முகத்தில் இருக்கும் சுருக்கத்தைப் போக்க வேண்டுமா? இந்த ஃபேஸ் பேக்குகளைப் போடுங்க...

இஞ்சி மற்றும் தேன்

இஞ்சியைத் தட்டி பேஸ்ட் செய்து, அத்துடன் சிறிது தேன் சேர்த்து கலந்து, முகத்தில் தடவி 15 நிமிடம் ஊற வைத்து, வெதுவெதுப்பான நீரில் கழுவலாம். இதனாலும் முதுமையைத் தள்ளிப் போடலாம்.

வால்நட்ஸ் மற்றும் பாதாம் எண்ணெய்

வால்நட்ஸ் மற்றும் பாதாமில் சருமத்தை இறுக்கும் தன்மை உள்ளது. எனவே 2 வால்நட்ஸை எடுத்து தட்டி, அத்துடன் 2 துளி பாதாம் எண்ணெய் சேர்த்து கலந்து, முகத்தில் தடவி 15-20 நிமிடம் ஊற வைத்து, பின் கழுவ வேண்டும்.

சர்க்கரை மற்றும் எலுமிச்சை

சர்க்கரை மற்றும் எலுமிச்சை சாற்றினை சரிசம அளவில் எடுத்து ஒன்றாக கலந்து, முகத்தில் தடவி வட்ட சுழற்சியில் 5-10 நிமிடம் ஸ்கரப் செய்து, பின் வெதுவெதுப்பான நீரில் கழுவவும். இப்படி அடிக்கடி செய்தால் முதுமையைத் தள்ளிப் போடலாம்.

ஆரஞ்சு ஜூஸ்

ஆரஞ்சு பழத்தில் வைட்டமின் சி அதிகம் உள்ளது. இது சரும செல்களின் ஆரோக்கியத்தை மேம்படுத்துவதோடு, நல்ல பாதுகாப்பையும் வழங்கும். எனவே இந்த ஆரஞ்சு ஜூஸை காட்டனில் நனைத்து முகத்தில் தடவி 20-25 நிமிடம் ஊற வைத்து, வெதுவெதுப்பான நீரில் கழுவ வேண்டும்.

தேங்காய் பால்

தேங்காய் பாலை முகத்தில் தடவி, 20 நிமிடம் ஊற வைத்து, பின் வெதுவெதுப்பான நீரில் கழுவ வேண்டும். இதனால் சரும செல்களுக்கு வேண்டிய சத்துக்கள் கிடைத்து, சருமம் மென்மையாகவும், இளமையுடனும் இருக்கும்.

பப்பாளி மாஸ்க்

பப்பாளியில் ஏராளமான ஊட்டச்சத்துக்கள் உள்ளன. நன்கு கனிந்த பப்பாளியை மசித்து, முகத்தில் தடவி 15 நிமிடம் ஊற வைத்து, பின் கழுவ, சருமத்தின் நெகிழ்வுத்தன்மை அதிகரித்து, சரும செல்களுக்கு போதிய பாதுகாப்பு கிடைத்து, சருமம் பொலிவோடு இருக்கும்.

ஆலிவ் ஆயில்

தினமும் ஆலிவ் ஆயிலைக் கொண்டு படுக்கும் முன் முகத்தை மசாஜ் செய்து வந்தால், அதில் உள்ள சக்தி வாய்ந்த ஆன்டி-ஆக்ஸிடன்ட்டுகள் போல் செயல்படும் வைட்டமின்கள், சருமத்திற்கு ஈரப்பசையை வழங்குவதோடு, சருமத்தின் இளமைத்தன்மையைப் பாதுகாக்கும்.