டயட்-ல இருக்கும் போது பண்ற தப்பு என்ன தெரியுமா?

உணவுகளை குறைப்பது

மக்கள் உடலை குறைக்க முதலில் நினைப்பது உண்ணும் உணவுகளை குறைப்பது. அவ்வாறு தினமும் உண்ணும் உணவுகளை திடீரென்று குறைப்பதால், உடல் எடை குறையும். ஆனால் அதே சமயம் உடலுக்கு தேவையான கலோரிகள் கிடைக்காமல், உடல் பலமிழந்து, நோயால் எளிதில் பாதிக்கப்படும் நிலை ஏற்படும். அதிலும் சிலர் பழங்களை மட்டும் சாப்பிடுவர். பழங்களில் மட்டும் உடலுக்கு வேண்டிய சத்துக்கள் கிடைக்காது. ஆகவே உடனே உணவுகளை குறைக்கக் கூடாது.

உணவை தவிர்ப்பது

என்ன தான் உடல் எடையை குறைக்க உணவு சாப்பிடுவதை தவிர்த்தாலும், உடல் எடை குறையாது. ஏனெனில் ஒரு வேளை உணவு சாப்பிடுவதை தவிர்த்தாலும், மறுவேளை உண்ணும் வரை பசித்துக் கொண்டே இருக்கும். அதனால் ஏதாவது சாப்பிட வேண்டும் என்று தோன்றும் அல்லது உண்ணும் போது கட்டுப்பாடின்றி சாப்பிடுவோம். மேலும் சாப்பிடுவதை தவிர்த்தால், உடல் நலம் தான் பாதிக்கப்படும்.

தண்ணீர்

தண்ணீர் உடலில் உள்ள கலோரிகளை எரித்துவிடும் தன்மையுடையது. ஆகவே என்ன உணவுகளை உண்டாலும், நிறைய தண்ணீரை பருகினால், உடலில் உள்ள கலோரிகள் கரைந்து, உடல் எடையும் அதிகரிக்காமல் இருக்கும்.

குறைந்த கலோரி உணவுகள்

அதிக கலோரிகள் நிறைந்த உணவு உண்டால் தான் உடல் எடை அதிகரிக்கும் என்று குறைந்த கலோரிகள் நிறைந்த உணவை அதிகம் சாப்பிட்டால் ஒன்றும் ஆகாது என்று நிறைய பேர் நினைக்கின்றனர். ஆனால் அவற்றை அதிகம் சாப்பிடுவதால், நிச்சயம் உடல் தான் பருமனடையும்.

பால் பொருட்கள்

நிறைய மக்கள் பால் பொருட்களை அதிகம் சாப்பிட்டால், உடல் எடை அதிகரிக்கும் என்று நினைக்கின்றனர். ஆனால் உண்மையில் பால் பொருட்களில் கால்சியம் அதிகம் உள்ளது. மேலும் அந்த கால்சியம் உடலில் உள்ள கொழுப்புகளை எரித்துவிடும். அதே சமயம் அந்த கால்சியம் உடலில் இல்லையென்றால், உடலில் கொழுப்புகள் அதிகரித்து, உடல் எடை அதிகரித்துவிடும்.

ஜூஸ்கள்

ஒரு சில ஜூஸ்களால் எந்த ஒரு நன்மையும் இல்லையென்று நினைத்து, அந்த பழச்சாற்றை தங்கள் டயட்களில் சரியாக சேர்க்காமல் இருக்கின்றனர். ஆனால் உண்மையில் அனைத்து ஜூஸ்களிலும் உடலுக்கு தேவையான கலோரிகள் இருக்கின்றன. ஆகவே அவற்றை உடலில் எவ்வளவு சேர்க்க வேண்டுமோ, அவ்வளவு சேர்த்து, உடலை ஆரோக்கியத்துடன் வைத்துக் கொள்ள வேண்டும்.

ஸ்நாக்ஸ்

உடல் எடையை குறைக்க நினைக்கும் போது ஸ்நாக்ஸ்களை எப்போதுமே சாப்பிடக்கூடாது என்பதில்லை. ஸ்நாக்ஸ்களை சாப்பிடலாம், ஆனால் ஆரோக்கியமானவற்றை சாப்பிட வேண்டும். ஏனெனில் அவற்றால் உடலில் உள்ள நோய் எதிர்ப்பு சக்திகளின் அளவு அதிகரித்து, எளிதில் உடல் எடையும் குறைந்துவிடும்.