Just In
- 32 min ago திருப்பதிக்கு செல்லும் பக்தர்களுக்கு ஹப்பி நியூஸ்.. ஐஆர்சிடிசி அறிவித்த டூர் பேக்கேஜ்.. இதோ முழு விவரம்..!
- 59 min ago 12 ஆண்டுகளுக்கு பின் நிகழும் குரு சுக்கிர சேர்க்கை: மே மாசம் இந்த 3 ராசிக்கு தொழில் பிரகாசிக்கப் போகுது..
- 2 hrs ago இந்த ராசிக்காரர்கள் திருப்பதிக்கு அடிக்கடி போகக்கூடாது.. ஏன் தெரியுமா?
- 3 hrs ago தோசை மாவு இல்லையா? வேர்க்கடலையை வெச்சு இப்படி தோசை சுடுங்க.. வேற லெவல் டேஸ்ட்ல இருக்கும்..
Don't Miss
- News சனாதன ஒழிப்பு, மத வெறுப்பு, கோயில்கள் இடிப்பு வேண்டாமே! முதல்வர் ஸ்டாலினுக்கு இந்து முன்னணி கோரிக்கை
- Movies மொத்தத்துக்கும் வேட்டு வைத்த டாப் நடிகர்.. தலைகாட்ட முடியாமல் தவிக்கும் டைரக்டர்.. ரொம்ப பாவம்!
- Sports தமிழக வீரரால் நடந்த மாற்றம்.. குஜராத் அணிக்கு ஆப்பு வைத்த சுப்மன் கில்.. ஆட்டத்தை மாற்றிய ஒரு முடிவு
- Finance ஆதார் அட்டை தொலைஞ்சி போயிடுச்சா.. கவலை வேண்டாம்.. இதை மட்டும் பாலோ பண்ணுங்க..!
- Technology மினிமம் பேலன்ஸ் விதிகள்.. மே.1 முதல் அமல்.. உங்க அக்கவுண்ட்டில் ரூ.5000 வேண்டும்.. எந்த வங்கிக்கு எவ்வளவு?
- Automobiles அன்-ரிசர்வ் இரயில் பெட்டியை எல்லாம் அகற்ற வேண்டிய நேரம் வரும்!! பிரதமர் உறுதியா கூறியிருக்காரு!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
வெஜிடேபிள் சால்னா/பரோட்டா சால்னா
வெஜிடேபிள் சால்னா பரோட்டாவிற்கு மட்டுமின்றி, சப்பாத்தி, தோசை, இட்லிக்கும் அற்புதமாக இருக்கும். இன்று இரவு உங்கள் வீட்டில் சப்பாத்தி செய்யப் போகிறீர்கள் என்றால், வெஜிடேபிள் சால்னாவை செய்து சுவையுங்கள்.
நம் அனைவருக்குமே ஹோட்டலில் பரோட்டாவிற்கு கொடுக்கப்படும் வெஜிடேபிள் சால்னா என்றால் ரொம்ப பிடிக்கும். வெஜிடேபிள் சால்னாவை பரோட்டா சால்னா என்றும் அழைப்பர். பலரும் வெஜிடேபிள் சால்னாவை வீட்டில் செய்ய விரும்புவார்கள். ஆனால் அதை எப்படி செய்வதென்று பலருக்கும் தெரியாது. எனவே தமிழ் போல்ட் ஸ்கை அந்த பரோட்டா சால்னா என்னும் வெஜிடேபிள் சால்னாவை எப்படி செய்வதென்று கொடுத்துள்ளது.
வெஜிடேபிள் சால்னா பரோட்டாவிற்கு மட்டுமின்றி, சப்பாத்தி, தோசை, இட்லிக்கும் அற்புதமாக இருக்கும். இன்று இரவு உங்கள் வீட்டில் சப்பாத்தி செய்யப் போகிறீர்கள் என்றால், வெஜிடேபிள் சால்னாவை செய்து சுவையுங்கள். அதோடு இது அனைவருமே விரும்பி சாப்பிடுமாறும் இருக்கும். இப்போது பரோட்டா சால்னா அல்லது வெஜிடேபிள் சால்னாவின் செய்முறையைப் பார்ப்போம் வாருங்கள்.
