தர்பூசணி ஃபேஸ் மாஸ்க்குகளும்... அதன் நன்மைகளும்...

தர்பூசணி மாஸ்க்

தர்பூசணியில் உள்ள விதைகளை நீக்கி விட்டு, அதனை அரைத்து, பின் அதனை முகத்தில் தடவி 15 நிமிடம் ஊற வைத்து, பால் பயன்படுத்தி துடைத்து, இறுதியில் குளிர்ந்த நீரில் கழுவ வேண்டும்.

தர்பூசணி மற்றும் தேன்

சருமத்தில் உள்ள அழுக்குகளை முற்றிலும் நீக்க வேண்டுமானால், அரைத்த தர்பூசணியில் சிறிது தேன் சேர்த்து கலந்து, முகத்தில் தடவி 10 நிமிடம் ஊற வைத்து குளிர்ந்த நீரில் கழுவ வேண்டூம். இந்த ஃபேஸ் பேக் வறட்சியான சருமத்தினருக்கு மிகவும் சிறந்தது.

தர்ழுசணி மற்றும் தயிர்

மென்மையான சருமம் வேண்டுமெனில், அரைத்த தர்பூசணியுடன் தயிர் சேர்த்து கலந்து, முகம் மற்றும் கழுத்தில் தடவி 10 நிமிடம் ஊற வைத்து, குளிர்ச்சியான நீரில் கழுவினால், தயிரில் உள்ள லாக்டிக் ஆசிட் மற்றும் நொதிகள் சருமத்தில் உள்ள நச்சுக்களை வெளியேற்றி, பொலிவான மென்மையான சருமத்தைப் பெற உதவிபுரியும்.

தர்பூசணி மற்றும் அவகேடோ

அவகேடோவில் நிறைய நன்மைகள் நிறைந்துள்ளன. அதற்கு அவகேடோவை அரைத்து, அதில் தர்பூசணி ஜூஸை ஊற்றி கலந்து, சருமத்திற்கு மாஸ்க் போட வேண்டும். இதன் மூலம் சருமத்தில் வெளிப்படும் முதுமைத் தோற்றத்தைத் தடுக்கலாம்.

தர்பூசணி மற்றும் சர்க்கரை

இந்த மாஸ்க் ஒரு சிறப்பான சரும அழுக்குகளைப் போக்குபவை. அதற்கு அரைத்த தர்பூசணியுடன், சர்க்கரை சேர்த்து கலந்து, முகத்தில் தடவி மசாஜ் செய்து, 5 நிமிடம் ஊற வைத்து, பின் கழுவ வேண்டும். முக்கியமாக இந்த ஃபேஸ் பேக்கிற்கு பின் மாய்ஸ்சுரைசர் பயன்படுத்த வேண்டும்.

தர்பூசணி மற்றும் பால்

இது ஒரு சூப்பரான டோனர். இதற்கு தர்பூசணி சாற்றில் பால் சேர்த்து கலந்து, சருமத்தில் தடவ வேண்டும். மேலும் இது ஒரு சிறந்த சரும கருமையைப் போக்க உதவும் முறை.

தர்பூசணி மற்றும் வெள்ளரிக்காய்

மிகவும் ஈஸியான முறையில் பொலிவான சருமத்தைப் பெற வேண்டுமெனில், தர்பூசணி சாற்றில், அரைத்த வெள்ளரிக்காய், தயிர் மற்றும் பால் பவுடர் சேர்த்து கலந்து, சருமத்திற்கு ஃபேஸ் பேக் போட வேண்டும்.

தர்பூசணி மற்றும் வாழைப்பழம்

முகப்பருவால் அவஸ்தைப்படுவோர், தர்பூசணி சாற்றில் வாழைப்பழத்தை மசித்து கலந்து, மாஸ்க் போட்டால், அவற்றில் உள்ள சத்துக்கள் சருமத்தில் உள்ள அதிகப்படியான எண்ணெயை வெளியேற்றி, சருமத்திற்கு தேவையான நீர்ச்சத்தைக் கொடுத்து, முகப்பரு இல்லாத சருமத்தைப் பெற உதவும்.