ஆண்களின் முகத்தை இளமையாக வைக்கும் 8 ஆயுர்வேத முறைகள்..!

குறிப்பு #1

ஆண்களின் முகம் எப்போதும் மினுமினுவென மினுக்க வேண்டுமா..? அதற்கு இந்த அழகு குறிப்பே போதும். வெளியில் ஆண்கள் அதிகம் செல்வதால் முகத்தில் எண்ணற்ற கிருமிகள் ஒட்டி கொள்ளும். இவற்றை நீக்கி பொலிவான முக பெற, அரை வாழைப்பழத்தை நமக்கு அரைத்து கொண்டு அதனுடன் 1 டீஸ்பூன் தேன் கலந்து 15 நிமிடம் மசாஜ் செய்யவும். பிறகு வெதுவெதுப்பான நீரில் கழுவினால் முகத்தில் உள்ள கிருமிகள் நீங்கி பொலிவு பெரும்.

குறிப்பு #2

பெரும்பாலான ஆண்களுக்கு முகம் மிகவும் வறண்டு காணப்படும். இதனை குணப்படுத்த இந்த அழகு குறிப்பு ஒன்றே போதும். அரை வெள்ளரிக்காயை எடுத்து கொண்டு நன்கு அரைத்து, அதனுடன் 1 டீஸ்பூன் எலுமிச்சை சாற்றை கலந்து முகத்தில் பூசவும். இதனை வாரத்திற்கு 2 முறை இரவில் செய்து காலையில் முகம் கழுவினால் வறண்ட சருமம் புத்துணர்வுடனும் ஈரப்பதத்துடனும் இருக்கும்.

குறிப்பு #3

கரும்புள்ளிகள் கொண்ட முகத்தை சரி செய்ய 1 டீஸ்பூன் பாதாம் எண்ணெய், சிறிது அரைத்த வேப்பங்கொழுந்து, 1/2 மஞ்சள், சிறிது பால் அல்லது ரோஸ் நீர் ஆகியற்றை நன்றாக கலந்து முகத்தில் தடவினால் முகத்தில் உள்ள கரும்புள்ளிகள் வந்த இடம் தெரியாமல் காணாமல் போகும். இந்த அழகு குறிப்பை வாரத்திற்கு ஒரு முறை செய்தாலே கரும்புள்ளிகள் மறையும்.

குறிப்பு #4

பல ஆண்களின் முகம் மிகவும் மங்கலாக இருக்கும். அவர்களுக்கென்றே இந்த அழகு குறிப்பு உள்ளது. சிறிது ஆரஞ்ச் பழ தோலை எடுத்து அரைத்து கொண்டு, அதனுடன் பால் சேர்த்து முகத்தில் மசாஜ் செய்தால் மங்கலாக இருந்த முகம் பளபளப்பாக மாறும். அத்துடன் முகத்தில் உள்ள அழுக்குகளையும் நீக்கும்.

குறிப்பு #5

இன்று பெரும்பாலான ஆண்களுக்கு இருக்கும் முக பிரச்சினைகளில் முதன்மையானது இந்த முகப்பருக்கள்தான். இவற்றை போக்க 1 டீஸ்பூன் தேன், 1 டீஸ்பூன் யோகர்ட், பொடி செய்த ஆரஞ்ச் தோல், ரோஸ் நீர் போன்றவற்றை நன்றாக கலக்கவும். பின் முகத்தில் தடவி 20 நிமிடம் கழித்து குளிர்ந்த நீரில் அலசினால் முக பருக்கள் நீங்கும். இந்த முறையை வாரத்திற்கு 2 முறை செய்தால் நல்ல பலனை பெறலாம்.

குறிப்பு #6

முகத்தில் உள்ள எண்ணெய் சுரப்பிகள், அதிகமாக எண்ணெய்யை வெளியேற்றுவதால் முகம் எப்போதும் பார்க்க பிசுபிசுப்புடனும், எண்ணெய் வழிந்த படியும் இருக்கும். இதற்கு தீர்வு இந்த ஆயர்வேத முறையே...! 2 டீஸ்பூன் முல்தானி மட்டி, 1 டீஸ்பூன் தேன், சிறிது எலுமிச்சை சாறு, ரோஸ் நீர் ஆகியவற்றை நன்கு கலந்து முகத்தில் தடவவும். பிறகு 15 நிமிடம் கழித்து குளிர்ந்த நீரில் முகத்தை கழுவினால் முகத்தின் எண்ணெய் பிசுக்குகள் நீங்கும்.

குறிப்பு #7

மிகவும் அழகான சருமம் வேண்டுமென்றால் இதனை செய்து பாருங்கள். 1 டீஸ்பூன் எலுமிச்சை சாறு, 1/2 டீஸ்பூன் பால், 1 டீஸ்பூன் மஞ்சள் ஆகியவற்றை சேர்த்து முகத்தில் தடவினால் முகம் மிக அழகாகும். இந்த அழகு குறிப்பை வாரத்திற்கு 1 முறை செய்தால் முகம் மின்னுவதோடு, எந்தவித சரும பிரச்சினைகளும் இல்லாமல் இருக்கும்.

குறிப்பு #8

என்றும் இளமையாக இருக்க வேண்டும் என்ற ஆசையாருக்குத்தான் இருக்காது. நீண்ட நாட்கள் இளமையாக இருக்க இந்த ஆயர்வேத முறை நன்கு பயன்படும். பசும்பாலில் நெய்யை 1/2 டீஸ்பூன் எடுத்து கொண்டு சிறிது பாலுடன் சேர்த்து முகத்தில் பூசி மசாஜ் செய்தால் முகம் இளமையாக இருக்கும். அத்துடன் முகத்தில் உள்ள செல்களை மறு உற்பத்தி செய்யும்.

இந்த பதிவு உங்களுக்கு பயனுள்ளதாக இருந்தால் உங்கள் நண்பர்களுடன் பகிர்ந்து, அவர்களின் முக ஆரோக்கியத்திற்கும் உதவுங்கள்.