இந்த விரலில் தங்க மோதிரம் போட்டா அவங்க வாழ்க்கையில் துரதிர்ஷ்டம் எப்போதும் போகாதாம் - எந்த விரலில் போடணும்?

உலகின் மிகவும் விலையுயர்ந்த உலோகங்களில் தங்கம் எப்போதும் முக்கியப்பங்கு வகிக்கிறது. இந்து மதத்தில் தங்கம் நீண்ட காலமாகவே ஒரு புனிதமான மற்றும் மங்களகரமான உலோகமாகக் கருதப்படுகிறது. தங்கம் மதிப்புமிக்க உலோகமாக இருந்தாலும் அது செழிப்பு, செல்வம் மற்றும் நல்வாய்ப்பின் அடையாளமாகக் கருதப்படுகிறது.

தங்கத்தை பல்வேறு நகைகளாக ஆண்களும், பெண்களும் அணிகின்றனர், அதில் மோதிரம் மிகவும் முக்கியப்பங்கு வகிக்கிறது. தங்க மோதிரம் அணிவதை விட அதை எந்த விரலில் அணிகிறோம் என்பதும் முக்கியத்துவம் வாய்ந்தது சாஸ்திரங்கள் கூறுகிறது. ஏனெனில், வெவ்வேறு விரல்கள் வெவ்வேறு கிரகங்களுடன் தொடர்புடையவை மற்றும் அவை வாழ்க்கையின் பல்வேறு அம்சங்களில் தாக்கத்தை ஏற்படுத்துவதாக நம்பப்படுகிறது. எனவே சரியான விரலில் தங்க மோதிரம் அணிவது அதிர்ஷ்டத்தை அதிகரிக்கும், அதேபோல தவறான விரலில் மோதிரம் அணிவது பாதகமான சூழலை ஏற்படுத்தும். இந்த பதிவில் எந்த விரலில் மோதிரம் அணிவது நல்லது என்று தெரிந்து கொள்ளலாம்.

ஆள்காட்டி விரல்

ஜோதிடத்தின் படி, தங்கம் சூரியன் மற்றும் குருபகவானுடன் தொடர்புடையது. அதனால்தான் ஜோதிடர்கள் பொதுவாக ஆள்காட்டி விரலில் தங்க மோதிரத்தை அணிய பரிந்துரைக்கின்றனர், ஏனெனில் இந்த விரல் வகுருபகவானுடன் இணைக்கப்பட்டுள்ளது. இது வியாழனின் நேர்மறையான செல்வாக்கை வலுப்படுத்துவதாக நம்பப்படுகிறது, இந்த விரலில் மோதிரம் அணிவது கல்வி, தொழில், நற்பெயர் மற்றும் திருமணம் தொடர்பான நன்மைகளைத் தருகிறது. தங்கள் ஜாதகத்தில் குருபகவான் பலவீனமாக இருப்பவர்கள் இந்த விரலில் மோதிரம் அணிவது நல்லது.

மோதிர விரல்

ஜோதிடத்தில் மோதிர விரல் கிரகங்களின் ராஜாவான சூரியனுடன் தொடர்புடையது. இந்த விரலில் தங்க மோதிரத்தை அணிவது தன்னம்பிக்கையை அதிகரிக்கும், சமூக அந்தஸ்தை மேம்படுத்தும் மற்றும் வேலையில் அங்கீகாரத்தை மேம்படுத்தும் என நம்பப்படுகிறது. இதுமட்டுமின்றி இந்த விரலில் மோதிரம் அணிவது ஒருவரின் தந்தையுடனான உறவுகளை வலுப்படுத்துவதாகவும், தலைமைப் பாத்திரங்கள், அரசியல் அல்லது அரசாங்க சேவையில் இருப்பவர்களுக்கு குறிப்பாக பயனுள்ளதாக இருக்கும் என்றும் கூறப்படுகிறது.

எந்த நாளில் தங்க மோதிரம் அணிவது நல்லது?

சாஸ்திரங்களின் படி பொதுவாக ஞாயிறு மற்றும் வியாழன் ஆகிய நாட்களை தங்க மோதிரம் அணிவதற்கு மிகவும் உகந்த நாட்களாக கருதப்படுகிறது. ஞாயிற்றுக்கிழமை சூரியனுக்கு அர்ப்பணிக்கப்பட்டுள்ளது, வியாழக் கிழமை குருபகவானுடன் தொடர்புடையது. மோதிரத்தில் மாணிக்கம் அல்லது மஞ்சள் நீலக்கல் போன்ற கற்கள் இருந்தால், அந்த கற்களுடன் தொடர்புடைய குறிப்பிட்ட சடங்குகளைப் பின்பற்றவும் ஜோதிடர்கள் பரிந்துரைக்கின்றனர்.

எந்த விரலில் மோதிரம் அணியக்கூடாது?

ஜோதிட சாஸ்திரத்தின் படி நடுவிரலில் தங்க மோதிரம் அணிவதை பாதகமானதாகக் கருதப்படுகிறது. ஏனெனில் விரல் சனிபகவானுடன் தொடர்புடையது, அதே நேரத்தில் தங்கம் சூரியனுடன் இணைக்கப்பட்டுள்ளது. வேத ஜோதிடத்தில் சூரியனுக்கும் சனிக்கும் பகை இருப்பதாக நம்பப்படுவதால், நடுவிரலில் தங்கத்தை அணிவது ஒருவர் வாழ்க்கையில் எதிர்மறையான சூழலை உருவாக்கும் என்று கருதப்படுகிறது. நடுவிரலில் தங்க மோதிரத்தை அணிவதால் வேலையில் தாமதம், பொருளாதார சிக்கல்கள், எதிர்பாராத செலவுகள், சச்சரவுகள் அல்லது மன உளைச்சல் ஏற்படலாம்.

Disclaimer: இந்தக் கட்டுரையில் குறிப்பிடப்பட்டுள்ள ரத்தினக் கற்களின் நன்மைகள் பாரம்பரிய நம்பிக்கைகள் மற்றும் ஜோதிட நடைமுறைகளை அடிப்படையாகக் கொண்டவை. இதன் முடிவுகள் நபருக்கு நபர் மாறுபடும். ஜோதிட நோக்கங்களுக்காக எந்த ரத்தினக் கல்லையும் அணிவதற்கு முன்பு ஒரு சான்றளிக்கப்பட்ட ஜோதிடர் அல்லது ரத்தின நிபுணரை அணுகுமாறு நாங்கள் பரிந்துரைக்கிறோம். இந்த உள்ளடக்கம் தகவல் நோக்கங்களுக்காக மட்டுமே, மேலும் தொழில்முறை ஆலோசனைக்கு மாற்றாக எடுத்துக்கொள்ள வேண்டாம்.