உங்க தினசரி சரும பராமரிப்பு வழக்கத்தில் 'இதை' கண்டிப்பா சேர்க்கணுமாம்...ஏன் தெரியுமா?

சருமப் பராமரிப்பில் பல பொருட்கள் அறிமுகப்படுத்தப்பட்டுள்ளதால், சில சமயங்களில் உங்கள் சருமத்திற்கு எது சிறந்தது என்பதைப் புரிந்துகொள்வதில் உங்களுக்கு குழப்பம் இருக்கலாம். ஹைலூரோனிக் அமிலம், நியாசினமைடு மற்றும் ரெட்டினோல் பற்றி நீங்கள் கேள்விப்பட்டிருந்தாலும், உங்கள் தோல் பராமரிப்பு முறைக்கு ஜிங்க் சேர்ப்பது பற்றி கேள்விப்பட்டிருக்கிறீர்களா?

ஆம், சரும பராமரிப்பில் உள்ள துத்தநாகம் உங்கள் சருமத்திற்கு அதிசயங்களைச் செய்து பல நன்மைகளை வழங்குகிறது. உங்கள் தோல் பராமரிப்பு முறைகளில் துத்தநாகத்தைச் சேர்ப்பதால் கிடைக்கும் நன்மைகளைப் பற்றி இக்கட்டுரையில் தெரிந்துகொள்ளுங்கள்.

சருமத்திற்கு ஜிங்க்
துத்தநாகம் ஒரு கனிமமாகும். இது சேதமடைந்த சருமத்தை சரிசெய்யும் மற்றும் வீக்கத்தைக் குறைக்கவும் உதவுகிறது. உணவு மற்றும் சப்ளிமெண்ட்ஸ் மூலமாகவும், மேற்பூச்சு ரீதியாகவும் இதை பயன்படுத்தலாம்.

அழற்சி எதிர்ப்பு பண்புகளை கொண்டிருக்கும் துத்தநாகம், எந்தவொரு தோல் பராமரிப்பு வழக்கத்திலும் சேர்க்க ஒரு சிறந்த மூலப்பொருளாக இருக்கிறது. இது தோலழற்சி பிரச்சினைகள், முகப்பரு மற்றும் அரிக்கும் தோலழற்சியால் ஏற்படும் வறண்ட சருமத்திற்கு சிகிச்சையளிக்க உதவுகிறது.

சன்ஸ்கிரீனுடன் நன்றாக வேலை செய்கிறது
சன்ஸ்கிரீன்களில் பொதுவாக ஜிங்க் ஆக்சைடு பயன்படுத்தப்படுகிறது என்பது உங்களுக்குத் தெரியுமா? துத்தநாக ஆக்சைடு ஒரு சக்திவாய்ந்த சன்ஸ்கிரீன் உருவாக்கம். ஏனெனில் இது சூரியனிலிருந்து வெளிவரும் புறஊதா கதிர்களுக்கு எதிராக செயல்படுகிறது.

எனவே, துத்தநாக ஆக்சைடை 20 முதல் 25 சதவீத வரம்பில் சன்ஸ்கிரீனின் UVA ஸ்பெக்ட்ரம் வழங்க பயன்படுத்தலாம். இது பொதுவாக மினரல் சன்ஸ்கிரீன்களில் சேர்க்கப்படுகிறது மற்றும் உடல் சன்ஸ்கிரீன்களிலும் சேர்க்கப்படுகிறது.

முகப்பரு உள்ள சருமத்திற்கு நல்லது
துத்தநாக சல்பேட் அழற்சி எதிர்ப்பு பண்புகள் நிறைந்திருப்பதால் வீக்கத்தைக் குறைக்க உதவுகிறது. முகப்பரு பாதிப்பு உள்ளவர்களுக்கு இது அதிசயங்களைச் செய்யும். இது பொதுவாக ஃபேஸ் மாஸ்க்குகள், சீரம்கள் அல்லது மாய்ஸ்சரைசர்களில் துத்தநாக சல்பேட்டாகப் பயன்படுத்தப்படுகிறது.

ஓவர்நைட் ஸ்பாட் குறைப்பு க்ரீமிலும் பயன்படுத்தப்படும் துத்தநாகம், முகப்பரு அல்லது பருக்களால் ஏற்படும் வீக்கத்தை உடனடியாக குறைக்கிறது. இது பருக்களின் அளவையும் சிவப்பையும் குறைக்க உதவும். இருப்பினும், இது வெள்ளை புள்ளிகள் மற்றும் கரும்புள்ளிகளுக்கு சிகிச்சை அளிக்க இது பயன்படாது.

மாய்ஸ்சரைசர்களில் பயன்படுகிறது
அனைத்து தோல் பராமரிப்பு நிபுணர்களும் மாய்ஸ்சரைசரை சரும பராமரிப்பு வழக்கத்தில் சேர்க்க பரிந்துரைக்கின்றனர். ஏனெனில், உங்கள் சருமத்தை சரி செய்யும் செயல்பாட்டை மேம்படுத்தும் மற்றும் சிவத்தல் மற்றும் வீக்கத்தைக் குறைக்கும் ஆக்ஸிஜனேற்ற மூலப்பொருளான துத்தநாகம் பிசிஏ-வை மாய்ஸ்சரைசில் பயன்படுத்தப்படுகிறது. அதனால், அவை உங்கள் சருமத்திற்கு நன்மை அளிக்கும்.

ஏதேனும் பக்க விளைவுகள் உண்டா?
துத்தநாகத்தின் மூன்று முக்கிய வடிவங்கள் தோல் பராமரிப்பு பொருட்களில் பயன்படுத்தப்படுகின்றன. அவற்றை சரியாகப் பயன்படுத்தினால் உங்கள் சருமம் பளபளப்பாகவும் பாதுகாப்பாகவும் இருக்கும். துத்தநாகம் பொதுவாக பாதுகாப்பானது மற்றும் பயன்படுத்தலாம் என நிபுணர்கள் கூறுகிறார்கள்.

மிகவும் அரிதாக ஒருசிலருக்கு அரிப்பு அல்லது சொறி போன்ற பக்கவிளைவுகள் ஏற்படலாம். ஆனால் இது மிகவும் அரிதானது. எனவே பெரும்பாலான நேரங்களில் துத்தநாகம் பயன்படுத்த பாதுகாப்பான விருப்பமாகும். இது பாதுகாப்பானதாகக் கருதப்பட்டாலும், உங்கள் தோல் துத்தநாகத்திற்கு உணர்திறன் உள்ளதா இல்லையா என்பதைத் தெரிந்துகொள்ள பேட்ச் டெஸ்ட் எடுக்க வேண்டும்.