முடி கொட்டுதா? முகம் டல்லா இருக்கா? அப்ப பீட்ரூட்டை இப்படி யூஸ் பண்ணுங்க..

Summer Skin Care Tips In Tamil: காய்கறிகளுள் பீட்ரூட் ஏராளமான ஊட்டச்சத்துக்கள் நிறைந்த ஒரு சூப்பர் ஃபுட் ஆகும். இந்த பீட்ரூட் உடல் ஆரோக்கியத்தை மேம்படுத்த மட்டுமின்றி, சருமம் மற்றும் தலைமுடி தொடர்பான பிரச்சனைகளுக்கு தீர்வளித்து, அவற்றின் ஆரோக்கியத்தையும் மேம்படுத்த உதவுகிறது. பீட்ருட்டில் ஆன்டி-ஆக்ஸிடன்ட்டுகள், வைட்டமின் ஏ, வைட்டமின் சி, வைட்டமின் கே, இரும்புச்சத்து, ஃபோலேட் போன்றவை அதிகம் நிறைந்துள்ளன. இவை தான் சருமத்திலும், தலைமுடியிலும் மாயங்களைப் புரிகின்றன.

அதுவும் பீட்ரூட்டில் உள்ள நிறமி பொருள் நல்ல பொலிவான சருமத்தைப் பெறவும், முகப்பருக்கள், சரும கருமை மற்றும் முதுமைத் தோற்றத்தைத் தடுக்கவும் உதவுகின்றன. அதுமட்டுமின்றி பீட்ரூட்டைக் கொண்டு தலைமுடிக்கு பராமரிப்பு கொடுக்கும் போது, அது மயிர்கால்களை வலுப்படுத்தவும், ஸ்கால்ப்பில் இரத்த ஓட்டத்தை அதிகரிக்கவும், தலைமுடி உதிர்வைக் குறைக்கவும் உதவுவதோடு, தலைமுடிக்கு நல்ல பொலிவையும் கொடுக்கிறது.

அதுவும் இதில் உள்ள இரும்புச்சத்து மற்றும் வைட்டமின்கள் நரைமுடியைத் தடுக்க உதவி புரிந்து, ஒட்டுமொத்த முடியின் ஆரோக்கியத்தை மேம்படுத்த உதவுகிறது. சரி, இப்படிப்பட்ட பீட்ரூட்டை தலைமுடி மற்றும் சரும பிரச்சனைகளைப் போக்க எப்படியெல்லாம் பயன்படுத்துவது என்பதை இப்போது காண்போம்.

1. பொலிவிழந்த சருமத்திற்கான ஃபேஸ் பேக்

* இந்த ஃபேஸ் பேக்கிற்கு ஒரு பௌலில் 1 டேபிள் ஸ்பூன் பீட்ரூட் ஜூஸை எடுத்து, அத்துடன் 1 டேபிள் ஸ்பூன் கடலை மாவு மற்றும் 1 டீஸ்பூன் ரோஸ் வாட்டர் சேர்த்து பேஸ்ட் செய்து கொள்ள வேண்டும்.
* பின்பு அதை முகம் மற்றும் கழுத்தில் தடவி, 15-20 நிமிடம் ஊற வைக்க வேண்டும்.
* பிறகு குளிர்ந்த நீரால் முகத்தைக் கழுவ வேண்டும்.
* இந்த ஃபேஸ் பேக் சருமத்திற்கு உடனடி பொலிவைத் தருவதோடு, சரும கருமையையும் நீக்க உதவும்.

2. முகப்பருவைப் போக்கும் ஃபேஸ் பேக்

* இந்த ஃபேஸ் பேக்கிற்கு ஒரு பௌலில் 1 டேபிள் ஸ்பூன் பீட்ரூட் ஜூஸை எடுத்து, அத்துடன் 1 டேபிள் ஸ்பூன் எலுமிச்சை சாற்றினை சேர்த்து கலந்து கொள்ள வேண்டும்.
* பின்பு அதை பஞ்சுருண்டையில் நனைத்து முகத்தில் தடவி, 10 நிமிடம் ஊற வைக்க வேண்டும்.
* அதன் பின் குளிர்ந்த நீரால் முகத்தைக் கழுவ வேண்டும்.
* இந்த ஃபேஸ் பேக்கை வாரத்திற்கு 2-3 முறை பயன்படுத்தலாம்.

