வலி மற்றும் அசெளகரியம் இல்லாமல் உடலுறவில் நீண்ட நேரம் செயல்பட... நீங்க இத யூஸ் பண்ணா போதுமாம்!

உடலுறவு கொள்ளும்போது பல நேரங்களில் பிறப்புறுப்பில் வலி மற்றும் அசெளகரியம் ஏற்படலாம். இதனால் நீங்கள் நீண்ட நேரம் உடலுறவில் ஈடுபட முடியாமல் போகலாம் மற்றும் உங்களுக்கு வலியால் இன்பம் கிடைக்காமல் இருக்கலாம். உடலுறவில் ஈடுபடும்போது லூப்ரிகன்ட்டை பயன்படுத்துங்கள். இது நீங்கள் நீண்ட நேரம் இன்பமான உடலுறவை பெற உதவும்.

நாம் அன்றாடம் வீட்டில் பயன்படுத்தப்படும் பொருட்கள் லூப்ரிகன்ட்டாக முற்றிலும் செயல்படுகின்றன என்பது உங்களுக்குத் தெரியுமா? தேங்காய் எண்ணெய் முதல் அலோ வேரா ஜெல் வரை, உங்கள் பாலியல் இன்பத்தை மேம்படுத்தக்கூடிய சில ஆச்சரியமான சமையலறை பொருட்கள் உள்ளன. பாலியல் நெருக்கம் என்பது எந்தவொரு ஆரோக்கியமான உறவின் இன்றியமையாத பகுதியாகும்.

மேலும் மசகு எண்ணெய் பயன்படுத்துவது பாலியல் இன்பத்தை மேம்படுத்துகிறது மற்றும் உடலுறவின் போது அசெளகரியம் மற்றும் வலி ஏற்படாமல் தடுக்கும்.

சந்தையில் பலவிதமான வணிக மசகு எண்ணெய் கிடைக்கிறது என்றாலும், லூப் ஆக செயல்படக்கூடிய சில பொதுவான வீட்டுப் பொருட்களைப் பற்றி இக்கட்டுரையில் காணலாம்.

தேங்காய் எண்ணெய்

பல பயன்பாடுகளைக் கொண்ட பல்துறை எண்ணெயான தேங்காய் எண்ணெய், இயற்கையான மசகு எண்ணெயாக பயன்படுத்தலாம். உணர்திறன் வாய்ந்த தோல் மற்றும் ஒவ்வாமை உள்ளவர்களுக்கு இது ஒரு சிறந்த தேர்வாகும். யோனி வறட்சியை அகற்றவும் உதவும் இந்த எண்ணெய், வாய்வழி உடலுறவுக்கும் சிறந்த தேர்வாக இருக்கும்.

கற்றாழை ஜெல்

கற்றாழை அதன் இனிமையான மற்றும் ஈரப்பதமூட்டும் பண்புகளுக்கு பெயர் பெற்றது. இது ஒரு சிறந்த இயற்கை மசகு எண்ணெய் ஆகும். ஆனால், நீங்கள் இயற்கையான அலோ வேராவைதான் பயன்படுத்துகிறீர்கள் என்பதைச் சரிபார்ப்பது முக்கியம். ஏனெனில் சில நேரங்களில் கற்றாழை ஜெல்லில் கலக்கப்படும் கூடுதல் பொருட்கள் உங்கள் பிறப்புறுப்பு பகுதியில் எரிச்சலை ஏற்படுத்தலாம்.

பெட்ரோலிய ஜெல்லி

வாஸ்லைன் என்று அழைக்கப்படும் பெட்ரோலியம் ஜெல்லி, பொதுவாக எல்லாருடைய வீட்டிலும் பயன்படுத்தப்படும் ஒரு சரும பராமரிப்பு பொருளாகும். இது ஒரு மசகு எண்ணெயாக உங்களுக்கு செயல்பட உதவும். தடிமனாகவும் நீண்ட காலமாக வைத்திருந்து பயன்படுத்தப்படும் வாஸ்லைன், குத உடலுறவுக்கு சிறந்த தேர்வாக அமைகிறது. உடலுறவு கொள்ளும்போது, உராய்வினால் உங்களுக்கு ஏற்படும் வலி மற்றும் அசெளகரியத்தை குறைத்து, நீண்ட நேரம் மகிழ்ச்சிகரமான உடலுறவு கொள்ள உதவுகிறது. ஆனால், வாய்வழி உடலுறவுக்கு இதைப் பயன்படுத்த வேண்டாம் என்று அறிவுறுத்தப்படுகிறது.

பேபி ஆயில்

பேபி ஆயில் என்பது ஒரு கனிம எண்ணெய் சார்ந்த தயாரிப்பு ஆகும். இது குழந்தைகளின் தோலை ஈரப்பதமாக்க பொதுவாகப் பயன்படுத்தப்படுகிறது. இருப்பினும், உடலுறவின் போது இதை மசகு எண்ணெயாகவும் பயன்படுத்தப்படலாம். பேபி ஆயிலை ஒரு லூப் ஆகப் பயன்படுத்துவதற்கு முன்பு ஒரு சருமத்தில் பேட்ச் சோதனை செய்து பார்ப்பது முக்கியம்.

ஆலிவ் எண்ணெய்

பொதுவான சமையல் எண்ணெயான ஆலிவ் ஆயிலை, இயற்கையான மசகு எண்ணெயாக பயன்படுத்தலாம். இது உங்கள் பிறப்புறுப்பு பகுதியில் விரைவாக பரவி பகுதியை ஈரப்பதமாக்குகிறது. ஒவ்வொருவருக்கும் வெவ்வேறு தோல் உணர்திறன் இருப்பதால் மீண்டும் ஒரு பேட்ச் சோதனை செய்வது முக்கியம்.

இறுதிக்குறிப்பு

மேலே குறிப்பிடப்பட்டுள்ள இந்த லூப்ரிகன்ட்களை லேடெக்ஸ் ஆணுறைகளுடன் பயன்படுத்தப்படக்கூடாது என்பதை கவனத்தில் கொள்ள வேண்டும். ஏனெனில் இது ஆணுறையை கிழிக்கக்கூடும். நீங்கள் ஆணுறைகளைப் பயன்படுத்துகிறீர்கள் என்றால், தண்ணீரை அடிப்படையாகக் கொண்ட அல்லது சிலிகான் அடிப்படையிலான மசகு எண்ணெய் பயன்படுத்துவது நல்லது. இவை குறிப்பாக ஆணுறைகளுடன் பயன்படுத்துவதற்காக வடிவமைக்கப்பட்டது.

வீட்டில் உள்ள பொருட்களை மசகு எண்ணெயாக பயன்படுத்தலாம் என்றாலும், அவற்றைப் பாதுகாப்பான முறையில் பயன்படுத்துவது முக்கியம்.

உங்களுக்கு ஒவ்வாமை அல்லது உணர்திறன் இல்லை என்பதை உறுதிப்படுத்த இந்த பொருட்களில் ஏதேனும் ஒன்றை மசகு எண்ணெயாக பயன்படுத்தப்படுவதற்கு முன்பு எப்போதும் ஒரு பேட்ச் டெஸ்ட் செய்து அவசியம்.