இல்வாழ்க்கையை இன்பமாக்கும் சில விசித்திரமான விஷயங்கள் - அறிவியல் கூற்று!!!

வித்தியாசமான திருமணம்

பெரிய அளவில் அல்லது வித்தியாசமான முறையில் ஏற்படும் திருமண வாழ்க்கைகள் இன்பமாக அமைவதாக கூறப்படுகிறது. வர்ஜீனியா பல்கலைகழகத்தில் நடத்திய ஓர் ஆய்வில் 500க்கும் மேற்பட்ட தம்பதிகளை வைத்து நடத்தப்பட்ட ஆய்வின் முடிவில் இக்கருத்தை தெரிவித்துள்ளனர்.

எலும்பு வலுவாக இருப்பவர்கள்

நல்ல எலும்பு வலிமை உள்ளவர்களது வாழ்க்கை இன்பமாக அமைகிறதாம். 632 பேரை வைத்து இல்லறத்தை பற்றி நடத்திய ஓர் ஆய்வில், எலும்பின் வலிமை குறைவாக இருந்தவர்கள் தான் இல்வாழ்க்கை நலமாக இல்லை என்பதை போல கூறியிருக்கின்றனர்.

அழகான மனைவி

ஆண்ட்ரியா மெல்ட்சர் எனும் மனநல சிறப்பு நிபுணர் நான்கு ஆண்டுகளாக 450 தம்பதிகளுக்குமத்தியில் நடத்திய ஓர் ஆய்வில், அழகான மனைவி உள்ளவர்களின், அதாவது தனது மனைவி தான் அழகு என்று நம்பும் கணவன்மார்களின் வாழ்க்கை மிகவும் இன்பமாக அமைகிறதாம்.

சுமாரான கணவன்

இது தான் கொஞ்சம் வேடிக்கையாகவும், பெண்களின் மனதை அப்பட்டமாகவும் வெளிப்படுத்துகிறது. பெண்கள் தங்களை விட சுமாரான கணவனை தான் எதிர்பார்கின்றனர். ஏனெனில், அப்போது தான் அவர்கள் தங்கள் மீது மிகவும் அக்கறையாகவும், அன்பாகவும் இருப்பார்கள் என்பது பெண்களின் எண்ணமாம். (அடிப்பாவிகளா!!!! பாதகத்திகளா!!!! இப்படி எல்லாமா யோசிப்பிங்க!!)

தனித்தனியான பொழுதுபோக்கு

எந்த தம்பதிகள் தங்களுக்கான பொழுதுபோக்குகள் தனித்தனியாக வைத்திருக்கிறார்களோ, அவர்களது வாழ்க்கை இன்பமாக அமைகிறதாம். அதாவது, ஒரே பொழுதுபோக்காக அல்லாமல், வெவ்வேறு வகைகளில் இருப்பது. இதைப் பற்றிய ஓர் ஆய்வறிக்கை திருமணம் மற்றும் இல்லறம் என்ற பத்திரிகையில் வெளிவந்துள்ளது.

குழந்தைகள் பெற்றுக் கொள்பவர்கள்

சமூகத்தில், சீக்கிரமாக குழந்தை பெற்றுகொண்டால் இல்லறத்தில் இன்பம் குறைந்துவிடும் என்பார்கள். ஆனால், சீக்கிரமாக குழந்தைப் பெற்றுக்கொள்ளும் தம்பதிகளின் வாழ்க்கையில் தான் இன்பம் அதிகமாகிறதாம்.