தமிழ் பிரபலங்களும்... அவர்களின் பிட்னஸ் மந்திரங்களும்....

சூர்யா

நடிகர் சூர்யா பிட்டாக இருப்பதற்கு அவர் தினமும் உடற்பயிற்சிக்கு 1 மணிநேரம் செலவழிப்பதோடு, சரியான அளவில் ஆரோக்கியமான உணவை தேர்ந்தெடுத்து உட்கொண்டு வருவது தான் காரணம். அதிலும் அவர் கார்டியோ மற்றும் பளு தூக்கும் பயிற்சியை தினமும் மேற்கொண்டு வருவார்.

நயன்தாரா

நடிகை நயன்தாரா இன்னும் பிட்டாக காணப்படுவதற்கு காரணம், அவர் தினமும் யோகா செய்வதோடு, 8 மணிநேர தூக்கத்தை மேற்கொள்கிறார். அதுமட்டுமின்றி, மதிய வேளையில் குட்டித்தூக்கம் கூட போடுவார். இது தான் அவர் இளமையோடும், செக்ஸியான உடலமைப்பையும் பெற்றுள்ளதற்கு பின்னணியில் இருப்பது.

விஜய்

நடிகர் விஜய் கூட சற்றும் குண்டாகாமல் பிட்டான உடலை பராமரித்து வருகிறார். இதற்கு அவர் பின்பற்றும் டயட் என்று நினைத்தால், அது தவறு. ஏனெனில் அவர் டயட் ஏதும் பின்பற்றுவதில்லை. மாறாக எந்த ஒரு உணவை உட்கொண்டாலும், அளவாகத் தான் சாப்பிடுவாராம். மேலும் ஒருமுறை தட்டில் எவ்வளவு உணவு போடுகிறாரோ அதை மட்டும் தான் சாப்பிடுவாராம். அதுமட்டுமின்றி, தினமும் தவறாமல் உடற்பயிற்சியை மேற்கொண்டு வருவார்.

த்ரிஷா

நடிகை த்ரிஷா சமச்சீர் உணவுடன், தினமும் உடற்பயிற்சியை செய்து வருவார். மேலும் இவர் தனது வீட்டிலேயே மினி ஜிம் ஒன்றை வைத்து அன்றாடம் ஒன்றரை மணிநேராமாவது உடற்பயிற்சியை மேற்கொண்டு வருகிறார்.

சமீரா ரெட்டி

நடிகை சமீரா ரெட்டி உயரத்திற்கு ஏற்ற எடையுடன் இருப்பதற்கு காரணம், அவர் தினமும் குறைந்தது 45 நிமிடம் யோகா செய்வது, ஜிம் செல்வது, ஜாக்கிங் போவது மற்றும் நீச்சலில் ஈடுபடுவது என்று ஈடுபடுவார்.

டாப்ஸி

டாப்ஸி டயட் என்று உணவில் கட்டுப்பாடோ அல்லது ஜிம் செல்வது என்றோ எதுவும் இல்லை. இவருக்கு நீச்சல் மற்றும் நடனம் மிகவும் பிடிக்கும். அதில் எப்போதும் ஈடுபடுவதால், இவர் பிட்டாக உள்ளார். உடலை பிட்டாக வைத்துக் கொள்ள நிறைய வழிகள் உள்ளது தானே!

ஹன்சிகா

முன்பு ஹன்சிகா பப்பளிமாஸ் போன்று குண்டாக இருந்தார். ஆனால் தற்போது படங்களில் அழகாக பிட்டாக காணப்பட வேண்டுமென்று, சமீப காலமாக ஜிம், டயட் என்று பின்பற்றி வருகிறார். அதில் தினமும் 2 மணிநேரம் கார்டியோ மற்றும் வெயிட் உடற்பயிற்சி மற்றும் யோகா, தியானம் போன்றவற்றை செய்து வருவதோடு, உடற்பயிற்சிக்கு பின் புரோட்டீன் மில்க்ஷேக் குடிப்பாராம். அதுமட்டுமின்றி, இவர் வீட்டில் சமைத்த உணவை மட்டும் தான் விரும்பி சாப்பிடுவாராம். மேலும் ஒரு நாளைக்கு கொஞ்சம் கொஞ்சமாக எட்டு முறை சாப்பிடுவாராம்.

மாதவன்

மாதவன் நடிகராக அறிமுகமாகும் போது, அவரது க்யூட்டான முகம் மற்றும் உடலமைப்பினால் எண்ணற்ற ரசிகைகளைப் பெற்றார். இடையில் சற்று குண்டாக இருந்தாலும், தற்போது தமிழில் வெளிவரவிருக்கும் இறுதி சுற்று என்ற படத்திற்காக பிட்டாகியுள்ளார். இப்படத்திற்காக இவர் ஜிம் சென்று, டயட் மேற்கொண்டு வருகிறார்.

சுனைனா

நடிகை சுனைனா தினமும் தவறாமல் ஜிம் சென்று, கலோரிகளை எரிப்பாராம். மேலும் சரிவிகித உணவை உட்கொண்டும் வருவராம்.