பிட்டம், தொடை போன்ற பகுதிகளில் அசிங்கமாக கோடுகள் வர இவைகள் தான் காரணம் என தெரியுமா?

அதிகளவு ஜங்க் உணவுகள்

ஜங்க் உணவுகள் மற்றும் பதப்படுத்தப்பட்ட உணவுகளை அதிகமாக உட்கொண்டால், அதில் உள்ள அதிகப்படியான சர்க்கரை மற்றும் டாக்ஸின்கள், சருமத்தில் அசிங்கமான செல்லுலைட்டை உருவாக்கும்.

உடல் பருமன்

உடலில் பெண் ஹார்மோனான ஈட்ஸ்ரோஜென் அதிகளவு இருந்தாலும், செல்லுலைட் உருவாகும். அதிலும் உடலில் கொழுப்புச் செல்கள் அல்லது உடல் பருமன் அதிகம் உள்ளோருக்கு தான், ஈஸ்ட்ரோஜெனின் உற்பத்தி அதிகமாக இருப்பதாக பத்திரிக்கையில் வெளிவந்த ஆய்வில் தெரிய வந்தது.

கருத்தடை மாத்திரைகள்

கருத்தடை மாத்திரைகளை தொடர்ச்சியாக எடுத்து வந்தால், அது உடலில் ஈஸ்ட்ரோஜென் அளவை அதிகரித்து, அசிங்கமான செல்லுலைட்டை உருவாக்கும்.

போதிய நீர் அருந்தாமை

தண்ணீர் உடலில் உள்ள டாக்ஸின்களை வெளியேற்றும். ஆனால் ஒருவர் போதிய அளவு நீரை அருந்தாமல் இருந்தால், அது உடலில் டாக்ஸின்களின் அளவை அதிகரித்து, சருமத்தில் செல்லுலைட்டை உண்டாக்கும்.

உடலுழைப்பற்ற வாழ்க்கை முறை

ஆம், உடலுழைப்பற்ற வாழ்க்கை முறையும் செல்லுலைட்டை உண்டாக்கும். ஒரே இடத்தில் நீண்ட நேரம் அமர்ந்து வேலை செய்யும் போது, உடலில் இரத்த ஓட்டம் குறைந்து, செல்லுலைட் உருவாகும் வாய்ப்பை அதிகரிக்கும்.

இறுக்கமான உடைகள்

இறுக்கமான உடைகளை அணியும் போது, இரத்த ஓட்டம் தடைப்படுவதோடு, உடலில் இருந்து டாக்ஸின்கள் வெளியேற்றப்படுவதும் தடுக்கப்பட்டு, செல்லுலைட்டை உருவாக்கும்.

அதிகளவு காஃப்பைன்

ஒரு நாளில் ஒரு கப் காபி போதுமானது. ஆனால் அதற்கு அதிகளவு காபியை குடிக்கும் போது, அது செல்லுலைட் வருவதற்கான வாய்ப்பை அதிகரிக்கும் என பத்திரிக்கை ஒன்றில் வெளிவந்த ஆய்வில் கொடுக்கப்பட்டுள்ளது.