2022 தென்னிந்திய பிலிம்பேர் விருது விழாவிற்கு அட்டகாசமான உடைகளில் வந்து கலக்கிய பிரபலங்கள்!

அபர்ணா பாலமுரளி

'சூரரைப் போற்று' நடிகையான அபர்ணா பாலமுரளி 67 ஆவது பிலிம்பேர் விருது விழாவிற்கு கருப்பு நிற உடை அணிந்து வந்திருந்தார். இந்த உடைக்கு இவர் காதுகளில் ஆபரணங்கள் எதுவும் அணியாமல், கழுத்தை ஒட்டியவாறான நகையை அணிந்து, சிம்பிளாக வந்திருந்தார்.

பூஜா ஹெக்டே

நடிகை பூஜா ஹெக்டே கண்ணாடி வேலைப்பாடுகள் செய்யப்பட்ட மின்னும் உடையை அணிந்து பிலிம்பேர் விருது விழாவின் சிவப்பு கம்பளத்தில் நடந்து வந்தார். இந்த உடைக்கு இவர் ஆபரணங்கள் எதுவும் அணியாமல், கொண்டை போட்டு வந்திருந்தார்.

பிரியாமணி

நடிகை பிரியாமணி பிலிம்பேர் விருது விழாவிற்கு பிங்க் நிற புடவையை அணிந்து வந்திருந்தார். இந்த புடவைக்கு எம்பிராய்டரி செய்யப்பட்ட ஸ்லீவ்லெஸ் ஜாக்கெட் அணிந்து வந்தது, அவரை இன்னும் கவர்ச்சிகரமாக வெளிக்காட்டியது.

தபு

நடிகை தபு அவர்களும் தென்னிந்திய பிலிம்பேர் விருது விழாவிற்கு வந்திருந்தார். அப்போது அவர் டிசைனர் அமித் அகர்வால் வடிவமைத்த பிங்க் நிற புடவையை அணிந்து வந்திருந்தார்.

சானியா அய்யப்பன்

மலையாள நடிகையான சானியா அய்யப்பன் 67 ஆவது தென்னிந்திய பிலிம்பேர் விருது விழாவின் சிவப்பு கம்பளத்தில் நடக்கும் போது ஹால்டர் நெக் கொண்ட அழகான கருப்பு மற்றும் வெள்ளை நிற கவுனை அணிந்து தேவதைப் போன்று காணப்பட்டார்.

சாய் பல்லவி

நடிகை சாய் பல்லவி எந்த ஒரு விழாவில் கலந்து கொள்ளும் போது பாரம்பரிய உடையான புடவையை அணிந்து வருவார். அதேப் போன்று தான் இந்த தென்னிந்திய பிலிம்பேர் விருது விழாவிற்கும் கோல்டன் எம்பிராய்டரி செய்யப்பட்ட வெள்ளை நிற புடவை அணிந்து க்யூட்டாக வந்திருந்தார்.

சூர்யா-ஜோதிகா

'சூரரைப் போற்று' திரைப்படத்திற்காக சிறந்த நடிகர் விருதைப் பெற நடிகர் சூர்யா தனது மனைவியான நடிகை ஜோதிகாவுடன் வந்திருந்தார். இதில் சூர்யா கருப்பு நிற கோர்ட்-சூட் அணிந்து வந்திருந்தார். அதற்கு மேட்ச்சாக ஜோதிகா பலவண்ண வேலைப்பாடுகள் செய்யப்பட்ட கருப்பு நிற உடையை அணிந்து வந்திருந்தார்.

மாதவன்

நடிகர் மாதவன் 67 ஆவது தென்னிந்திய பிலிம்பேர் விருது விழாவிற்கு ஆலிவ் பச்சை நிற குர்தா அணிந்து, எப்போதும் போது அழகான கூலிங் கிளாஸ் அணிந்து வந்திருந்தார்.