பரட்டை தலை மாதிரி உங்க முடி இருக்கா? அப்ப அத பளபளப்பாவும் நீளமாவும் மாத்த என்ன செய்யணும் தெரியுமா?

தேன் மற்றும் ஆப்பிள் சைடர் வினிகர்

தேன் அடிப்படையிலான ஹேர் மாஸ்க்கை பயன்படுத்துவது, உங்கள் உச்சந்தலையில் உள்ள பொடுகு, எரிச்சல் மற்றும் அரிப்பு ஆகிய பிரச்சனைகளை குறிப்பிடத்தக்க வகையில் குறைக்க உதவுகிறது. உங்கள் சருமத்தின் இயற்கையான pH சமநிலையை மீட்டெடுப்பதைத் தவிர, ஆப்பிள் சைடர் வினிகர் உச்சந்தலையை சுத்தப்படுத்துகிறது. மேலும், இது உங்கள் முடி வளர்ச்சிக்கு உதவுகிறது மற்றும் பளபளப்பான முடியை உங்களுக்கு வழங்குகிறது.

தேவையான பொருட்கள்

பச்சை தேன்

ஆப்பிள் சைடர் வினிகர்

வெதுவெதுப்பான நீர்

எப்படி செய்வது?

அரை கப் வெதுவெதுப்பான நீரில் இரண்டு தேக்கரண்டி ஆப்பிள் சைடர் வினிகர் மற்றும் மூன்று தேக்கரண்டி பச்சை தேன் சேர்த்து நன்கு கலக்கவும். இந்த கலவையை உங்கள் உச்சந்தலையில் மற்றும் முடியில் தடவி மசாஜ் செய்யவும். 30-60 நிமிடங்கள் அப்படியே இருக்கட்டும். பின்னர், லேசான ஷாம்பூவைக் கொண்டு தலைமுடியை அலசவும்.

வாழைப்பழம், தேன் மற்றும் ஆலிவ் எண்ணெய்

வாழைப்பழம் உங்கள் தலைமுடிக்கு தேவையான வைட்டமின்கள் மற்றும் தாதுக்களை வழங்க உதவுகிறது. மேலும் ஆலிவ் எண்ணெய் உங்கள் உச்சந்தலையை ஆற்றவும் குளிர்ச்சியாகவும் வைத்திருக்க உதவும். இதனால் உங்கள் முடி மென்மையாகவும் பளபளப்பாகவும் இருக்கும்.

தேவையான பொருட்கள்

இரண்டு பழுத்த வாழைப்பழங்கள்

ஒரு தேக்கரண்டி ஆலிவ் எண்ணெய்

அரை கப் பச்சை தேன்

எப்படி செய்வது?

ஒரு பிளெண்டரில், அனைத்து பொருட்களையும் ஒன்றாக சேர்த்து நன்றாக பேஸ்ட் ஆகும் வரை கலக்கவும். அந்த பேஸ்டை உங்கள் உச்சந்தலையில் மற்றும் முடி மீது தடவவும். உங்கள் தலைமுடியை ஷவர் கேப் மூலம் மூடுங்கள். 25 நிமிடங்களுக்குப் பிறகு, லேசான ஷாம்பு கொண்டு முடியை அலசவும்.

தேன் மற்றும் தேங்காய் எண்ணெய்

தேன் மற்றும் தேங்காய் எண்ணெய் முடி வளர்ச்சி மற்றும் ஊட்டச்சத்துக்கு முக்கிய பங்களிக்கிறது. இதில் அதிக அளவு வைட்டமின்கள் மற்றும் தாதுக்கள் உள்ளன. அவை முடியின் ஆரோக்கியத்திற்கும், முடியின் தரம் மற்றும் வளர்ச்சிக்கும் அவசியம்.

தேவையான பொருட்கள்

½ கப் தேங்காய் எண்ணெய்

½ கப் தேன்

எப்படி செய்வது?

ஒரு பாத்திரத்தில் இரண்டு பொருட்களையும் ஒன்றாக சேர்த்து கலக்கவும். இந்த கலவையை முடி மற்றும் உச்சந்தலையில் தடவி நன்கு மசாஜ் செய்யவும். 20 நிமிடம் அப்படியே விட்டு, குளிர்ந்த நீரில் கழுவிய பின், லேசான ஷாம்பூவைப் பயன்படுத்தி தலைமுடியை சுத்தம் செய்யவும். சிறந்த முடிவுகளுக்கு, வாரத்திற்கு இரண்டு முறை செய்யுங்கள்.

இறுதி குறிப்பு

தேன் உங்கள் தலைமுடிக்கு பல அதிசயங்களை செய்கிறது. அவை ஈரப்பதமாக்குதல், ஃபிரிஸைக் குறைத்தல், பளபளப்பை மீட்டெடுப்பது மற்றும் முடி உதிர்வைத் தடுக்கும். இங்கே குறிப்பிட்டுள்ளபடி சில அடிப்படை பொருட்களைப் பயன்படுத்தி, வீட்டிலேயே தேன் ஹேர் மாஸ்க்கை நீங்கள் செய்யலாம். உங்கள் தலைமுடி வறண்டிருந்தால் வாரத்திற்கு ஒரு முறையாவது இந்த தேன் ஹேர் மாஸ்க்கைப் பயன்படுத்த வேண்டும். உங்கள் தலைமுடி எண்ணெய் பசையாக இருந்தால், வாரத்திற்கு ஒரு முறை மட்டுமே தடவ வேண்டும்.