முகத்தில் அசிங்கமா கருந்திட்டுகள் இருக்கா? அப்ப எலுமிச்சையை இப்படி 2 வாரம் யூஸ் பண்ணுங்க.. போயிடும்...

Skin Care Tips In Tamil: அழகைக் கெடுக்கும் வகையில் சருமத்தில் பலவிதமான பிரச்சனைகள் தோன்றும். அப்படிப்பட்ட ஒரு பிரச்சனை தான் கருந்திட்டுகள். இதை மங்கு என்றும் அழைப்பர். கருந்திட்டுகள் வயதாகும் போது சருமத்தில் தோன்றும். இது தவிர வெயிலில் அதிகம் சுற்றுவது, சுற்றுச்சூழல் மாசுபாடு அல்லது ஹார்மோன் ஏற்றத்தாழ்வுகள் போன்றவையும் இந்த பிரச்சனையை வரத் தூண்டலாம்.

இந்த கருந்திட்டுகள் ஒருவரது அழகையே கெடுத்துவிடும். கருந்திட்டுகளைப் போக்க பலர் பலவிதமான க்ரீம்களை வாங்கி பயன்படுத்துவார்கள். ஆனால் நம் வீட்டில் உள்ள ஒருசில பொருட்களே இந்த கருந்திட்டுகளைப் போக்க பெரிதும் உதவி புரியும். அதில் ஒன்று தான் எலுமிச்சை.

இந்த எலுமிச்சையில் உள்ள வைட்டமின் சி மற்றும் ஆன்டி-ஆக்ஸிடன்ட்டுகள் சருமத்தில் ஏற்படும் பலவிதமான பிரச்சனைகளைப் போக்கும். இப்போது முக அழகை கெடுக்கும் கருந்திட்டுகளைப் போக்க எலுமிச்சையை எப்படியெல்லாம் பயன்படுத்தலாம் என்பதைக் காண்போம்.

1. மஞ்சள் மற்றும் எலுமிச்சை சாறு

* ஒரு பௌலில் 1 டீஸ்பூன் மஞ்சள் தூளுடன், 1/2 டீஸ்பூன் எலுமிச்சை சாறு மற்றும் 1 டேபிள் ஸ்பூன் பால் சேர்த்து பேஸ்ட் போல் கலந்து கொள்ள வேண்டும்.
* பின் அதை கருந்திட்டு/மங்கு உள்ள இடத்தில் தடவி 10 நிமிடம் நன்கு காய வைக்க வேண்டும்.
* பின்பு வெதுவெதுப்பான நீரால் கழுவ வேண்டும்.
* இப்படி வாரத்திற்கு 2-3 முறை பயன்படுத்தினால், நல்ல மாற்றத்தைக் காணலாம்.

2. தேங்காய் எண்ணெய் மற்றும் எலுமிச்சை சாறு

* ஒரு பௌலில் 2-3 துளிகள் தேங்காய் எண்ணெயை எடுத்துக் கொண்டு, அத்துடன் 2-3 துளிகள் எலுமிச்சை சாற்றினை சேர்த்து கலந்து கொள்ள வேண்டும்.
* பின் அதை பாதிக்கப்பட்ட பகுதியில் தடவி 20-25 நிமிடம் ஊற வைக்க வேண்டும்.
* பின்பு வெதுவெதுப்பான நீரில் நனைத்த துணியால் துடைத்து எடுக்க வேண்டும்.
* இப்படி தினமும் ஒருமுறை செய்து வந்தால், நல்ல பலன் கிடைக்கும்.
* இன்னும் சிறப்பான பலன் கிடைக்க, அத்துடன் சிறிது சர்க்கரை சேர்த்துக் கொள்ளுங்கள்.

