இந்த சரும பிரச்சனைகளை சந்திக்குறீங்களா? அப்ப நீங்க தவறான மாஸ்சுரைசரை யூஸ் பண்றீங்கன்னு அர்த்தம்...

முகப்பருக்கள்

உங்கள் சருமத்தில் பருக்கள் அதிகம் வருவதைக் கண்டால், உடனே நீங்கள் மாய்ஸ்சுரைசர் பயன்படுத்துவதை நிறுத்த வேண்டும். ஏனெனில் அது நீங்கள் உங்கள் சருமத்திற்கு ஏற்ற மாய்ஸ்சுரைசரைப் பயன்படுத்தவில்லை என்பதன் முக்கிய அறிகுறி. உங்களுக்கு சென்சிடிவ் சருமம் அல்லது பருக்கள் அதிகம் வரும் சருமம் என்றால், லைட் மாய்ஸ்சுரைசரைப் பயன்படுத்த வேண்டும். இல்லாவிட்டால் ஜெல் அல்லது சீரம் வடிவிலான மாய்ஸ்சுரைசரையும் பயன்படுத்தலாம். ஆனால் நீங்கள் பயன்படுத்தும் மாய்ஸ்சுரைசரில் கெமிக்கல்கள் இல்லாதவாறு பார்த்துக் கொள்ளுங்கள்.

வறட்சி

மாய்ஸ்சுரைசர் பயன்படுத்திய பின்னரும் சருமத்தில் வறட்சியை சந்தித்தால், நீங்கள் உங்கள் சருமத்திற்கு ஏற்ற மாய்ஸ்சுரைசரைப் பயன்படுத்தவில்லை என்று அர்த்தம். இந்நிலையில் நீங்கள் உங்கள் மாய்ஸ்சுரைசரை உடனே மாற்ற வேண்டும்.

எண்ணெய் பசை சருமம்

மாய்ஸ்சுரைசர் பயன்படுத்திய பின் உங்கள் முகம் எண்ணெய் வழிந்தவாறு காணப்பட்டால், நீங்கள் உங்கள் சருமத்திற்கு ஏற்ற மாய்ஸ்சுரைசரைப் பயன்படுத்தவில்லை என்று அர்த்தம். மாய்ஸ்சுரைசரானது சரும வறட்சியைப் போக்க வேண்டுமே தவிர, எண்ணெய் வழியும் வகையில் இருக்கக்கூடாது. ஒருவேளை உங்கள் சருமத்தில் எண்ணெய் வழிந்தால், நீங்கள் நீர் வடிவிலான மற்றும் எண்ணெய் பசை இல்லாத மாய்ஸ்சுரைசரை தேர்ந்தெடுத்து பயன்படுத்த வேண்டும்.

அரிப்புகள்

நீங்கள் உங்கள் சருமத்தில் மாய்ஸ்சுரைசரைத் தடவிய பின் அரிப்புக்களை சந்தித்தால், உடனே அந்த மாய்ஸ்சுரைசரைப் பயன்படுத்துவதை நிறுத்துங்கள். எப்போது ஒரு சரும பராமரிப்பு பொருள் சருமத்திற்கு ஒப்புக்கொள்ளவில்லையோ, அப்போது தான் சருமத்தில் அரிப்புக்கள் ஏற்படும். இந்நிலையில் உடனே அந்த பொருளின் பயன்பாட்டை தவிர்க்க வேண்டும். உங்களுக்கு சென்சிடிவ் சருமம் என்றால், நீங்கள் பயன்படுத்தும் மாய்ஸ்சுரைசரானது கெமிக்கல் அதிகம் இல்லாததாக இருக்க வேண்டும். சொல்லப்போனால், இத்தகையவர்கள் இயற்கை பொருட்களைப் பயன்படுத்துவதே நல்லது.

சிறுசிறு புள்ளிகள்

மாய்ஸ்சுரைசர் பயன்படுத்த பின் உங்கள் சருமத்தில் சீழ் நிறைந்த சிறுசிறு புள்ளிகள் தென்பட்டால், நீங்கள் தவறான மாய்ஸ்சுரைசரைப் பயன்படுத்துகிறீர்கள் என்று அர்த்தம். அதுவும் நீங்கள் உடலுக்கு பயன்படுத்தும் மாய்ஸ்சுரைசரை முகத்திற்கு பயன்படுத்தினால், இம்மாதிரியான பிரச்சனையை சந்திக்க நேரிடும்.