பொடுகுத் தொல்லைக்கான அறிகுறிகளும்... காரணங்களும்...

ஸ்கால்ப்பில் அரிப்பு

பொடுகு உள்ளதற்கு மிகவும் சாதாரணமான அறிகுறியாக அரிப்பு மிகுந்த ஸ்கால்ப்பை குறிப்பிடலாம். உங்களுடைய ஸ்கால்ப்பில் பொடுகுகள் இருந்தால், உங்களுக்கு தொடர்ந்து அரிப்பு இருக்கும். தளர்வாக தெரியும் செதில்களால் தான் அரிப்பு ஏற்படும். இவ்வாறு வெளியில் தெரியும் செதில்கள் மண்டைத்தோலில் உள்ள இறந்த செல்களாகும். குளிர்காலத்தில் இந்த வகையான பொடுகுத் தொல்லைகள் தேடி வந்து சேரும். குளிர்கால பொடுகுகளால் வரும் மற்றொரு பிரச்சனையாக வறண்ட சருமம் உள்ளது. ஆனால், பருவநிலை மாறும் போது இந்த பொடுகுத் தொல்லையும் போய்விடும் என்பதால், இதற்காக நீங்கள் வருந்த வேண்டாம்.

முடி உதிர்தல்

முடி உதிர்வது பொடுகுத் தொல்லைக்கான மற்றொரு முக்கியமான அறிகுறியாகும். எந்த வகையான பொடுகாக இருந்தாலும், மண்டைத்தோலில் பிரச்சனை ஏற்படும் போது முடி உதிர்வதும் தானாக நடக்கும். இதனால் ஒவ்வொரு நாளும் நாம் 20 முதல் 50 முடிகளை இழக்க நேரிடும். இது சாதாரணமாக முடி உதிரும் பிரச்சனையாகும். ஆனால், இதுவே கணக்கற்ற வகையில் நிகழும் போது, பொடுகுத் தொல்லையின் அறிகுறி என்பதை உறுதியாகச் சொல்லலாம்.

வறட்சியான மற்றும் மோசமான தலைமுடி

உங்களுடைய தலைமுடி வறட்சியாகவும், மோசமாகவும் உள்ளதா? ஆம் என்றால், உங்களுக்கு பொடுகுத் தொல்லை உள்ளது எனலாம். ஏனெனில், பொடுகுகள் ஸ்கால்ப்பில் உள்ள எண்ணெயை உறிஞ்சி எடுத்துக் கொண்டு, தலைமுடியை வறட்சியாகவும், ஜீவனற்ற நிலையிலும் விட்டு விடுகின்றன. இதன் காரணமாக முறையாக தலையை சீவினாலும் கூட, முடி அடங்காமலும், வறட்சியாகவும் காணப்படும். இந்த பிரச்சனையை நீங்கள் மிகவும் கவனமாக சரிசெய்ய வேண்டும்.

அரிப்பு மற்றும் முகப்பருக்கள்

இது தலைமுடிக்கோ அல்லது மண்டைத் தோலுக்கோ நேரடியாக தொடர்பில்லாத விஷயமாக இருந்தாலும், முகத்தில் திடீரென முகப்பருக்கள் படையெடுத்தாலோ அல்லது அரிப்புகள் வந்தாலோ, அதையும் பொடுகுகளின் வரவை தண்டோரா போடுவதே எனலாம். பொடுகுகள் சிவந்த வண்ணத்தில் தோன்றுவதால் தான் அரிப்புகளும், முகப்பருக்களும் தோன்றுகின்றன. இந்த முகப்பருக்களால் வலியும் வரக்கூடும். பொடுகுகளை விரட்டிய பின்னர் தான், பலரும் முகப்பருக்களை விரட்டியிருக்கிறார்கள்.

மலச்சிக்கல் மற்றும் எரிச்சல் தரும் குடல் நோய்

நீண்ட காலமாக மலச்சிக்கல் மற்றும் எரிச்சல் தரும் குடல் நோயை அனுபவித்தவர்களுக்கு பொடுகு தொல்லை வந்ததை சில ஆய்வுகள் தெரிவிக்கின்றன. இதற்கான காரணங்களை இன்னமும் சரியாக விளக்க முடியாவிட்டாலும், பொடுகு தொல்லையை அனுபவித்து வரும் பலருக்கும், இந்த இரு பிரச்சனைகளும் உள்ளன என்பது யோசிக்க வேண்டிய விஷயமாகும்.

பொடுகைப் போக்கும் சிகிச்சைகள்

அறிகுறிகளைப் போலவே, பொடுகுகளுக்கான சிகிச்சை முறையும் அவற்றின் வகைகளைப் பொறுத்ததேயாகும். உங்களுக்கு சிவந்த தோலற்சி (Seborrheic Dermatitis) இருந்தால், அது குறித்து தோல் சிகிச்சை நிபுணரிடம் உரிய ஆலோசனை பெற வேண்டும். பொடுகுகளை களைவதற்கான சில பொதுவான சிகிச்சை முறைகளைப் பற்றி தெரிந்து கொள்ள தொடர்ந்து படியுங்கள்.

பொடுகுகளை ஒழிக்கும் ஷாம்பு

பொடுகுகளை ஒழிக்கும் தன்மையுடன் கூடிய பல்வேறு ஷாம்புக்களை உங்களால் கடைகளில் எளிதில் வாங்கிட முடியும். இதில் மிதமான தன்மையுடைய ஒரு ஷாம்புவை நீங்கள் வாங்கினால், சாதாரணமாக குளிப்பதற்கும் கூட அதை பயன்படுத்தலாம். மிதமான வகையிலான, பொடுகுகளை ஒழிக்கும் ஷாம்புவைக் கொண்டு தோலிலுள்ள செதில்களை நீக்கிட முடியும், அதே நேரத்தில் தோலின் இயற்கையான பிரகாசத்தையும், கவர்ச்சியையும் தேக்கி நிறுத்திட முடியும்.

தயிர் மற்றும் எலுமிச்சை

பொடுகுகளை வீடுகளிலேயே சிகிச்சை செய்ய நினைத்தால், அப்போது கை கொடுக்க இருக்கின்றன தயிரும், எலுமிச்சையும். அதற்கு சில துளிகள் எலுமிச்சை சாற்றை தயிரில் விட்டு, அந்த கலவையை, ஸ்கால்பில் தடவிக் கொள்ளுங்கள். இவ்வாறு தடவிக் கொண்டு, சுமார் அரை மணிநேரம் ஊற வைத்து, பின் குளிர்ந்த நீரால் தலைமுடியை நன்றாகக் கழுவவும். இந்த வழிமுறையை வாரத்திற்கு மூன்று முறை பின்பற்றுவதன் மூலம், சிறந்த பலன்களைப் பெற முடியும்.

இதுப்போன்று சுவாரஸ்யமான மற்றும் பயனுள்ள பல தகவல்களைப் பெற எங்கள் ஃபேஸ்புக் பக்கத்தை லைக் செய்து தொடர்பில் இருங்கள்...