்ற அடிப்படையான செய்திகள் அனைத்தும் சேகரிக்க்பட்டன.

மெட்டபாலிசம் பிரச்சினைகள்

குறிப்பாகச் சொல்ல வேண்டும் என்றால் இந்த ஆய்வுக்கு உட்படுத்தப்பட்ட எவருக்கும் மெட்டபாலிசம் சம்பந்தப்பட்ட கோளாறுகள் எதுவும் கிடையாது என்பது தான்.

ஆராய்ச்சி முடிவு

இந்த ஐந்து வருட ஆராய்ச்சியின் முடிவில் கிடைத்த ரிப்போர்ட்டின் படி, 84 பேர் மெட்டபாலிச பிரச்சினையால் பாதிக்கப்பட்டு இருந்தனர் என்றும் அதற்கு அவர்கள் உணவை சாப்பிட்ட வேகமும் தான் காரணம் என்று கண்டறியப்பட்டது.

சாதாரணமாக சாப்பிடுபவர்குளைக் காட்டிலும் வேகமாகச் சாப்பிடுகிறவர்களில் 89 சதவீதம் பேர் இந்த மெட்டபாலிசம் சிண்ட்ரோமால் பாதிக்கப்பட்டிருக்கிறார்கள்.

எடை பிரச்சினை

வேகமாக சாப்பிடுகிறவர்களுக்கு மெட்டபாலிசம் சிண்ட்ரோம் மட்டுமல்ல, அளவுக்கு அதிகமாக உடல் எடையும் கூடியிருந்தது. மார்புப் பகுதி பெருத்துவிட்டது. அதேபோல் ரத்த அழுத்தம் மற்றும் ரத்த சர்க்கரையின் அளவும் துரிதமாக அதிகரித்திருந்தது தெரிய வந்தது.

சாப்பிட்ட திருப்தி

அதேபோன்று வேகமாக உணவை சாப்பிட்டு முடிப்பவர்களுக்கு உணவை சாப்பிட்ட திருப்தி இருப்பது கிடையாது. எவ்வளவு சாப்பிட்டாலும் மீண்டும் பசியாக இருப்பது போன்ற ஒரு உணர்வே இருக்கும். அதனால் திரும்பத் திரும்ப அளவுக்கு அதிகமாக சாப்பிட நேரிடும். இதனால் குளுக்கோஸ் உற்பத்தியில் தடையும் இன்சுலின் சுரப்பு சீரற்றும் இருக்கும்.

என்ன பிரச்சினை வரலாம்?

வேகவேகமாக அவதியாக உணவைச் சாப்பிட்டுவிட்டு செல்வதால் மிகவும் ரிஸ்க்கான அடிவயிற்றுச் சதைப்பெருக்கம், அதனால் உடல்பருமன் ஆவது, உடலில் நல்ல கொழுப்புகளின் அளவு குறைதல், உயர் டிரைகிளிசரைடுஸ், உயர் ரத்த அழுத்தம், உயர் ரத்த சர்க்கரை, இதயம் சம்பந்தப்பட்ட பிரச்சினைகள், நீரிழிவு போன்ற பிரச்சினைகள் ஏற்பட அதிக வாய்ப்புண்டு. அதனால் உணவை மிக மெதுவாகவும் சாப்பிட வேண்டும் என்ற அவசியமில்லை. நிதானமாக எந்த உணவை சாப்பிட்டாலும் அதை நன்கு பற்களால் மென்று நாக்கில் சுவை நரம்புகள் தூண்டப்பட்டு உமிழ்நீர் சுரக்கும்படி சாப்பிடப் பழகுங்கள்.

குறிப்பு

இதையெல்லாம் மனசுல வெச்சிகிட்டு இனிமே மெதுவாக சாப்பிடறதா, வேகமாக அவதி அவதியா சாப்பிடறதா இல்ல சாதாரணமா மென்று சுவைத்து சரியான அளவில் சரிவிகித உணவை சாப்பிடறதா என்று நீங்களே முடிவு செய்யுங்க. ஆரோக்கியமான வாழ்க்கை வாழுங்க.