குளிக்காமலேயே நல்லா பிரஷ்ஷா இருக்கணுமா? அப்ப இந்த ட்ரிக்ஸ்களை தெரிஞ்சுக்கோங்க...

ட்ரிக்ஸ் #1

அக்குளில் அதிகமாக வியர்த்தால், ஹேண்ட் சானிடைசரை அக்குளில் பயன்படுத்துங்கள். இதனால் அக்குளில் உள்ள பாக்டீரியாக்கள் அழிக்கப்பட்டு, வியர்வை நாற்றம் வீசுவது தடுக்கப்படும்.

ட்ரிக்ஸ் #2

பலரும் குளித்த பின் தான் டியோடரண்ட் பயன்படுத்த வேண்டும் என்று சொல்வார்கள். ஆனால் இரவில் படுக்கும் முன்பே டியோடரண்ட்டுகளைப் பயன்படுத்தினால், மறுநாள் காலையில் எழும் போதே வியர்வை நாற்றமின்றி, நல்ல புத்துணர்ச்சியுடனும், நல்ல மணத்துடனும் இருக்கலாம்.

ட்ரிக்ஸ் #3

தலைக்கு குளிக்க நேரமில்லையா? ஆனால் தலை பிசுபிசுப்புடனும் துர்நாற்றத்துடனும் உள்ளதா? அப்படியெனில் பேபி பவுடரை சிறிது தலையில் தூவிவிடுங்கள். இதனால் தலையில் உள்ள அதிகப்படியான எண்ணெய் பசை நீங்குவதோடு, தலைமுடியும் நல்ல மணத்துடன் இருக்கும்.

ட்ரிக்ஸ் #4

குளிக்காமலேயே நம்மீது நல்ல மணம் வீச வேண்டுமானால், தலைமுடியின் முனைகளில் ஈரமான பேபி துடைப்பான்களைக் கொண்டு தேய்த்தால், நம்மைச் சுற்றி ஒரு நல்ல நறுமணம் வீசும்.

ட்ரிக்ஸ் #5

முழங்கை, மணிக்கட்டு, கழுத்து போன்ற இடங்களில் நல்ல நறுமணமிக்க பெர்ப்யூம்களை, ஆடைகளை அணியும் முன் பயன்படுத்துங்கள். மேலும் கை, கால்களுக்கு மாய்ஸ்சுரைசர்களைப் பயன்படுத்துங்கள். இதனால் நாள் முழுவதும் நல்ல மணத்துடன் இருக்க முடியும்.

ட்ரிக்ஸ் #6

எலுமிச்சை மணம் கொண்ட க்ரீம்கள் அல்லது லோசன்களைப் பயன்படுத்தினால், உடலில் வியர்வை துர்நாற்றமே வீசாது. மாறாக, நாள் முழுவதும் நல்ல நறுமணத்துடன் நாம் இருக்கலாம்.

ட்ரிக்ஸ் #7

முக்கியமாக குளிக்காமலேயே புத்துணர்ச்சியுடன் காட்சியளிக்க வேண்டுமானால், உடைகளை மாற்ற வேண்டும். குறிப்பாக உள்ளாடைகளை தவறாமல் மாற்ற வேண்டும். இந்த ஒரு செயலை செய்தாலே போதும், குளிக்காமலேயே நாம் புத்துணர்ச்சியுடன் காட்சியளிக்க முடியும்.