மாதவிடாய் காலங்களில் சுறுசுறுப்பாக இருப்பதற்கு என்ன சாப்பிடலாம்...?

காம்ப்ளக்ஸ் கார்போஹைட்ரேட்கள்

காம்ப்ளக்ஸ் கார்போஹைட்ரேட்கள் உள்ள பழங்கள், காய்கறிகள் மற்றும் முழு உணவுகளை மாதவிடாய் உணவுகளை சாப்பிடவும். இதில் கேரட், பாதாம் பழம், ஆரஞ்சு பழம், ப்ளம்ஸ் போன்றவற்றை நீங்கள் சேர்த்துக் கொள்ளலாம். மாதவிடாய் பருவங்களில் உடல் அதிக சர்க்கரை கேட்பதை, இந்த உணவுகள் குறைக்கும்.

டார்க் சாக்லெட்டும் மனநிலையும்

உணவில் டார்க் சாக்லெட்டை நீங்கள் சேர்த்துக் கொள்ள வேண்டிய பருவம் இதுதான். டார்க் சாக்லெட்டில் அதிகளவு உள்ள ஆன்டி-ஆக்ஸிடன்ட்டுகள் மனநிலையை நல்ல நிலையில் வைத்திருக்கின்றன. எனவே, மாதவிடாய் காலங்களில் டார்க் சாக்லெட் உணவில் கண்டிப்பாக இருக்க வேண்டும்.

வைட்டமின் கொண்ட உணவுகள்

மாதவிடாய் காலங்களில் வைட்டமின்கள் நிறைந்த உணவை சாப்பிட வேண்டியது அவசியமாகும். வைடட்டமின் ஈ சாப்பிடுவதால் உங்களுக்கு PMS பிரச்சனை குறைகிறது. வேண்ணைய் பழம் மற்றும் முட்டையின் கருவை சாப்பிட்டு வைட்டமினை ஈ பெருமளவு பெறலாம். மேலும் வைட்டமின் பி6 வயிறு உப்புசமடைவதை குறைக்கிறது. வைட்டமின் சி உங்களுடைய இனப்பெருக்க உறுப்புகளின் நலனை மேம்படுத்துகிறது. திராட்சை மற்றும் எலுமிச்சையில் வைட்டமின் சி நிறைந்திருக்கிறது. உருளைக்கிழங்கை உணவில் சேர்த்துக் கொண்டால் வைட்டமின் பி6 கிடைக்கும்.

காப்ஃபைன் வேண்டாம்

உங்களுடைய உணவில் காப்ஃபைனை சேர்த்துக் கொள்ளாமல் இருக்க வேண்டிய பருவமாக இது உள்ளது. நீங்கள் காப்ஃபைன் குடிக்கும் போது, அது வலியை ஏற்படுத்தும் அமிலங்களை வயிற்றில் உற்பத்தி செய்கிறது. உங்களால் காபி குடிக்காமல் இருக்க முடியாத பட்சத்தில் டீ குடியுங்கள். காபி குடிப்பதற்கு மாறாக டீ குடித்தால் காபிக்கான ஈடுபாடு குறையும்.

அவசியமான கொழுப்பு அமிலங்கள்

முதன்மையான வயிற்று வலியை அனுபவிக்கும் காலமாக மாதவிடாய் பருவம் உள்ளது. இந்த வலிகளிலிருந்து உங்களை பாதுகாத்துக் கொள்ள விரும்பினால் அவசியமான கொழுப்பு அமிலங்களை உணவில் சேர்த்துக் கொள்ளுங்கள். மாதவிடாய் பருவத்தில் உங்களுடைய ஹார்மோன்களில் ஏற்படும் மாற்றங்களை கொழுப்பு அமிலங்கள் நிறைந்திருக்கும் உணவுகளை சாப்பிடுவதன் மூலம் நிலைப்படுத்த முடியும். இந்த கொழுப்பு அமிலங்களை நீங்கள் பெற விரும்பினால் ஆளி விதை, பரங்கிக்காய் மற்றும் சூரியகாந்தி விதைகளை சாப்பிட வேண்டும். இவற்றில் உள்ள லைனோலெனிக் அமிலத் தன்மைகள் உங்களுடைய கருப்பை தசைகளை தளரச் செய்து, வலியிலிருந்து நிவாரணம் தருகின்றன.

இரும்புச்சத்துள்ள உணவுகள்

மாதவிடாயின் போது உங்களுக்கு பெருமளவு இரத்தப்போக்கு ஏற்படும். எனவே உங்களுடைய உடலுக்கு நீங்கள் புத்துயிர் கொடுக்க வேண்டியிருக்கும். இதற்காக இரும்புச் சத்து நிறைந்த உணவுகளை நீங்கள் சாப்பிட்டு இரத்த சோகை வருவதை தடுக்கவும் மற்றும் இழந்த ஹீமோகுளோபின்களை மீண்டும் பெறவும் முடியும். இதன் மூலம் நீங்கள் பலவீனமடைவதையும் மற்றும் மன அழுத்தமடைவதையும் பெருமளவு குறைத்திட முடியும். இந்த உணவுகளை மன அழுத்தத்தை குறைப்பதில் பெரும்பங்கு வகிக்கின்றன. இறைச்சி, கோழி, காய்ந்த பீன்ஸ்கள், சர்க்கரை பாகு மற்றும் பசுந்தழைக் காய்கறிகள் ஆகியவற்றை சாப்பிட்டு போதுமான இரும்புச் சத்தைப் பெற முடியும்.

பழங்கள், காய்கறிகள், தானியங்கள்

முழு தானியங்கள், பழங்கள் மற்றும் காய்கறிகள் ஆகியவை உங்களுடைய உணவில் நிறைந்திருக்க வேண்டும். இந்த உணவு சரிவிகிதமாகவும் இருக்க வேண்டும். உங்களுடைய உணவுகளில் திரவ உணவுகள் இருப்பதையும் உறுதிப்படுத்திக் கொள்ளுங்கள். மாதவிடாய் காலத்தில் நிறைய தண்ணீர் குடியுங்கள். மாதவிடாய் காலத்தில் நல்ல, சத்தான உணவை சாப்பிட்டு உடலையும், மனதையும் ஆரோக்கியமாக பராமரியுங்கள்.