உங்களுக்கு நெற்றி நீளமா இருக்கா?... 'லைட்'டா குறைக்கலாமா??.. இதப் படிச்சுப் பாருங்க!

ஆயில் மசாஜ்

தலையின் முன்புறம் முடியின் வளர்ச்சியை அதிகரிக்க வேண்டுமானால், தேங்காய் எண்ணெய், பாதாம் எண்ணெய் மற்றும் லாவெண்டர் எண்ணெய்களை வெதுவெதுப்பாக சூடேற்றி, மசாஜ் செய்து வர வேண்டும். இதனால் ஆயில் மசாஜானது இரத்த ஓட்டத்தை அதிகரித்து முடியின் வளர்ச்சியை அதிகரிக்கும்.

விளக்கெண்ணெய்

விளக்கெண்ணெய் கூட முடியின் வளர்ச்சியை அதிகரிப்பதில் முதன்மையானவை. அதற்கு விளக்கெண்ணெயைக் கொண்டு தலையை நன்கு மசாஜ் செய்து 1 மணிநேரம் ஊற வைத்து, பின் ஷாம்பு போட்டு அலச வேண்டும். குறிப்பாக விளக்கெண்ணெயை நெற்றில் அதிகம் தடவ வேண்டாம். இல்லாவிட்டால், அது பருக்களை ஏற்படுத்திவிடும்.

ஹென்னா பேக்

ஹென்னாலை தலைக்கு பயன்படுத்தும் போது, நெல்லிக்காய் பொடி, சீகைக்காய், பொடி, பிராமி, தயிர் மற்றும் இதர பொருட்களான கறிவேப்பிலை பொடி, செம்பருத்தி இலை, வெந்தயம் ஆகியவற்றையெல்லாம் சேர்த்து, நெற்றியில் சொட்டையாக உள்ள இடத்திலும், தலைக்கும் ஹேர் பேக் போட வேண்டும். அப்படி வாரம் ஒருமுறை செய்து வந்தால், அவ்விடத்தில் முடியின் வளர்ச்சி அதிகரிக்கும்.

பிராமி

பிராமி இலையானது ஞாபக சக்தியை அதிகரிப்பது மட்டுமல்லாமல், முடியின் வளர்ச்சியையும் அதிகரிக்கும். அதற்கு பிராமி பொடியை தயிருடன் சேர்த்து கலந்து, நெற்றியில் முடி வளராத இடத்தில் தடவி 30 நிமிடம் ஊற வைத்து, பின் மைல்டு ஷாம்பு போட்டு குளிக்க வேண்டும்.

சீவும் போது கவனம் தேவை

போனிடைல் போடும் போதோ அல்லது கொண்டை போடும் போதோ, முடியை இறுக்கமாக கட்ட வேண்டாம். மேலும் எப்போதும் பின்புறம் நோக்கி தலையை சீவ வேண்டாம். இதனால் மயிர்கால்கள் வலுவிழந்து, பின் நாளடைவில் தலையின் முன்புறம் வழுக்கையானது ஏற்பட்டுவிடும். இப்படி சீவுவது பெண்களுக்கு மட்டுமல்ல, ஆண்களுக்கும் தான் வழுக்கையை ஏற்படுத்தும்.

பாங்க்ஸ் ஹேர் ஸ்டைல்

முடியின் வளர்ச்சியை அதிகரிக்க இயற்கை பொருட்களை கொண்டு முடியைப் பராமரிப்பதுடன், பெரிய நெற்றியை மறையும் வரை, பாங்க்ஸ் ஸ்டைலை பின்பற்றுவது நல்லது.

இரும்புச்சத்துள்ள உணவுகள்

இரும்புச்சத்து அதிகம் நிறைந்த உணவுப் பொருட்களான பச்சை இலை காய்கறிகள் மற்றும் மாட்டிறைச்சி ஆகியவற்றில் இரும்புச்சத்தானது அதிக அளவில் நிறைந்துள்ளது. எனவே இதனை உணவில் சேர்த்து வந்தால், முடி உதிர்வது நின்று, முடியின் வளர்ச்சி அதிகரிக்கும்.