3. டல்லான சருமத்தை பிரகாசமாக்கும் ஃபேஸ் ஸ்க்ரப்

* இந்த ஃபேஸ் ஸ்க்ரப்பிற்கு ஒரு பௌலில் 1 டேபிள் ஸ்பூன் பீட்ருட் விழுதை எடுத்து, அத்துடன் 1 டேபிள் ஸ்பூன் சர்க்கரை மற்றும் 1 டீஸ்பூன் தேன் சேர்த்து கலந்து கொள்ள வேண்டும்.
* பின் அதை முகத்தில் தடவி, மென்மையாக 2-3 நிமிடம் ஸ்க்ரப் செய்ய வேண்டும்.
* அதன் பின் குளிர்ந்த நீரால் முகத்தைக் கழுவ வேண்டும்.

4. தலைமுடி உதிர்வை தடுக்கும் பீட்ருட் ஹேர் மாஸ்க்

* இந்த ஹேர் மாஸ்க்கிற்கு ஒரு பௌலில் 2 டேபிள் ஸ்பூன் பீட்ரூட் ஜூஸை எடுத்து, அத்துடன் 1 டேபிள் ஸ்பூன் ஹென்னா பவுடர் அல்லது கற்றாழை ஜெல்லை சேர்க்க வேண்டும்.
* அதன் பின் அதில் 1 டேபிள் ஸ்பூன் தேங்காய் எண்ணெய் சேர்த்து கலந்து கொள்ள வேண்டும்.
* பின்பு அதை தலைமுடியில் தடவி 30-40 நிமிடம் ஊற வைத்து, மைல்டு ஷாம்பு பயன்படுத்தி தலைமுடியை அலச வேண்டும்.

5. தலைமுடி வளர்ச்சியை ஊக்குவிக்கும் பீட்ரூட் ஹேர் மாஸ்க்

* இந்த ஹேர் மாஸ்க்கிற்கு 2 டேபிள் ஸ்பூன் பீட்ரூட் ஜூஸ் உடன் 1 டேபிள் ஸ்பூன் நெல்லிக்காய் பொடியை சேர்த்து கலந்து கொள்ள வேண்டும்.
* பின்பு அதை ஸ்கால்ப்பில் படும்படி தடவி, 20-30 நிமிடம் ஊற வைக்க வேண்டும்.
* அதன் பின் வெதுவெதுப்பான நீரால் தலைமுடியை அலச வேண்டும்.
* இந்த ஹேர் மாஸ்க் ஸ்கால்ப்பில் இரத்த ஓட்டத்தை அதிகரித்து, முடியின் வளர்ச்சியை ஊக்குவிக்கும்.

(பொறுப்புத் துறப்பு: மேலே கொடுக்கப்பட்டுள்ள தகவல் இணையத்தில் கிடைக்கும் அனுமானங்கள் மற்றும் தகவல்களின் அடிப்படையில் கொடுக்கப்பட்டுள்ளன மற்றும் நம்பகத்தன்மைக்கு உத்தரவாதம் இல்லை. தமிழ் போல்ட்ஸ்கை இக்கட்டுரை தொடர்பான தகவலை உறுதிப்படுத்தவில்லை. பிப்ரவரிலும் எங்கள் ஒரே நோக்கம் தகவலை வழங்குவது மட்டுமே. அதை வெறும் தகவலாக மட்டும் எடுத்துக் கொள்ள வேண்டும். எந்தவொரு தகவலையும் அனுமானத்தையும் பயிற்சி செய்வதற்கு அல்லது செயல்படுத்துவதற்கு முன், தயவுசெய்து சம்பந்தப்பட்ட நிபுணரை அணுகவும்.)