இந்த அறிகுறிங்க வந்துருச்சுனா உங்க காதல் உங்களுக்கு போரடிக்க ஆரம்பிச்சுருச்சுனு அர்த்தம்...!

உங்கள் துணை உங்கள் மகிழ்ச்சிக்கு காரணமாக இருக்கமாட்டார்கள்

இது மிகவும் முக்கியமான ஒன்றாகும். உங்கள் துணை செய்யும் எதுவும் உங்களுக்கு மகிழ்ச்சியை அளிக்காத போதும் நீங்கள் தொடர்ந்து அந்த உறவில் நீடித்தால் அதற்கு நீங்கள் அது பழகிவிட்டது என்பதாலேயே அந்த உறவில் இருக்கிறீர்கள் என்று அர்த்தம். குறிப்பாக உங்கள் துணை உங்களை திருப்திப்படுத்த அதிக முயற்சி எடுக்கும்போது அது எதுவும் உங்களை ஈர்க்கவில்லை எனில் நீங்கள் மனதளவில் அந்த உறவை விட்டு வெளியேற நினைக்கிறீர்கள் என்று அர்த்தம்.

உங்கள் துணையை பற்றி மற்றவரிடம் குறை சொல்வது

நீங்கள் உங்கள் துணையைப் பற்றி தொடர்ந்து மற்றவர்களிடம் புகார் செய்து கொண்டு இருந்தால் நீங்கள் உங்கள் காதலில் மகிழ்ச்சியாக இல்லை என்று அர்த்தம். அவர்களைப் பற்றி குறை கூற மட்டுமே நீங்கள் அந்த உறவில் நீடிப்பதில் எந்த அர்த்தமும் இல்லை. அவர்களின் பழக்கவழக்கங்கள் திடீரென உங்களுக்கு எரிச்சலை ஏற்படுத்தினால், அவர்களுடன் இருக்கும்போது அசௌகரியமாக உணர்ந்தால் நீங்கள் அவர்களுடன் உங்கள் காதலைத் தொடர விரும்புவதில்லை. ஒருவரை நீங்கள் நேசிக்கும்போது அவர்களின் எந்த பழக்கமும் உங்களுக்கு எரிச்சலை ஏற்படுத்தாது.

தொடர்ந்து பகல் கனவு காண்பது

சிறந்த எதிர்காலத்தைப் பற்றியோ அல்லது வேறு ஒருவரைப் பற்றியோ நீங்கள் தொடர்ந்து நினைத்துக் கொண்டிருந்தால் நீங்கள் தற்போதைய உறவில் கட்டாயத்தின் பேரில்தான் இருக்கிறீர்கள் என்று அர்த்தம். நாம் ஏங்கித்தவிக்கும் பொருட்களைப் பற்றித்தான் பெரும்பாலும் நாம் பகலில் நினைத்துக் கொண்டே இருப்போம். இதற்கு காரணம் நீங்கள் தற்போது இருக்கும் உறவோ அல்லது சூழலோ உங்களுக்கு மகிழ்ச்சியை அளிப்பதாக இருக்காது.

சிங்கிளாக இருப்பதை நினைத்து பயம்

உங்கள் காதலை முறித்துக் கொண்டால் என்ன நடக்கும் என்று சிந்திக்கும்போது உங்கள் மனதில் முதலில் தோன்றுவது என்ன? சிங்கிளாக இருக்க போகிறோம் என்ற பயமா அல்லது சுதந்திரமாக இருக்கப் போகிறோம் என்ற மகிழ்ச்சியா?. முதல் எண்ணம் தலைதூக்கினால் நீங்கள் சிங்கிளாக இருப்பதற்கு பயந்துதான் இந்த உறவில் இருக்கிறீர்கள் என்று அர்த்தம்.

உங்கள் துணையை மாற்ற முயற்சிப்பது

காதலில் இருக்கும்போது உங்கள் துணையை அப்படியே ஏற்றுக்கொள்வீர்கள், ஆனால் உங்கள் துணையின் நடவடிக்கையை தொடர்ந்து மாற்ற முயற்சித்தால் அது இயல்பானது அல்ல. நீங்கள் இதைச் செய்கிறீர்கள் என்றால், நீங்கள் அவர்களை விரும்பவில்லை என்று அர்த்தம். எனவே நீங்கள் அவர்களை புதியவராக மாற்ற நினைக்கிறீர்கள். உங்களின் தேவைகளுக்கு ஏற்ப அவர்களை மாற்ற நினைக்கிறீர்கள். இவ்வாறு இருந்தால் அவர்களை மாற்றுவதற்கு பதிலாக அவர்கள் மீதான உங்கள் கண்ணோட்டத்தை மாற்ற முயலுங்கள்.