ஷேவிங் செய்த பிறகு சருமம் மென்மையா இல்லையா? அப்ப இத ட்ரை பண்ணுங்க...

வெள்ளரிக்காய்

ஷேவிங்கிற்குப் பின்னர் இயற்கையாக முகத்தைப் பராமரிக்க விரும்பினால் ஓட்ஸ், தயிர் ஆகியவற்றுடன் வெள்ளரிக்காயைச் சேர்த்து பயன்படுத்துங்கள். இவற்றை கலவையாக கலந்து தயாரிக்கப்படும் பேஸ்ட் உங்கள் முகத்தோலை குளுமைப்படுத்தவும் மற்றும் மென்மையாக மாற்றவும் செய்யும். ஷேவிங்கிற்குப் பிறகு, சுமார் 30 நிமிடங்களுக்கு இந்த கலவையை முகத்தில் போட்டிருந்தால் நல்ல பலன் கிடைக்கும்.

மஞ்சள் ஃபேஸ் பேக்

பல நூற்றாண்டுகளாகவே தயாரிக்கப்பட்டு வரும் மருந்துகள் மற்றும் உணவுகளில் பயன்படுத்தப்படும் இயற்கையின் கொடையாக இருக்கும் கிருமிநாசினி தான் மஞ்சள். குடலை மாவு, பாதாம் எண்ணெய் மற்றும் தண்ணீருடன் சேர்த்து மஞ்சள் பொடியை சேர்த்து கலந்துவிட்டால் உங்களுக்கான ஆஃப்டர் ஷேவ் பேக் ரெடி. இந்த பேக் உங்கள் சருமத்தில் ஷேவிங்கின் போது ஏற்பட்ட காயங்களை குணப்படுத்துவதுடன், முகத்தை ஈரப்பதமாகவும், மென்மையாகவும் வைத்திருக்கும்.

தேன்

நீங்கள் ஒவ்வொரு முறை ஷேவிங் செய்த பின்னும் பயன்படுத்த வேண்டிய பொருள் தேன் ஆகும். தேன் திறமையுடன் தனித்து நின்று செயல்படக் கூடிய ஃபேஸ் பேக் ஆகும். நீங்கள் செய்ய வேண்டியதெல்லாம், ஷேவிங்கிற்குப் பின்னர் தேனை உங்கள் முகத்தில் தடவிக் கொண்டு, 20-30 நிமிடங்கள் இருக்க வேண்டும். அதன் பின்னர் முதலில் வெதுவெதுப்பான தண்ணீரிலும், பிறகு குளிர்ந்த நீரிலும் முகத்தை கழுவ வேண்டும்.

வாழைப்பழம்

வறண்ட சருமம் கொண்ட ஆண்களுக்கு வாழைப்பழ ஃபேஸ் பேக் பலன் தரும். வாழைப்பழம், தயிர் மற்றும் தேன் ஆகியவற்றை கலந்து கெட்டியான ஒருகலவையை தயார் செய்து கொள்ளுங்கள். இந்த கலவையை ஷேவிங்கிற்குப் பின்னர் 10-20 நிமிடங்கள் முகத்தில் தடவி, தோலுக்கு புத்துயிர் கொடுங்கள்.

களிமண் ஃஃபேஸ் பேக்

இது சற்றே ஒழுங்கமைவில்லாத மற்றும் பூமியிலிருந்தே எடுக்கக் கூடிய ஃபேஸ் பேக் ஆகும். உங்கள் தோலுக்கு ஏற்ற வகையிலான களிமண்னை தேர்ந்தெடுக்க வேண்டியது முக்கியமான விஷயமாகும். பூக்களின் சாறு அல்லது பழத்தோல்களின் சாறுகளுடன் களிமண்னை கலக்கவும். இந்த கலவையை உங்கள் தோலில் 20 நிமிடங்களுக்கு தடவி, காய விட்டு புத்துயிர் பெறுங்கள்.

பப்பாளி

பப்பாளியில் உள்ள 'பப்பாய்ன்' என்ற சிறப்பு என்ஸைம் இறந்த செல்களை நீக்கவும் மற்றும் தோலின் கழிவுகளை நீக்கவும் செய்யும் திறன் கொண்டதாகும். சூரிய வெப்பத்தால் ஏற்பட்ட காயங்கள் அல்லது தோல் எரிச்சல் ஆகியவற்றை குணப்படுத்தி உங்கள் தோலை இயல்பு நிலைக்கு கொண்டு வரும் குணம் இந்த என்ஸைமிற்கு உண்டு. இது ஒரு சுவையான ட்ரீட்மெண்ட் தானே!