2020 ஜீ சினி விருது விழாவிற்கு கைத்தறி புடவையில் அம்சமாக வந்த நயன்தாரா!

2020 ஜீ சினி விருது விழாவிற்கு நயன்தாரா பார்டர் கொண்ட அடர் மெரூன் நிற கைத்தறி புடவையை அணிந்து வந்திருந்தார். இந்த புடவைக்கு மேட்ச்சாக முழங்கை அளவு நீளமுள்ள ஜாக்கெட் அணிந்து வந்தது சிறப்பாக இருந்தது.

Published: Wednesday, January 8, 2020, 16:23 [IST]

சமீபத்தில் 2020 ஆம் ஆண்டிற்கான ஜீ சினி விருது விழா சென்னையில் நடைபெற்றது. இந்த பிரம்மாண்டமான விருது விழாவில் ஏராளமான முக்கிய பிரபலங்கள் கலந்து கொண்டனர். விருது விழாவில் விருதுகள் மட்டுமின்றி, பிரபலங்கள் அணிந்து வரும் உடை மற்றும் ஆபரணங்களும் தான் பேசப்படும். அந்த வகையில் பல நடிகைகள் பல அட்டகாசமான உடை அணிந்து வந்திருந்தனர்.

MOST READ: மார்டன் உடைகளில் மட்டுமல்ல புடவையிலும் செக்ஸியாக காட்சியளிக்கும் நயன்தாராவின் சில லுக்ஸ்!

லேடி சூப்பர் ஸ்டாரான நயன்தாராவும் வந்திருந்தார். அதுவும் புடவையில் அற்புதமாக வந்திருந்தார். உங்களுக்கு ஜீ சினி விருது விழாவிற்கு நயன்தாரா மேற்கொண்டு வந்த ஸ்டைல் மற்றும் அணிந்து வந்த உடையை காண வேண்டுமானால் தொடர்ந்து படியுங்கள்.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்

கைத்தறி புடவை

2020 ஜீ சினி விருது விழாவிற்கு நயன்தாரா பார்டர் கொண்ட அடர் மெரூன் நிற கைத்தறி புடவையை அணிந்து வந்திருந்தார். இந்த புடவைக்கு இவர் மேட்ச்சாக முழங்கை அளவு நீளமுள்ள ஜாக்கெட் அணிந்து வந்தது சிறப்பாக இருந்தது.

மேக்கப்

நயன்தாரா இந்த புடவைக்கு சற்று அளவாக மேக்கப் போட்டு வந்திருந்தார். அதுவும் கண்களுக்கு ஸ்மோக்கி மேக்கப், உதட்டிற்கு நியூடு நிற லிப் கிளாஸ் போட்டு, நெற்றியில் வட்ட வடிவ மெரூன் நிற பொட்டு வைத்துக் கொண்டு வந்திருந்தார்.

ஹேர் ஸ்டைல்

ஹேர் ஸ்டைல் என்று பார்த்தால், சைடு உச்சி எடுத்து ப்ரீ ஹேர் விட்டு கூந்தலின் முனையில் லேசாக கர்ல்ஸ் செய்து கொண்டு வந்திருந்தார். இது நயன்தாராவிற்கு புடவையில் சிறப்பான தோற்றத்தைக் கொடுத்தது எனலாம்.

ஆபரணங்கள்

நயன்தாரா இந்த புடவைக்கு தங்க ஆபரணங்களை அணிந்து வந்திருந்தார். அதுவும் காதுகளுக்கு எதுவும் அணியாமல், கைக்கு வளையல், கழுத்தை ஒட்டியபடியான நெக்லேஸ் மட்டும் அணிந்து வந்திருந்தார்.

இரண்டு விருதுகள்

நயன்தாரா 2020 ஜீ சினி விருது விழாவில் இரண்டு விருதுகளைப் பெற்றார். ஒன்று ஸ்ரீதேவி விருது மற்றொன்று சிறந்த நடிகைக்கான விருது. இது அந்த இரண்டு விருதுகளுடன் நயன்தாரா போட்டோவிற்கு கொடுத்த போஸ்.