இந்தியர்கள் பிட்டாகவும் ஆரோக்கியமாகவும் இருப்பதற்கான இரகசியங்கள்!!!

கடுகு

இந்தியர்கள் அனைத்து உணவிலும் சேர்க்கும் ஒரு பொருள் தான் கடுகு. இத்தகைய வயிற்றுப் போக்கை குணப்படுத்தும் தன்மை கொண்டவை. மேலும் வயிற்று பிரச்சனைகள் இருக்கும் போது, 1 டேபிள் ஸ்பூன் கடுகை 1 கப் சுடுநீரில் போட்டு ஊற வைத்து, பின் அந்த விதைகளை நீக்கி, தண்ணீரைக் குடித்தால் வயிற்றுப் பிரச்சனைகள் குணமாகிவிடும்.

மிளகாய் தூள்

உணவில் காரத்திற்காக இந்தியர்கள் சேர்க்கும் ஒரு பொருள் தாள் மிளகாய் தூள். இத்தகைய மிளகாய் தூள் உடலில் தங்கியுள்ள கொழுப்புக்களை கரைத்து, உடல் எடையை குறைக்க உதவும்.

சோம்பு

மலச்சிக்கல் இருப்பது போன்று இருந்தால், சிறிது சோம்பை வாயில் போட்டு மென்றால், மலச்சிக்கலுடன், வயிற்று பிரச்சனைகளும் வராமல் இருக்கும்.

கரம் மசாலா

கரம் மசாலாவில் இரண்டிற்கும் மேற்பட்ட மசாலாப் பொருட்கள் இருப்பதால், இதுவும் உடல் எடையை கட்டுப்பாட்டுடன் வைத்துக் கொள்ள உதவியாக இருக்கும். குறிப்பாக கரம் மசாலாவில் பட்டை சேர்த்திருப்பதால், அது கலோரிகளை குறைக்கும்.

சீரகப் பொடி

சீரகம் உணவின் சுவையை அதிகரிக்க மற்றும் நல்ல மணத்தை தருவதற்கு மட்டுமல்லாமல், உயர் இரத்த அழுத்தத்தை குறைக்கவும் பெரிதும் உதவியாக உள்ளது.

மிளகு தூள்

சளி, இருமல் போன்றவற்றை குணப்படுத்துவதில் மிளகு பெரும் பங்கைனை வகிக்கிறது. அதிலும் இவை முற்றிய நிலையில் நீரில் சிறிது மிளகு தூள் சேர்த்து கொதிக்க விட்டு குடித்தால், அவை உடனே நல்ல நிவாரணத்தைக் கொடுக்கும்.

கசகசா

கசகசா சற்று கசப்பாக இருந்தாலும், இது டைப் 1 மற்றும் 2 நீரிழிவை கட்டுப்பாட்டுடன் வைத்துக் கொள்ளும்.

பிரியாணி இலை

உணவின் மணத்தை அதிகரிக்க உதவும் மசாலாப் பொருட்களில் ஒன்று தான் பிரியாணி இலை. இந்த இலை வயிற்று வலியை குறைக்கும் தன்மை கொண்டவை.

ஜாதிக்காய்

இந்திய உணவுகளில் சேர்க்கப்படும் ஜாதிக்காய் சைனஸ், தலைவலி, சளி போன்றவற்றை சரிசெய்யும். மேலும் மூக்கடைப்பிற்கு ஜாதிக்காய் நல்ல நிவாரணத்தை அளிக்கும்.

வினிகர்

பல் வலி வந்தால் கிராம்பை வாயில் போட்டுக் கொள்வோம். ஆனால் வினிகரை நீருடன் சேர்த்து கலந்து, வாயில் ஊற்றி கொப்பளித்தால் பல் வலியானது போய்விடுவதுடன், வாயில் தொற்றுகள் ஏதும் ஏற்படாமல் இருக்கும்.