எச்சரிக்கை! சர்க்கரை நோயால் உங்க கண்களில் என்னென்ன பிரச்சனைகள் ஏற்படும் தெரியுமா?

நீரிழிவு நோயால் பாதிக்கப்பட்டவர்களுக்கு கிளக்கோமா வருவதற்கான வாய்ப்புகள் அதிகம். இது பல வகைகளில் உள்ளது. கிளக்கோமாவில், உங்கள் கண்ணுக்குள் அழுத்தம் உருவாகிறது. ஏனெனில் திரவம் தேவையான வழியில் வெளியேறாது.

Published: Tuesday, September 21, 2021, 16:06 [IST]

நாட்டில் சுமார் 70 மில்லியன் மக்கள் நீரிழிவு நோயால் பாதிக்கப்பட்டுள்ளனர், இந்தியா உலகின் நீரிழிவு தலைநகரம் என்று அழைக்கப்படுகிறது. நீரிழிவு நோய் இரண்டு வகைகள் உள்ளன. அதில் வகை 1 நீரிழிவு நோயை விட வகை 2 நீரிழிவு மிகவும் பொதுவானது. பொதுவாக, உயர் இரத்த சர்க்கரை உள்ளவர்கள் ஒரு பொருளின் நுணுக்கமான விவரங்களைப் பார்ப்பது கடினம். கண் ஆரோக்கியமும் நீரிழிவு நோயும் இணைந்திருப்பதே இதற்குக் காரணம்.

Diabetes and eye health: Eye conditions caused by diabetes

நீரிழிவு உங்கள் கண் ஆரோக்கியத்தை பாதிக்கும் மற்றும் பல்வேறு கண் தொடர்பான சிக்கல்களுக்கு வழிவகுக்கும். கட்டுப்பாடற்ற இரத்த சர்க்கரையால் ஏற்படக்கூடிய கண் பிரச்சினைகள் பற்றி இக்கட்டுரையில் காணலாம்.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்

மங்களான பார்வை

நீரிழிவு நோய் உங்கள் கண் லென்ஸ்களை வீக்கமடையச் செய்யும். இது மங்கலான பார்வைக்கு வழிவகுக்கும். எனவே, நீங்கள் நீரிழிவு நோயால் பாதிக்கப்பட்டிருந்தால், திடீரென்று உங்கள் பார்வை மங்குவதை நீங்கள் கவனித்தால் உடனடியாக உங்கள் கண்ணாடிகளை மாற்ற வேண்டிய அவசியமில்லை. உங்கள் இரத்த சர்க்கரையை பரிசோதித்து, மங்கலான பார்வை சிக்கலை சரிசெய்ய குறிப்பு மதிப்பின் கீழ் இருப்பதை உறுதிப்படுத்திக் கொள்ளுங்கள். உங்கள் இயல்பான பார்வை திரும்ப 3 மாதங்கள் வரை ஆகலாம். மேலும், உங்கள் மருத்துவரிடம் பிரச்சினையைப் பற்றி விவாதிக்க மறக்காதீர்கள்.

கண்புரை

ஒரு கேமராவைப் போலவே, உங்கள் கண்களின் இயற்கையான லென்ஸ் ஒரு படத்தைப் பார்க்கவும் கவனம் செலுத்தவும் உதவுகிறது. லென்ஸ் மேகமூட்டமாகவோ அல்லது அழுக்காகவோ இருக்கும்போது, கண்புரை உருவாகியிருப்பதற்கான அறிகுறியாகும். யாருக்கு வேண்டுமானாலும் கண்புரை ஏற்படலாம். ஆனால் நீரிழிவு நோய் இருப்பவர்களுக்கு நீரிழிவு இல்லாதவர்களை விட முன்பே அவற்றைப் பெறலாம். ஒரு மேகமூட்டமான லென்ஸ் உங்கள் கண்ணை இருக்க வேண்டிய வழியில் கவனம் செலுத்த அனுமதிக்காது. கண்புரை அகற்ற அறுவை சிகிச்சை தேவை. அறுவை சிகிச்சையில், ஒரு செயற்கை லென்ஸுடன் ஒரு மேகமூட்டமான லென்ஸ் அகற்றப்படுகிறது.

கண் அழுத்த நோய் (கிளக்கோமா)

நீரிழிவு நோயால் பாதிக்கப்பட்டவர்களுக்கு கிளக்கோமா வருவதற்கான வாய்ப்புகள் அதிகம். இது பல வகைகளில் உள்ளது. கிளக்கோமாவில், உங்கள் கண்ணுக்குள் அழுத்தம் உருவாகிறது. ஏனெனில் திரவம் தேவையான வழியில் வெளியேறாது. இது நரம்புகள் மற்றும் இரத்த நாளங்களை சேதப்படுத்தும், இது பார்வை மாற்றங்களுக்கு வழிவகுக்கும். கிளக்கோமாவின் மிகவும் பொதுவான வடிவம் திறந்த கோண கிளக்கோமா ஆகும். இது மருந்துகளால் சிகிச்சையளிக்கப்படலாம். மருந்துகள் வடிகட்டலை துரிதப்படுத்துவதன் மூலமும், உங்கள் கண்ணுக்குள் இருக்கும் திரவத்தைக் குறைப்பதன் மூலமும் அழுத்தத்தைக் குறைக்கின்றன.

நீரிழிவு ரெட்டினோபதி

விழித்திரை என்பது ஒளியை எடுக்கும் உங்கள் கண்களின் பின்புறத்தில் உள்ள உயிரணுக்களின் குழுவாகும். இவை பார்வை நரம்பு உங்கள் மூளைக்கு அனுப்பும் படங்களாக மாறும். உங்கள் விழித்திரையில் உள்ள சிறிய இரத்த நாளங்களுக்கு சேதம் ஏற்படுவது நீரிழிவு விழித்திரை நோயை ஏற்படுத்தும். சரியான நேரத்தில் கண்டறிந்து சிகிச்சை அளிக்காவிட்டால், நீங்கள் கண் பார்வையை கூட இழக்க நேரிடலாம்.