இந்த ஒரு பழமே போதும் உங்களை உலக அழகி போல மாற்றுவதற்கு...!

பயன்கள் :-

வாழை பழத்தில் அதிக அளவில் முக அழகை கூட்டும் மூல பொருட்கள் உள்ளது. இதனால் என்றுமே நீங்கள் இளமையாகவும், அழகாகவும் இருப்பீர்கள். இவற்றில் உள்ள பயன்கள் இதோ...

வைட்டமின் எ - உங்கள் முகத்தில் உள்ள கரும்புள்ளிகளை அகற்றும்.

வைட்டமின் பி - முக சுருக்கத்தை குறைத்து, வயோதிக சருமத்தை தடுக்கும்.

வைட்டமின் ஈ - முக சருமத்தை சூரிய கதிர்களில் இருந்து பாதுகாக்கவும். அத்துடன், வறண்ட சருமத்தை ஈரப்பதத்துடன் வைத்திருக்கும்.

பொட்டாசியம் - முகத்தில் உள்ள இறந்த செல்களை அகற்ற உதவும்.

பொலிவான முகம் பெற:-

முதலில் பழுத்த அரை வாழை பழத்தை எடுத்து நன்கு அரைத்து கொள்ளவும். பிறகு அதில் 1 டீஸ்பூன் தேன் மற்றும் 1 டீஸ்பூன் எலுமிச்சை சாற்றை சேர்த்து கலக்கவும். இதனை முகத்தில் நன்றாக பூசி 15 நிமிடம் மசாஜ் செய்யவும். அதன்பின் வெதுவெதுப்பான நீரில் முகத்தை கழுவவும். இவ்வாறு வாரத்திற்கு 2 முறை செய்தால் முகம் மிகவும் அழகாகவும் பொலிவாகவும் மாறும்.

முக சுருக்கங்கள் போக :-

பலர் பார்ப்பதற்கு மிகவும் வயதானவர்கள் போல தெரிவார்கள். ஆனால் அவர்கள் வயது மிகவும் குறைவாக தான் இருக்கும். இளம் வயதிலேயே சருமம் விரைவில் வயோதிக பருவத்தை அடைவதை தடுக்க இந்த அழகு குறிப்பு பயன்படும். 1 டீஸ்பூன் யோகர்டுடன் 1 டீஸ்பூன் ஆரஞ்ச் சாற்றை சேர்த்து கலக்கி கொள்ளவும். பிறகு அதனுடன் 1/4 கப் வாழை பழக் கூழை சேர்க்கவும். இதனை 20 நிமிடம் முகத்தில் ஃபேஸ் பேக் போல போடவும். பின் மிதமான நீரில் கழுவி விடவும். இந்த குறிப்பு கண்டிப்பாக நல்ல பலனை தரும்.

பருக்கள் நீங்க :-

முக அழகை கெடுப்பதில் முதல் இடத்தில் இருப்பது இந்த முக பருக்களே. இவற்றை நீக்க 1/2 டீஸ்பூன் பேக்கிங் சோடா மற்றும் 1/2 டீஸ்பூன் மஞ்சள் ஆகியவற்றை நன்றாக கலந்து 1/2 கப் வாழைப் பழ சாற்றுடன் சேர்க்கவும். இந்த ஃபேஸ் மாஸ்க்கை 15 நிமிடம் முகத்தில் போட்டு நீரில் கழுவினால் முக பருக்கள் காணாமல் போய்விடும். மேலும் சருமத்தில் உள்ள கீறல்களுக்கும் இது ஒரு சிறந்த மருந்து.

ஈரப்பதமான முகம் :-

பலருக்கு முகம் மிகவும் வறண்டு காணப்படும். இதனை சரி செய்ய 2 டீஸ்பூன் வாழைப் பழ கூழை 1 டீஸ்பூன் தேங்காய் பாலுடன் கலந்து 10 நிமிடம் ஊற வைக்கவும். பிறகு அதில் 2 டீஸ்பூன் ஓட்ஸை சேர்த்து முகத்தில் பூசவும். 20 நிமிடம் கழித்து இதனை குளிர்ந்த நீரில் கழுவினால் ஈரப்பதமான சருமம் கிடைக்கும்.

முக அரிப்புகள் குணமடைய :-

சிலருக்கு வெளியில் போயிட்டு வந்தாலே முகம் அரிக்க ஆரம்பித்து விடும். ஏனென்றால் வளி மண்டலத்தில் உள்ள காற்றில் அதிக மாசுவின் காரணமாக கிருமிகள் இருக்க கூடும். இதனால் அரிப்புகள் ஏற்படும். இதனை குணப்படுத்த 1/2 வாழைப் பழத்தை அரைத்து அதில் 1 டீஸ்பூன் பால், 1 டீஸ்பூன் ஓட்ஸ், மற்றும் ஒரு சிட்டிகை ஜாதிக்காய் தூள் சேர்த்து கலந்து கொண்டு முகத்தில் பூசவும். 15 நிமிடதிற்கு பின் இதனை, நீரில் நனைத்த காட்டன் துணியால் துடைத்து விடவும். இது நிச்சயம் முக அரிப்பை போக்கும்.

முகத்தை சுத்தம் செய்ய :-

2 டீஸ்பூன் வாழைப்பழ கூழுடன் 1 டீஸ்பூன் சர்க்கரை சேர்த்து முகத்தில் பூச வேண்டும். இது உங்கள் முகத்தில் உள்ள அழுக்குகளை முற்றிலும் நீக்கி விடும். மேலும் அழுக்குகள் சேராமல் பாதுகாக்கும். சருமத்தின் இறந்த செல்களையும் அகற்றும்.

இந்த பதிவு உங்களுக்கு பயனுள்ளதாக இருந்தால் உங்கள் நண்பர்களுடன் பகிர்ந்து, அவர்களின் முக ஆரோக்கியத்திற்கும் உதவுங்கள்.