வெந்தயத்தை எப்படி சரும அழகை மெருகூட்ட பயன்படுத்துவது?

முகப்பரு :

வெந்தயத்தை 2 ஸ்பூன் எடுத்து ஒரு கப் நீரில் போட்டு கொதிக்க வையுங்கள்.நீர் குளிர்ந்ததும், சிறிது முகத்தில் தடவி சில நிமிடங்களுக்கு பிறகு அதே நீரில் கழுவுங்கள். முகப்பருக்களை விரைவில் குணப்படுத்தும்.

நிறம் அதிகரிக்க :

வெந்தயத்தை ஊற வைத்து அரைத்து அதனுடன் சிறிது தயிர் கலந்து முகத்தில் பேக் போல் போடுங்கள். 20 நிமிடம் கழித்து கழுவுங்கள். வெயிலினால் நிறம் மனியிருந்தால் மீண்டும் பழைய நிறம் பெறுவீர்கள்.

சரும அரிப்பிற்கு :

முகப்பரு, கரும்புள்ளி மற்றும் வறண்ட சருமத்தினாலும் அரிப்பு எரிச்சல் உண்டாகும். வெந்தய பேஸ்ட்டை முகத்தில் போட்டால் காய்ங்களையும் சரும பாதிப்புகளையும் விரைவில் ஆற்றிவிடும்.

முதுமை தோற்றத்தை மாற்ற :

சுருக்கம் மற்றும் தளர்ந்த சருமம் இருந்தால், ஊறிய வெந்தயத்துடன் தேன் சேர்த்து அரைத்து முகத்தில் போடுங்கள். முகம் இறுகி இளமையான சருமம் பெறுவீர்கள்.

வறண்ட சருமத்திற்கு :

வெந்தயப் பொடியுடன் சிறிது பால் அல்லது நீர் கலந்து முகத்தில் போட்டு வந்தால், சருமம் ஈரப்பதம் பெற்று மிருதுவாகும்.

அழுக்குகளை அகற்ற :

முகத்திலுள்ள அழுக்கு மற்றும் இறந்த செல்களை வெளியேற்ற வெந்தயப்பொடியுடன் சிறிது நீர் கலந்து முகத்தில் தேய்த்து கழுவவும். முகம் சுத்தமாகி பளிச்சிடும்.