வெள்ளை முடிகளை குறைக்கும் புதுவித முட்டை எண்ணெய்..! எப்படி தயாரிக்கணும்னு தெரியுமா..?

முட்டை எண்ணெய்..!

பெயரே ரொம்ப வித்தியாசமாக இருக்கிறதேன்னு நினைக்கிறீங்களா..? இது உண்மைதாங்க. முட்டையில் இருந்து தயாரிக்கப்படும் இந்த எண்ணெய் பலவித நன்மைகளை கொண்டதாம். முடியில் இருக்க கூடிய பொதுவான பிரச்சினைகளை இது சரி செய்ய வல்லது.

என்னென்ன கலவைகள்..?

இந்த முட்டை எண்ணெய்யில் முக்கியமான சில மூல பொருட்கள் உள்ளன. குறிப்பாக ஒமேகா 3 கொழுப்பு அமிலங்கள், ஒமேகா 6 கொழுப்பு அமிலங்கள், EFA போன்றவை நிறைந்துள்ளன. இவை மண்டையின் ரத்த ஓட்டத்தை சீராக்கி முடியை நன்கு வளர செய்யும். மேலும், இளநரையை தடுக்க கூடிய ஆற்றலும் இந்த முட்டை எண்ணெய்யிற்கு உள்ளதாம்.

கண்டிஷ்னராக செயல்படும்...

இந்த முட்டை எண்ணெய் சிறந்த கண்டிஷனராக செயல்படுமாம். மேலும், முடி கொட்டிய இடத்தில் செல்களை மறு உற்பத்தி செய்ய இந்த எண்ணெய் உதவுகிறது. இவற்றில் உள்ள கொலஸ்ட்ரால் வறண்ட மண்டையை ஈரப்பதத்துடன் வைத்து கொள்ளும். பொலிவான முடியை பெற வேண்டுமென்றால் இந்த முட்டை எண்ணெய்யே அதற்கு போதும்.

நரைகளை போக்க

உங்களின் நரைகளை போக்குவதற்கு இந்த எண்ணெய் மிகவும் உதவும். இதனை தொடர்ந்து பயன்படுத்தி வந்தால் நல்ல பலன் கிடைக்கும். இந்த எண்ணெய்யை தயாரிக்க தேவையான பொருட்கள்...

ஆலிவ் எண்ணெய் 3 ஸ்பூன்

முட்டை 3

எவ்வாறு தயாரிப்பது..?

இந்த முட்டை எண்ணெய்யை தயாரிப்பது மிக எளிமையான ஒன்றாகும். முதலில் முட்டையின் மஞ்சள் கருவை மட்டும் தனியாக எடுத்து கொள்ளவும். பிறகு ஒரு பாத்திரத்தில் இதனை போட்டு கொண்டு, ஆலிவ் எண்ணெய்யை இவற்றில் சேர்த்து கொள்ளவும். நன்கு கலக்கி கொண்டே இருக்க வேண்டும். அதன்பின் 5 முதல் 10 நிமிடம் வரை கொதிக்க விட்டு இறக்கி கொள்ளவும்.

எவ்வாறு பயன்படுத்துவது..?

இந்த முட்டை எண்ணெய்யை ஆறிய பிறகு பயன்படுத்த வேண்டும். முடியை ஒவ்வொரு பாகமாக பிரித்து கொண்டு இந்த எண்ணெய்யை தலை முழுக்க தடவவும். 10 நிமிடம் வரை நன்றாக மசாஜ் கொடுத்த பிறகு, 3 மணி நேரம் அப்படியே விட்டு சிகைக்காய் பயன்படுத்தி தலைக்கு குளிக்கவும்.

முக பொலிவிற்கு

முகத்தை மினுமினுப்பாக வைத்து கொள்ள இந்த எண்ணெய் நன்கு உதவும். பருக்களினால் ஏற்பட்ட தழும்புகள், வெடிப்புகள், சூடுபட்ட புண்கள், ஆகியவற்றை குணப்படுத்தும். மேலும், நீண்ட நாட்கள் இளமையான முகத்தை இந்த முட்டை எண்ணெய் தரும். வறண்ட முக சருமத்தை ஈரப்பதத்துடன் வைத்து கொள்ள இந்த எண்ணெய் உதவுகிறது.

நகம் உடைகிறதா..?

பலருக்கு நகங்கள் அடிக்கடி உடைதல் ஏற்படும். இதற்கு மாத்திரைகளை சாப்பிடுபவர்களும் உண்டு. ஆனால், இந்த முட்டை எண்ணெய்யை பயன்படுத்தி எளிதில் நகம் உடைதல் பிரச்சினைக்கு தீர்வை அடையலாம். மேலும், நகத்தில் கருப்பாக இருந்தால் அதனையும் இது சரி செய்து விடும்.