ஒருவர் காதலில் விழும் போது உடலில் என்னென்ன மாற்றங்கள் ஏற்படும் தெரியுமா?

காதல் என்பது நம் வாழ்வில் சந்திக்க கூடிய விஷயங்களில் மிக முக்கியமான ஒன்றாக உள்ளது. இது தான் உறவுகளின் பாலமாக அமைகிறது. நமக்கு ஏற்ற ஒரு துணையை கண்டறியும் போது நம் வயிற்றில் பட்டாம்பூச்சி பறந்தது போல் இருக்கும். காதல் தான் ஒருவரை மகிழ்ச்சியாக வாழ வைக்கும்.

காதலுக்கு வயது என்பது கிடையாது. வயதான காலத்தில் கூட நிறைய மக்கள் காதலிக்கின்றனர். இந்த காதல் ஏற்படும் போது நம் உடலில் ஒருவித இரசாயன மாற்றங்கள் நிகழ்கிறது. இந்த இரசாயன மாற்றங்கள் உங்கள் உடல் முழுவதும் ஒருவித கவர்ச்சிகரமான தன்மையை கொடுக்கும்.

நம் மூளையில் உள்ள யூஃபோரிக் இரசாயன வெளியீடுகள் மக்களை தங்கள் துணையுடன் பிணைக்க உதவுகிறது. இப்படி நீங்கள் ஒருவரை காதலிக்கும் போது எந்த மாதிரியான விஷயங்கள் உண்டாகிறது என்பதைப் பற்றி இக்கட்டுரையில் நாம் காண்போம்.

காதல் ஏற்படும் போது உங்கள் உடலில் எந்த மாதிரியான இரசாயன மாற்றங்கள் உண்டாகும்?

காதலில் இருப்பது போதைப் பழக்கம் போன்றது

ரட்ஜர்ஸ் பல்கலைக்கழகத்தில் நடத்தப்பட்ட 2010 ஆய்வின்படி, காதல் ஒரு போதைப் பழக்கம் போன்ற உணர்வை கொடுக்கக் கூடியது. காதலின் விளைவால் நம் மூளையில் டோபமைன், ஆக்ஸிடாஸின், அட்ரினலின் மற்றும் வாசோபிரசின் போன்ற மூளை இரசாயனங்கள் வெளியிடப்படுகின்றன. இந்த இரசாயனங்கள் நமக்கு மகிழ்ச்சியை ஏற்படுத்துவதால் போதைப் பொருள் போன்ற அடிமையாக்கும் உணர்வை கொடுக்கிறது.

இந்த இரசாயனங்கள் வெவ்வேறு ஈர்ப்பு புள்ளிகளில் வெளியிடப்படுகிறது. இந்த இரசாயனங்கள் தான் உங்கள் துணையை உங்களுடன் பிணைக்க உதவுகிறது. எப்படி போதைப் பொருளுடன் எவ்வளவு நேரம் செலவிடுகிறீர்களோ அவ்வளவு நேரம் உங்களுக்கு பிடித்த நபருடன் நேரத்தை செலவிட விரும்புவீர்கள்.

குடிபோதையில் இருப்பதை போன்ற உணர்வை தரும்

பர்மிங்காம் பல்கலைக்கழகத்தின் ஆய்வின் படி, பல கிளாஸ் ஒயின் எடுத்துக் கொள்வது எப்படி உங்களுக்கு ஒரு போதையை தருகிறதோ அது போன்ற உணர்வை காதல் ஏற்படுத்தும். காதலினால் ஏற்படும் ஆக்ஸிடாஸின் ஆல்கஹால் உட்கொள்ளும் போது ஏற்படும் உணர்வை தருகிறது.

உங்கள் கன்னங்கள் சிவந்து, உள்ளங்கைகள் வியர்த்து மற்றும் இதயத் துடிப்பு அதிகரிக்கும்

உங்கள் இதயத்துடிப்பு அதிகரிக்க ஆரம்பிக்கும், உள்ளங்கைகள் வியர்க்க ஆரம்பிக்கும். இது உங்கள் உடலில் அட்ரினலின் மற்றும் நோர்பைன்ப்ரைனின் தூண்டுதலால் ஏற்படுகிறது. இந்த உணர்வு பசியின் உடல் உணர்வு மற்றும் குறிப்பிட்ட நபரின் மீது கவனத்தை செலுத்த வழி வகுக்கும்.

மார்பகக் காம்பு விரிவடைகிறது

உங்கள் மார்பகக் காம்பு விரிவடைய ஆரம்பிக்கும். உங்கள் நரம்பு மண்டலத்தால் இந்த உணர்வு ஏற்படுகிறது. காதலால் உங்கள் கண்கள் விரிவடையும். உங்கள் துணையை கவர இது போன்ற விஷயங்கள் ஏற்படுகிறது.

உடல்நிலை சரியில்லாத உணர்வு ஏற்படும்

உங்களுக்கு பிடித்தவருடன் காதலில் விழும் போது பசியின்மை மற்றும் சங்கடமாக இருப்பது போன்ற உணர்வு ஏற்படும். இது அந்த நபரை நீங்கள் உண்மையிலேயே விரும்புகிறீர்கள் என்பதை காட்டுகிறது.

காதல் நோய் உண்மையில் உங்கள் வயிற்றில் உள்ள இரத்த நாளங்களை சுருங்கச் செய்து கார்டிசோல் என்ற மன அழுத்த ஹார்மோனை வெளிப்படுத்துகிறது. இது உங்களுக்கு உடல்நிலை சரியில்லை என்பதை காட்டுகிறது. இதுவே உங்கள் துணையுடன் நீங்கள் நேரத்தை செலவிடும் போது இது காலப்போக்கில் மங்கிவிடும்.

காதலில் இருப்பது உங்களுக்கு சூப்பர் பவர்களை தரும்

காதல் உங்களுக்கு வெறி மற்றும் வலிமையை தரக் கூடும். இது உங்களுக்கு வெறித்தனமான வலிமையை தரக் கூடும். நீங்கள் காதலிக்கும் போது உங்கள் உடலில் வெளிப்படும் ஆக்ஸிடாஸின் ஹார்மோன் உடல் வலிக்கான வலியை தாங்கிக் கொள்ளும் சகிப்புத்தன்மையை அதிகரிக்கிறது. எனவே காதலில் இருப்பவர்கள் மற்றவர்களை விட வலிமையாக உணருவார்கள்.

உங்கள் துணையின் முகத்தை காண துடிப்பீர்கள். உங்கள் துணையின் முகத்தை காணும் ஆசை மூளையில் உள்ள டோபமைன் வெளியீட்டால் ஏற்படுகிறது. இது மூளையில் கோகோயின் உட்கொள்ளுவதற்கு இணையான விளைவை உண்டாக்கும். இது தீவிர இன்பத்துடன் கூடிய ஆசை மற்றும் வெகுமதியை கொடுக்கும்.

உங்கள் துணை அருகில் இல்லாத போது கவலைப்படுவீர்கள்

நீங்கள் உங்கள் துணையிடம் இருந்து விலகி இருக்கும் போது கார்டிகோட்ரோபின் என்ற ஹார்மோன் வெளியீட்டை சந்திப்பீர்கள். இது உங்களுக்கு கவலை மற்றும் மனச்சோர்வை உண்டாக்கும். எனவே தான் தொலைதூர உறவில் இருப்பவர்கள் தங்கள் கவலையை போக்க குரல் வழி இணைப்பை வளர்த்துக் கொள்கிறார்கள்.