சரும நிறத்தை உடனடியாக அதிகரிக்க வேண்டுமா? அப்ப இந்த வாழைப்பழ ஃபேஸ் பேக்கை போடுங்க...

1. வறண்ட சருமத்தினருக்கான வாழைப்பழ ஃபேஸ் பேக்

தேவையான பொருட்கள்:

* நன்கு கனிந்த வாழைப்பழம் - 1

* தேன் - 1/2 டீஸ்பூன்

* தயிர் - 1 டீஸ்பூன்

* மஞ்சள் தூள் - 1 சிட்டிகை

பயன்படுத்தும் முறை:

* முதலில் வாழைப்பழத்தை நன்கு மசித்துக் கொள்ள வேண்டும்.

* பின் அதில் தேன் மற்றும் தயிர் சேர்த்து கலந்து, அத்துடன் மஞ்சள் தூளையும் சேர்த்து கலந்து கொள்ள வேண்டும்.

* பின்பு முகத்தை நீரால் கழுவி, துடைத்துவிட்டு, பின் தயாரித்து வைத்துள்ள கலவையை முகத்தில் தடவி 10 நிமிடம் நன்கு ஊற வைக்க வேண்டும்.

* 10 நிமிடம் ஆனதும், குளிர்ந்த நீரைப் பயன்படுத்தி, முகத்தை மென்மையாக தேய்த்து கழுவ வேண்டும்.

2. எண்ணெய் பசை சருமத்திற்கான வாழைப்பழ ஃபேஸ் பேக்

தேவையான பொருட்கள்:

* வாழைப்பழ பேஸ்ட் - 2 டீஸ்பூன்

* முல்தானி மெட்டி - 1 டேபிள் ஸ்பூன்

* ரோஸ் வாட்டர் - சிறிது

* வைட்டமின் ஈ கேப்ஸ்யூல் - 1

பயன்படுத்தும் முறை:

* முதலில் ஒரு பௌலில் வாழைப்பழ பேஸ்ட், முல்தானி மெட்டி, வைட்டமின் ஈ கேப்ஸ்யலில் உள்ள எண்ணெய் மற்றும் சிறிது ரோஸ் வாட்டர் சேர்த்து கலந்து பேஸ்ட் செய்து கொள்ள வேண்டும்.

* பின்பு அந்த கலவையை முகத்தில் தடவி நன்கு காய வைக்க வேண்டும்.

* ஃபேஸ் பேக் நன்கு காய்ந்ததும், முகத்தில் வெதுவெதுப்பான நீரால் மென்மையாக தேய்த்து கழுவ வேண்டும்.

3. சென்சிடிவ் சருமத்தினருக்கான வாழைப்பழ ஃபேஸ் பேக்

தேவையான பொருட்கள்:

* மசித்த வாழைப்பழம்

* கற்றாழை ஜெல் - 1 டேபிள் ஸ்பூன்

* டீ ட்ரீ ஆயில் - 1-2 துளிகள்

பயன்படுத்தும் முறை:

* முதலில் ஒரு பௌலில் நன்கு மசித்த வாழைப்பழத்தை எடுத்து, அத்துடன் கற்றாழை ஜெல் மற்றும் டீ ட்ரீ ஆயில் சேர்த்து கலந்து நன்கு பேஸ்ட் செய்து கொள்ள வேண்டும்.

* பின் அந்த கலவையை முகத்தில் தடவி 10-15 நிமிடம் ஊற வைத்து, பின் வெதுவெதுப்பான நீரால் மென்மையாக தேய்த்து கழுவ வேண்டும்

குறிப்பு: மேலே கொடுக்கப்பட்டுள்ள ஃபேஸ் பேக்குகளை முகத்திற்கு பயன்படுத்தும் முன், கையில் பரிசோதனை செய்து பார்த்த பின்னர் பயன்படுத்துங்கள்.