தேவையான பொருட்கள்:
* காய்கறிகள் (கேரட், பீன்ஸ், பட்டாணி, உருளைக்கிழங்கு) - 3/4 கப்
* பெரிய வெங்காயம் - 1 (பொடியாக நறுக்கியது)
* மீல் மேக்கர் - 1/4 கப்
* தக்காளி - 1 (நறுக்கியது)
* சோம்பு - 1/2 டீஸ்பூன்
* புதினா - 10 இலைகள்
* எண்ணெய் - 2 டேபிள் ஸ்பூன் + 1 டீஸ்பூன்
* உப்பு - தேவையான அளவு
வதக்கி அரைப்பதற்கு...
* துருவிய தேங்காய் - 1/4 கப்
* பெரிய வெங்காயம் - 1
* தக்காளி - 1
* இஞ்சி - 1/4 இன்ச்
* பூண்டு - 4
* சோம்பு - 1/2 டீஸ்பூன்
* கசகசா - 1/2 டீஸ்பூன்
* மிளகாய் தூள் - 1 டீஸ்பூன்
* மல்லித் தூள் - 2 டீஸ்பூன்
* பட்டை - 1/4 இன்ச்
* கிராம்பு - 2
* அன்னாசிப் பூ - 1
* ஏலக்காய் - 1
செய்முறை:
* ஒரு வாணலியை அடுப்பில் வைத்து, அதில் ஒரு டீஸ்பூன் எண்ணெய் ஊற்றி சூடானதும், அதில் வதக்கி அரைப்பதற்கு கொடுத்துள்ள பொருட்களில் தேங்காய் மற்றும் மசாலாப் பொடியைத் தவிர அனைத்தையும் போட்டு, தக்காளி நன்கு மென்மையாகும் வரை வதக்க வேண்டும்.
* பின் அதில் மசாலா பொடிகளை சேர்த்து கிளறி, தேங்காயையும் போட்டு 2 நிமிடம் வதக்கி இறக்கி குளிர வைக்க வேண்டும்.
* கலவை குளிர்வதற்குள், மீல் மேக்கரை கொதிக்கும் நீரில் போட்டு சிறிது நேரம் மூடி வைக்க வேண்டும். மீல் மேக்கர் பெரிதான பின்னர், அந்த மீல் மேக்கரை குளிர்ந்த நீரில் ஒருமுறை போட்டு எடுத்து பிழிந்து, ஒரு தட்டில் தனியாக வைத்துக் கொள்ள வேண்டும்.
* பிறகு வதக்கி வைத்துள்ள வெங்காய கலவையை மிக்ஸியில் போட்டு, சிறிது நீர் ஊற்றி, நன்கு மென்மையாக அரைத்துக் கொள்ள வேண்டும்.
* அடுத்து குக்கரை அடுப்பில் வைத்து, அதில் எண்ணெய் ஊற்றி சூடானதும், சோம்பு, புதினா சேர்த்து தாளித்து, பின் வெங்காயம், தக்காளி சேர்த்து பச்சை வாசனை போக வதக்க வேண்டும்.
* பின் நறுக்கி வைத்துள்ள காய்கறிகளை சேர்த்து ஒருமுறை கிளறி விட்டு, அரைத்து வைத்துள்ள மசாலா, மீல் மேக்கர் சேர்த்து, தேவையான அளவு நீர் ஊற்றி, சுவைக்கேற்ப உப்பு சேர்த்து கிளறி, குக்கரை மூடி 1-2 விசில் விட்டு இறக்கி, விசில் போனதும் குக்கரைத் திறந்து கொத்தமல்லியை மேலேத் தூவினால், சுவையான வெஜிடேபிள் சால்னா ரெடி!