முகப்பருக்களை தடுக்க எப்படி யூக்கலிப்டஸ் பயன்படுத்தலாம்? அருமையான ப்யூட்டி ரெசிபி!!

தூய்மையாக்கும் காரணி

யூக்கலிப்டஸ் எண்ணெய் ஒரு சிறந்த சரும சுத்திகரிப்பானாகும். இது உங்கள் சருமத்தை ஆழ்ந்து சுத்தப்படுத்தி அழுக்கையும் தூசுகளையும் நீக்கி இறந்த செல்களை நீக்கி சருமத்தை புதுப்பிக்கிறது. இந்த நோக்கத்திற்காக ஒரு அற்புதமான யூக்கலிப்டஸ் ஸ்க்ரப் இங்கே கொடுக்கப்பட்டுள்ளது.

யூக்கலிப்டஸ் ஸ்க்ரப்

- 1 டீஸ்பூன் யூக்கலிப்டஸ் எண்ணெய்

- 1 டீஸ்பூன் எப்சம் உப்பு

செய்முறை

இந்த இரண்டு பொருட்களை கலந்து முகத்தை தேய்க்க ஸ்க்ரப்பாக பயன்படுத்தவும். உங்களுக்கு நுட்பமான சருமம் இருந்தால் யூக்கலிப்டஸ் எண்ணையை ஒரு டீஸ்பூனாகக் குறைத்துக் கொள்ளவும்

முகப்பருவுக்கு சிகிச்சையளிக்க உதவுகிறது.

யூக்கலிப்டஸ் எண்ணெயிலுள்ள பாக்டீரியா மற்றும் நுண்ணுயிர் எதிர்ப்பு மூலக்கூறுகள் அதை அற்புதமான பருக்களுக்கு எதிரான நிவாரணமாக செயல்படுத்துகிறது. இது பருக்களுக்குக் காரணமான பாக்டீரியாக்களைக் கொன்று மேற்கொண்டு அதன் வளர்ச்சியைத் தடுக்கிறது. மேலும் இது இதர வகை சருமத் தொற்றுக்களையும் தடுக்கிறது.

இந்த யூக்கலிப்டஸ் எண்ணெய் மற்றும் வேப்பிலை முகப் பூச்சை உங்கள் சருமப் பிளவுகளைத் தடுக்கப் பயன்படுத்துங்கள்.

தேவையான பொருட்கள்:

- 1 கைப்பிடி காய்ந்த வேப்பிலை

- 1 டீஸ்பூன் யூக்கலிப்டஸ் எண்ணெய்

செய்முறை:

1) காய்ந்த வேப்பிலைகளை மிக்ஸியில் அரைத்து நுணுக்கமாப் பொடித்துக் கொள்ளவும்.

2) இந்த பொடியுடன் யூக்கலிப்டஸ் எண்ணையைக் கலந்து பேஸ்ட் தயாரிக்கவும்.

3) தேவைப்பட்டால் சிறிது தண்ணீரை கலந்து இந்த பேக்கை முகத்தில் பிளவுகளின் மீது தடவவும்.

4) 20 நிமிடங்கள் கழித்து கழுவி விடவும். இதை வாரத்தில் இரண்டு முறை தொடர்ந்து செய்து வரவும்.

ஈரப்பதமிக்கது :

யூக்கலிப்டஸ் ஒரு சிறந்த மாய்ட்சுரைசரும் கூட. இதை சருமத்தின் மீது ஒரு இயற்கையான மற்றும் பாதுகாப்பான பாடி லோஷனாகப் பயன்படுத்தலாம்.

இது உங்கள் மீது அற்புதமான நறுமணத்தை பரவச் செய்யும். இது உங்கள் சருமத்தை மோசமான தட்பவெப்ப நிலைகளிலிருந்தும் மற்றும் நோய்த் தொற்றுக்களிலிருந்தும் பாதுகாக்கிறது. அவகோடோவுடன் யூக்கலிப்டஸ் எண்ணையைக் கலந்தால் அது உலர்ந்த சருமத்திற்கான சிறந்த பேஸ் பேக்காக செயல்படுகிறது.

தேவையான பொருட்கள்:

1 டீஸ்பூன் அவகோடோ பழக்கூழ் 1 டீஸ்பூன் யூக்கலிப்டஸ் எண்ணெய்.

செய்முறை:

1) இரண்டு பொருட்களையும் ஒரு கிண்ணத்தில் கலந்துக் கொள்ளுங்கள்.

2) உலர்ந்த சருமத்தின் மீது அதைத் தடவி 15 நிமிடங்களுக்குப் பிறகு அதைக் கழுவவும்.

3) இது சருமத்தின் மீது குளிர்ச்சியூட்டுகிறது.

புத்துணவு தரும் ஸ்ப்ரே :

யூக்கலிப்டஸ் எண்ணெய் சருமத்தை உடனடியாகக் குளிர்விக்கிறது மேலும் வேனிற்கட்டிகளின் பாதிப்பை உடனடியாகக் குறைக்கிறது. இது கோடைக்கால வெப்பம் மிகுந்த நாட்களில் உங்கள் முகத்துக்கு குளிர்ச்சியூட்டும் ஸ்ப்ரேயாகப் பயன்படுகிறது. மேலும் இது ஒப்பனைக்கு முன் அதை நிலைத்திருக்கச் செய்யும் ஸ்ப்ரேயாகவும் பயன்படுத்தப்படுகிறது.

இந்த எளிய யூக்கலிப்டஸ் ஸ்ப்ரே வை கோடைக்காலங்களில் கையடக்க ஸ்பிரேவாக வைத்துக் கொள்ளுங்கள்.

தேவையானப் பொருட்கள்:

1 டீஸ்பூன் யூக்கலிப்டஸ் எண்ணெய்

சாதாரணத் தண்ணீர் நிரப்பிய காலியான ஸ்பிரே பாட்டில்

செய்முறை:

1) நீர் நிரம்பிய ஸ்பிரே பாட்டிலில் யூக்கலிப்டஸ் எண்ணையை நிரப்புங்கள்.

2) கோடைக்கால நாட்களில் நீங்கள் வெளியில் செல்லும் போது இதை உடனெடுத்துச் செல்லுங்கள். இது உங்கள் சருமத்தை குளிர்விப்பதோடு முகம் சிவந்து போதலை குறைக்கிறது.

3) யூக்கலிப்டஸ் எண்ணெய் மிக தீவிரமான மூலக்கூறுகள் அடங்கியது என்பதால் பரிந்துரைக்கப்பட்ட அளவுகளில் மட்டுமே பயன்படுத்துமாறு அறிவுறுத்தப்படுகிறது. அதிகமாக நுகர்ந்தால் சருமத்தில் எரிச்சலை ஏற்படுத்தி குமட்டலையும் உடல் நலிவையும் ஒருவருக்கு ஏற்படுத்தும்.

4) சிறந்த நம்பகமான ஆதாரங்களிலிருந்து பெறப்பட்ட யூக்கலிப்டஸ் எண்ணையை பயன்படுத்துகிறோமா என்பதை உறுதிப்படுத்திக் கொள்ளுங்கள். ஏனென்றால் கலப்படங்கள் கொண்ட எண்ணெய் அவ்வளவு திறன் வாய்ந்ததாக இருக்காது.