ப்ளீச்சிங் செஞ்ச மாதிரி முகம் பளிச்சுன்னு இருக்கணுமா? அப்ப இந்த ஃபேஸ் பேக்கை போடுங்க..

Skin Care Tips In Tamil: வாரம் முழுவதும் வெயிலில் அலைந்து திரிந்து உங்கள் முகம் கருப்பா, பொலிவிழந்து இருக்கா? இப்படி கருமையடைந்து இருக்கும் முகத்தை ப்ளீச்சிங் செய்தது போன்று பளிச்சென்று மாற்ற வேண்டுமா? அதுவும் பார்லர் சென்று நிறைய பணத்தை செலவழிக்காமலேயே முகத்தை பளிச்சுன்னு மாத்தணுமா? அப்படியானால் வீட்டில் உள்ள குறிப்பிட்ட சில பொருட்களை கொண்டு ஃபேஸ் பேக் போடுங்கள்.

நம் வீட்டு சமையலறையில் முகத்திற்கு ப்ளீச்சிங் செய்த எபெக்ட்டை கொடுக்கும் நிறைய பொருட்கள் உள்ளன. இந்த பொருட்களைக் கொண்டு வாரத்திற்கு ஒருமுறை, அதுவும் விடுமுறை நாளில் போடும் போது, பார்லர் சென்றது போன்று பொலிவான முகத்தைப் பெறலாம். இப்போது ப்ளீச்சிங் செய்த எபெக்ட்டை கொடுக்கும் சில நேச்சுரல் ஃபேஸ் பேக்குகளைக் காண்போம்.

1. எலுமிச்சை + தேன் ஃபேஸ் பேக்

* இந்த ஃபேஸ் பேக்கிற்கு ஒரு பௌலில் 1 டேபிள் ஸ்பூன் தேன் மற்றும் எலுமிச்சை சாற்றினை எடுத்துக் கொண்டு கலந்து கொள்ள வேண்டும்.
* பின் அதை முகம் மற்றும் கழுத்தில் தடவி 15 நிமிடம் ஊற வைக்க வேண்டும்.
* பிறகு குளிர்ந்த நீரால் கழுவ வேண்டும்.

2. கடலை மாவு ஃபேஸ் பேக்

* இந்த ஃபேஸ் பேக்கிற்கு ஒரு பௌலில் 2 டேபிள் ஸ்பூன் கடலை மாவு, 1 சிட்டிகை மஞ்சள் தூள் மற்றும் பால் சேர்த்து பேஸ்ட் செய்து கொள்ள வேண்டும்.
* பின்பு அதை முகத்தில் தடவி, 15-20 நிமிடம் ஊற வைக்க வேண்டும்.
* பின்னர் குளிர்ந்த நீரால் முகத்தைக் கழுவ வேண்டும்.
* இந்த ஃபேஸ் பேக்கை வாரத்திற்கு ஒருமுறை பயன்படுத்த வேண்டும்.
* எண்ணெய் பசை சருமத்தை கொண்டவர்கள் இன்னும் சிறப்பான பலன் கிடைக்க சிறிது எலுமிச்சை சாற்றினை சேர்த்துக் கொள்ளுங்கள்.

3. பால் பவுடர் ஃபேஸ் பேக்

* இந்த ஃபேஸ் பேக்கிற்கு ஒரு பௌலில் 1 டீஸ்பூன் பால் பவுடர், தேன் மற்றும் எலுமிச்சை சாற்றினை சேர்த்து பேஸ்ட் செய்து கொள்ள வேண்டும்.
* பின் அதை முகம் மற்றும் கழுத்தில் தடவி 10 நிமிடம் ஊற வைக்க வேண்டும்.
* அடுத்து குளிர்ந்த நீரால் முகத்தைக் கழுவ வேண்டும்.

4. வெள்ளரிக்காய் மற்றும் எலுமிச்சை ஃபேஸ் பேக்

* இந்த ஃபேஸ் பேக்கிற்கு ஒரு பௌலில் அரைத்த வெள்ளரிக்காய் விழுதுடன் சிறிது எலுமிச்சை சாற்றினை சேர்த்து கலந்து கொள்ள வேண்டும்.
* பின் அதை முகம் மற்றும் கழுத்தில் தடவி 15 நிமிடம் ஊற வைக்க வேண்டும்.
* பிறகு குளிர்ந்த நீரால் முகத்தைக் கழுவ வேண்டும்.

5. தக்காளி மற்றும் கடலை மாவு ஃபேஸ் பேக்

* இந்த ஃபேஸ் பேக்கிற்கு ஒரு பௌலில் 2 டீஸ்பூன் கடலை மாவை எடுத்துக் கொள்ள வேண்டும்.
* பின் அதில் 2-3 டீஸ்பூன் தக்காளி சாற்றினை சேர்த்து பேஸ்ட் செய்து கொள்ள வேண்டும்.
* பின்னர் அதை முகம் மற்றும் கழுத்தில் தடவி 15 நிமிடம் ஊற வைக்க வேண்டும்.
* பிறகு நீரால் முகத்தைக் கழுவ வேண்டும்.

(பொறுப்புத் துறப்பு: மேலே கொடுக்கப்பட்டுள்ள தகவல் இணையத்தில் கிடைக்கும் அனுமானங்கள் மற்றும் தகவல்களின் அடிப்படையில் கொடுக்கப்பட்டுள்ளன மற்றும் நம்பகத்தன்மைக்கு உத்தரவாதம் இல்லை. தமிழ் போல்ட்ஸ்கை இக்கட்டுரை தொடர்பான தகவலை உறுதிப்படுத்தவில்லை. மேலும் எங்கள் ஒரே நோக்கம் தகவலை வழங்குவது மட்டுமே. அதை வெறும் தகவலாக மட்டும் எடுத்துக் கொள்ள வேண்டும். எந்தவொரு தகவலையும் அனுமானத்தையும் பயிற்சி செய்வதற்கு அல்லது செயல்படுத்துவதற்கு முன், தயவுசெய்து சம்பந்தப்பட்ட நிபுணரை அணுகவும்.)