சரும பிரச்சனைகளுக்கு உடனடி தீர்வு தரும் வாழைப்பழம்!

சரும வறட்சி நீங்க...

நன்கு கனிந்த வாழைப்பழத்தில் பாதியை மசித்து, அதனை முகம் மற்றும் கழுத்தில் தடவி, 20-25 நிமிடம் ஊற வைத்து, பின் வெதுவெதுப்பான நீரில் கழுவ வேண்டும். இதனால் சருமத்தில் உள்ள வறட்சி நீங்கும்.

பொலிவான சருமம் பெற...

சருமம் பொலிவிழந்த காணப்பட்டால், மசித்த வாழைப்பழத்துடன் சிறிது தேன் சேர்த்து கலந்து, அதனை முகத்தில் தடவி மாஸ்க் போட்டால், சருமம் பொலிவோடு பளிச்சென்று காணப்படும்.

கரும்புள்ளிகள் நீங்க...

மசித்த வாழைப்பழத்துடன், 2 டீஸ்பூன் எலுமிச்சை சாறு சேர்த்து கலந்து, முகம் மற்றும் கழுத்தில் தடவி 20 நிமிடம் ஊற வைத்து, பின் வெதுவெதுப்பான நீரில் கழுவ வேண்டும். இதனால் சருமத்தில் உள்ள கரும்புள்ளிகள் நீங்கும்.

சொரசொரப்பான சருமம் நீங்க...

வாழைப்பழத்தை மசித்து, அதில் சர்க்கரை சேர்த்து, அதனைக் கொண்டு முகத்தை வட்ட வடிவில் ஸ்கரப் செய்து, முகத்தை கழுவ வேண்டும். இதன் மூலம் இறந்த செல்களால் சருமத்தில் ஏற்பட்ட சொரசொரப்பு நீங்கி, சருமம் மென்மையாகவும், வறட்சியடையாமலும் இருக்கும்.

முதுமை தோற்றத்தைத் தடுக்க...

மசித்த வாழைப்பழத்துடன், சிறிது அவகேடோவை மசித்து சேர்த்து, முகத்தில் தடவி 20 நிமிடம் உற வைத்து, கழுவ வேண்டும். இதனால் சருமத்தில் ஏற்படும் முதுமைத் தோற்றம் தடுக்கப்படும்.

வீக்கமடைந்த கண்களுக்கு...

காலையில் எழுந்த பின் உங்கள் கண்கள் வீங்கியுள்ளதா? அப்படியெனில் வீட்டில் வாழைப்பழம் இருந்தால், அதனை மசித்து, கண்களின் மேல் தடவி 10-15 நிமிடம் ஊற வைத்து, குளிர்ந்த நீரில் கழுவ வேண்டும். இதனால் கண்களைச் சுற்றியுள்ள வீக்கம் உடனே குறையும்.