Hair Care: உங்க முடியை பளபளப்பாக, ஆரோக்கியமாக மாற்றும் வெந்தய மாஸ்க்கை எப்படி வீட்டிலேயே செய்யலாம் தெரியுமா?

Hair Care Tips: இளைஞர்கள் முதல் வயதானவர்கள் வரை அனைவரும் சந்திக்கும் ஒரு பிரச்சினை என்றால் முடி உதிர்வு அல்லது முடி வளர்ச்சியின்றி இருப்பதுதான். இதனை சமாளிக்க மக்கள் பல்வேறு சிகிச்சை முறைகளை மேற்கொள்கின்றனர். விலையுயர்ந்த ஹேர் சீரம்கள், உச்சந்தலை சிகிச்சை முறைகள் மற்றும் ஆடம்பரமான ஹேர் மாஸ்க்குகள் போன்றவை இன்றைய காலக்கட்டத்தில் அத்தியாவசியப் பொருட்களாக மாறியுள்ளன.

How to Make Fenugreek Hair Mask at Home for Healthy Hair

ஆனால், கூந்தலை ஆரோக்கியமாக பராமரிப்பதற்கான சக்திவாய்ந்த பொருட்கள் பல நூற்றாண்டுகளுக்கு முன்பிருந்தே இந்திய சமையலறைகளில் இருந்து வருகின்றன. நெல்லிக்காய், செம்பருத்தி, தேங்காய் எண்ணெய், கறிவேப்பிலை என அழகு குறிப்புகளில் பயன்படுத்தப்படும் பல பொருட்கள் நம் சமையலறையிலேயே இருப்பவைதான். இன்றும் பல வீட்டுமுறை கூந்தல் பராமரிப்புப் பொருட்களில் பயன்படுத்தப்படும் ஒரு முக்கியப் பொருள் 'வெந்தயம்' ஆகும். முடியை வலிமையாகவும் பளபளப்பாகவும் மாற்ற, வீட்டிலேயே வெந்தயத்தைப் பயன்படுத்தலாம் என்று இந்த பதிவில் தெரிந்து கொள்ளலாம்.

முடியைப் பராமரிப்பதில் வெந்தயம் ஏன் பயனுள்ளதாக உள்ளது?

'ட்ரிகோனெல்லா ஃபீனம்-கிரேக்கம்' என்ற அறிவியல் பெயர் கொண்ட வெந்தய விதைகள், உண்மையில் பருப்பு வகையைச் சேர்ந்தவை. இவை இந்திய உணவுகளில் பரவலாகப் பயன்படுத்தப்படுகின்றன. இந்த விதைகளில் ஃபிளாவனாய்டுகள், சப்போனின்கள், ஆல்கலாய்டுகள் மற்றும் பாலிசாக்கரைடுகள் போன்ற பல்வேறு சேர்மங்கள் உள்ளன. மேலும், வெந்தயத்தில் பல ஆன்டி-ஆக்ஸிடன்ட் சேர்மங்கள் இருப்பதால், அழகுசாதனப் பொருட்களில் இவற்றைப் பயன்படுத்துவது அதிகரித்துள்ளது. ஆய்வுகளின் படி, வெந்தயத்தில் உள்ள இரும்புச்சத்து மற்றும் புரதம் அதிக அளவில் உள்ளன. இவை இரண்டும் தலைமுடி வளர்ச்சிக்கு அவசியமான மிக முக்கியமான ஊட்டச்சத்துக்களாகும்.

வெந்தயம் ஹேர் மாஸ்க்கை எப்படி வீட்டிலேயே செய்யலாம்?

முடியை ஆரோக்கியமாக பராமரிக்கும் ஹேர் மாஸ்க்கை வீட்டிலேயே செய்ய இரண்டு பொருட்களே போதுமானது. அவை வெந்தயம் மற்றும் தயிர்.

தேவையான பொருட்கள்: 2 ஸ்பூன் முழு வெந்தயம், வெந்தயத்தை ஊறவைக்கத் தேவையான அளவு தண்ணீர் மற்றும் 1 முதல் 2 மேஜைக்கரண்டி தயிர். இவற்றை வைத்து எப்படி வெந்தய ஹேர் மாஸ்க்கை எப்படி செய்யலாம் என்று மேற்கொண்டு பார்க்கலாம்.

- முதலில் 2 ஸ்பூன் சுத்தமான வெந்தயத்தை எடுத்துக்கொள்ளுங்கள். ஒரு பாத்திரத்தில் போட்டு, அது மூழ்கும் வரை தண்ணீர் ஊற்றி, இரவு முழுவதும் ஊறவைக்கவும்.

- இந்த நேரத்தில், வெந்தயம் நன்றாக ஊறி மென்மையாகியிருக்கும். அதிகப்படியான தண்ணீரை வடிகட்டிவிட்டு, ஊறிய வெந்தயத்தை ஒரு மிக்ஸி ஜாருக்கு மாற்றவும்.

- பின்னர் மிக்ஸி ஜாரில் சிறிது சிறிதளவு தண்ணீர் சேர்த்து, மென்மையான விழுதாக மாறும் வரை அரைத்துக்கொள்ளுங்கள்.

- கலவை மென்மையாக இருக்க, 1 முதல் 2 ஸ்பூன் தயிர் சேர்த்துக்கொள்ள வேண்டும்.

- முடியைப் பிரித்து, தயாரித்து வைத்திருக்கும் கலவையை மெல்லிய அடுக்காக உங்கள் கூந்தல் முழுவதும் தடவுங்கள். உங்கள் உச்சந்தலை ஆரோக்கியமாக இருப்பதை உறுதிப்படுத்திக்கொள்ளுங்கள்.

- இந்த ஹேர் மாஸ்க்கை 15 முதல் 20 நிமிடங்கள் வரை முடியில் அப்படியே விட்டுவிடுங்கள். கலவை காய்ந்துவிடாமல் பார்த்துக்கொள்ளுங்கள். ஏனெனில் வெந்தயம் காய்ந்துவிட்டால், அதை முடியிலிருந்து அகற்றுவது கடினமாகிவிடும்.

- பின்னர் வெதுவெதுப்பான நீரைக் கொண்டு முடியிலிருந்து ஹேர் மாஸ்க்கை முழுமையாகக் கழுவி நீக்குங்கள். அதன் பிறகு, ஒரு மென்மையான ஷாம்புவைப் பயன்படுத்தி மீதமுள்ள கலவையைச் சுத்தம் செய்யுங்கள்.

வெந்தய ஹேர் மாஸ்க்கின் நன்மைகள்

வெந்தய ஹேர் மாஸ்க்கைப் பயன்படுத்துவது, வறண்ட கூந்தலின் அமைப்பை மேம்படுத்தி, அதன் ஆரோக்கியத்தை மேம்படுத்தக்கூடும். இருப்பினும், வழுக்கை, பொடுகு அல்லது முடி வளர்ச்சிக்கான தீர்வாக இது செயல்படும் என்பதற்கு எந்த ஆதாரமும் இல்லை. உங்கள் உச்சந்தலைக்கு இது ஒத்துப்போகிறதா என்பதை உறுதிப்படுத்திக்கொண்டு, அதன்பின் இந்த ஹேர் மாஸ்க்கை அடிக்கடி பயன்படுத்தினால் முடி ஆரோக்கியத்தில் நல்ல முன்னேற்றத்தை அனுபவிக்கலாம்.

Story first published: Monday, November 16, 2026, 20:18 [IST]
Desktop Bottom Promotion