பாதங்கள் வெடிப்பின்றி மிருதுவாக இருக்கனுமா? இதை செஞ்சு பாருங்க!!

சமையல் சோடா :

சமையல் சோடாவை பேஸ்ட் போல் செய்து உங்கள் பாதங்களை ஈர்ப்படுத்தி பாதங்களில் தெய்க்கவும். அரை நிமிடம் நன்றாக ஸ்கர்ப் செய்து கழுவிக் கொள்ளுங்கள். இவை வெடிப்பில் இருக்கும் இறந்த செல்களை நீக்கி மிருதுவாக்குகிறது. இதனால் விரைவில் பாத வெடிப்பு மறையும்.

வாழைப்பழம் :

வாழைப்பழத்தை நன்றாக மசித்து வெடிப்பின் மேல் தேயுங்கள். சில நிமிடங்களில் கழுவுங்கள். இவை ஒரே வாரத்தில் பாத வெடிப்பை மறையச் செய்து மிருதுவான பாதத்தை தரும்.

வாசலின் :

வாசலினை எடுத்து அதில் எலுமிச்சை சாறு கலந்து பாதங்களில் தடவுங்கள். இரவு முழுவதும் அப்படியே வைத்திருந்து மறு நாள் காலையில் கழுவுங்கள். சாக்ஸ் போட்டுக் கொள்வதால் இன்னும் நல்லது.

ஆலிவ் மற்றும் லாவெண்டர் :

ஆலிவ் எண்ணெயில் சில துளி லாவெண்டர் எண்னெய் கலந்து பாத வெடிப்புகளில் தடவுங்கள். இது அற்புதமான ரிசல்ட்டை தரும். விரைவில் வெடிப்பிலிருந்து குணம் பெறுவீர்கள்.

விளக்கெண்ணெய் :

மிகச் சிறந்த தீர்வு இது. விளக்கெண்ணெயை சூடுபடுத்தி மஞ்சள் கலந்து தூங்குவதற்கு முன் வெடிப்பில் இந்த எண்ணெயை பூசிக் கொண்டு படுங்கள். இவை ஒரு சில நாட்களில் வெடிப்பை போக்கும்.

வினிகர் :

வினிகரை சிறிது எடுத்து வெதுவெதுப்பான நீரில் கலந்து பாதங்களை அதில் 10 நிமிடம் தினமும் ஊற வைக்கவும். பின்னர் ஸ்கர்ப் செய்யுங்கள். மிக விரைவில் பலன் தரும். மேலும் வெடிப்பு உண்டாகாமலும் தடுக்கும்.

தேன் :

தேன் ஒரு ஸ்பூன் எடுத்து அதில் அதே அளவு பால கலந்து பாதத்தில் தடவவும். மறு நாள் காலையில் கழுவுங்கள். இது பாதங்களை மிருதுவாக்கும். சொரசொரப்புத்தன்மையை நீக்கும்.

ஓட்ஸ் :

ஓட்ஸை பொடித்து அதனைக் கொண்டு தினமும் பாதங்களை ஸ்க்ரப் செய்யுங்கள். இவை கால்களை மிருதுவாக்குவதோடு, பாதங்களை அழகாக்கு. ஓஸினால் தேய்க்கும்போது பாதங்களின் பக்கவாட்டில் இருக்கும் கருமையை எளிதில் மறையச் செய்யும்.

எலுமிச்சை சாறு :

ஓட்ஸுடன் எலுமிச்சை சாறு கலந்தால் இன்னும் நல்ல பலன்களை தரும். ஓட்ஸை பொடி செய்து அவற்றுடன் எலுமிச்சை சாறு கலந்து பாதத்தில் தேயுங்கள். சில நிமிடம் கழித்து கழுவுங்கள். இந்த குறிப்பு இன்னும் வேகமாக பலனைத் தரும்.

லிஸ்டெரின் :

லிஸ்டெரின் வினிகர் மற்றும் நீர் ஆகிய மூன்றையும் சம அளவு எடுத்து பாத வெடிப்புகளில் தடவுங்கள். அல்லது இவை கலந்த நீரில் 15 நிமிடம் பாதங்களை ஊற விடுங்கள். இவை விரைவில் வெடிப்பை குணப்படுத்தும்.

ஆப்பிள் சைடர் வினிகர் :

பாதம் மூழ்கும் அளவிற்கு நீரை வெதுவெதுப்பக எடுத்துக் கொண்டு அதில் ஆப்பிள் சைடர் வினிகரை 1 மூடி கலந்து பாதங்களை 10 நிமிடம் ஊற வைகக்வும். வாரம் 3 நாட்கள் செய்தால் வெடிப்பு மறையும். தவிர பாத வெடிப்பு வருவதை தடுக்கலாம்.

டெட்டால் :

தினமும் டெட்டால் கலந்த நீரில் பாதத்தை கழுவுங்கள். இவை நக மற்றும் பாதங்களில் தங்கும் கிருமிகளை அழிக்கின்றது. பின்னர் மாய்ஸ்ரைஸர் க்ரீம் போட வேண்டும்.

கற்றாழை :

தினமும் இரவில் கற்றாழை ஜெல்லை பாதங்களில் தடவி படுத்துக் கொள்ளுங்கள். இவை வெடிப்பைப் போக்குவதோடு, பாதத்தில் உருவாகும் சுருக்கம், கருமை, போன்றவற்றை மறையச் செய்து பஞ்சு போல் ஆக்கும்.

விட்டமின் ஈ :

விட்டமின் ஈ கேப்ஸ்யூலில் இருக்கும் எண்ணெயை எடுத்து தினமும் வெடிப்புகளில் தடவினால் மிக விரைவில் வெடிப்பு மறையும். பாதங்களும் சுருக்கமின்றி அழகாக இருக்கும்.