3. ஆப்பிள் சீடர் வினிகர் மற்றும் எலுமிச்சை சாறு

* ஒரு பௌலில் 1/2 டீஸ்பூன் ஆப்பிள் சீடர் வினிகரை எடுத்து, அத்துடன் 1/2 டீஸ்பூன் எலுமிச்சை சாறு மற்றும் சிறிது நீரை சேர்த்து கலந்து கொள்ள வேண்டும்.
* பின் பஞ்சுருண்டையை பயன்படுத்தி முகத்தில் தடவி 10 நிமிடம் ஊற வைக்க வேண்டும்.
* பின்பு குளிர்ந்த நீரால் கழுவ வேண்டும்.
* இப்படி வாரத்திற்கு 4-5 முறை பயன்படுத்தி வர, கருந்திட்டுகள் சீக்கிரம் மறையும்.

4. வெள்ளரிக்காய் மற்றும் எலுமிச்சை சாறு

* ஒரு பௌலில் 1 டேபிள் ஸ்பூன் வெள்ளரிக்காய் சாற்றினை எடுத்து, அத்துடன் 1 டீஸ்பூன் எலுமிச்சை சாற்றினை சேர்த்து கலந்து கொள்ள வேண்டும்.
* பின் அதில் 1/2 டீஸ்பூன் தேன் சேர்த்து கலந்து கொள்ள வேண்டும்.
* பின்பு அதை முகத்தில் தடவி 10 நிமிடம் ஊற வைத்து, பின் குளிர்ந்த நீரால் கழுவ வேண்டும்.
* இப்படி தினமும் 2-3 முறை பயன்படுத்தினால், விரைவில் கருந்திட்டுகள் மறையும்.

5. ஆலிவ் ஆயில் மற்றும் எலுமிச்சை சாறு

* ஒரு பௌலில் 1/2 டீஸ்பூன் ஆலிவ் ஆயிலை எடுத்து, அத்துடன் 1/2 டீஸ்பூன் எலுமிச்சை சாற்றினை சேர்த்து கலந்து கொள்ள வேண்டும்.
* பின் அதை கருந்திட்டுகளின் மீது தடவி 10-15 நிமிடம் ஊற வைத்து, பின் குளிர்ந்த நீரால் கழுவ வேண்டும்.
* இப்படி தினமும் 2 முறை பயன்படுத்தி வர மங்கு மறைந்துவிடும்.

6. தயிர் மற்றும் எலுமிச்சை சாறு

* முதலில் எலுமிச்சை சாற்றினை கருந்திட்டுகளின் மீது தடவி நன்கு காய வைக்க வேண்டும்.
* நன்கு காய்ந்ததும், அதன் மேல் தயிரைத் தடவி 10 நிமிடம் ஊற வைத்து, பின் குளிர்ந்த நீரால் கழுவ வேண்டும்.
* இப்படி தினமும் ஒருமுறை செய்து வந்தால், கருந்திட்டுகள் சீக்கிரம் மறையும்.

7. தக்காளி சாறு மற்றும் எலுமிச்சை சாறு

* ஒரு பௌலில் 1 டீஸ்பூன் தக்காளி சாறு மற்றும் 1 டீஸ்பூன் எலுமிச்சை சாற்றினை எடுத்து கலந்து கொள்ள வேண்டும்.
* பின் அதை கருந்திட்டுகள் உள்ள இடத்தில் தடவி 10 நிமிடம் ஊற வைக்க வேண்டும்.
* பின்பு குளிர்ந்த நீரால் கழுவி உலர்த்திய பின், மாய்ஸ்சுரைசரை தடவ வேண்டும்.
* இப்படி தினமும் ஒருமுறை பயன்படுத்தி வந்தால் கருந்திட்டுகள் காணாமல் போகும்.

8. பேக்கிங் சோடா மற்றும் எலுமிச்சை சாறு

* ஒரு பௌலில் 1 டீஸ்பூன் பேக்கிங் சோடா மற்றும் சிறிது எலுமிச்சை சாற்றினை சேர்த்து கலந்து பேஸ்ட் செய்து கொள்ள வேண்டும்.
* பின் அதை மங்கு/கருந்திட்டு உள்ள இடத்தில் தடவி 3-4 நிமிடம் ஊற வைத்து, பின் குளிர்ந்த நீரால் கழுவ வேண்டும்.
* இப்படி ஒருமுறை செய்து வந்தால், மங்கு சீக்கிரம் மறைந்துவிடும்.