Latest Updates
-
மாரடைப்பு வருவதற்கு முன்பே தென்படும் 7 எச்சரிக்கை அறிகுறிகள்! அலட்சியம் வேண்டாம்! எச்சரிக்கும் டாக்டர்! -
இந்தியாவின் 'உருளைக்கிழங்கு தலைநகரம்' என்று அழைக்கப்படும் நகரம் எது? இது எந்த மாநிலத்தில் இருக்கு தெரியுமா? -
நவம்பர் 22-ல் உருவாகும் மாளவ்ய ராஜயோகம்: இந்த 3 ராசிக்காரர்களுக்கு வருமானம் அதிகரிக்கப்போகுது! -
இட்லி, தோசைக்கு ஒருடைம் இந்த பருப்பு சட்னி செய்யுங்க.. வழக்கமாக சாப்பிடுறத விட அதிகமா சாப்பிடுவாங்க.. -
நவம்பர் 16, 2026: இன்று இந்த 4 ராசிக்காரங்களுக்கு நினைச்சதெல்லாம் நடக்கும் அதிர்ஷ்ட நாளாக இருக்குமாம் -
சுக்கிரன் சொந்த ராசிக்குள் நுழைவதால் ஜனவரி மாதம் வரை ஜெயிக்கிற குதிரையாகப் போகும் 4 ராசிகள் - உங்க ராசி என்ன? -
10 வெண்டைக்காயும், 3 தக்காளியும் இருந்தா இப்படி குழம்பு வையுங்க - சாதத்தோட சாப்பிட அட்டகாசமா இருக்கும் -
உங்க பிறந்த தேதி என்னனு சொல்லுங்க? இந்த வாரம் உங்களுக்கு எப்படி இருக்கும்னு நாங்க சொல்றோம் -
12 மாநிலங்கள் வழியாக பயணிக்கும் இந்தியாவின் நீண்ட தூரம் செல்லும் ரயில் எது தெரியுமா? -
சிக்கன் வாங்குனா இந்த மலபார் சிக்கன் பிரியாணியை ஒருதடவை செஞ்சு பாருங்க - வித்தியாசமா சூப்பரா இருக்கும்
வாழைப்பூ வாங்குனா இந்த மாதிரி திருநெல்வேலி ஸ்டைலில் குருமா வைச்சு பாருங்க - டேஸ்ட் அட்டகாசமா இருக்கும்
Vazhaipoo Kurma Recipe in Tamil: மதியம் ஆரோக்கியமான மற்றும் சுவையான உணவை செய்ய நினைக்கிறீங்களா? உங்கள் வீட்டில் வாழைப்பூ உள்ளதா? அப்படியானால் அந்த நெல்லை ஸ்டைல் வாழைப்பூவை வைத்து சூப்பரான குருமாவை செய்யுங்கள். இந்த பக்குவத்தில் வாழைப்பூ குழம்பு செய்யும் போது, அது சூடான சாதத்துடன் மட்டுமின்றி, தோசை மற்றும் சப்பாத்தியுடன் சேர்த்து சாப்பிடவும் அருமையாக இருக்கும். இது வழக்கமான வாழைப்பூ குழம்பு போல அல்லாமல் வித்தியாமான சுவையில் அட்டகாசமாக இருக்கும்.

இந்த நெல்லை ஸ்டைல் வாழைப்பூ குருமா செய்வதற்கு ஈஸியாக இருப்பதால், பேச்சுலர்களும் இதை எளிதாக செய்யலாம். முக்கியமாக இந்த குழம்பு நீங்கள் வழக்கமாக செய்வதை விட சற்று வித்தியாசமான சுவையில் இருப்பதால், வாழைப்பூ பிடிக்காதவர்களும் இதை விரும்பி சாப்பிடுவார்கள். வாழைப்பூவை பொரியலாக சாப்பிட்டே போரடித்தவர்கள் இந்த குழம்பை முயற்சி செய்து பார்க்கலாம்.
உங்களுக்கு நெல்லை ஸ்டைல் வாழைப்பூ குருமாவை எப்படி செய்வதென்று தெரிந்து கொள்ள வேண்டுமா? கீழே நெல்லை வாழைப்பூ குருமா ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.
தேவையான பொருட்கள்:
- வாழைப்பூ - 1
- சின்ன வெங்காயம் - 20(நறுக்கியது)
- பச்சை மிளகாய் - 1 (கீறியது)
- மிளகாய்த் தூள் - 1 ஸ்பூன்
- கொத்தமல்லித் தூள் - 1/2 ஸ்பூன்
- சீரகத் தூள் - 1/2 ஸ்பூன்
- தேங்காய்ப் பால் - 3/4 கப்
- சீரகம் - 1/2 ஸ்பூன்
- கறிவேப்பிலை - சிறிதளவு
- எண்ணெய் - 2 ஸ்பூன்
- உப்பு - தேவையான அளவு
- தண்ணீர் - தேவையான அளவு
- எலுமிச்சை சாறு - 1 ஸ்பூன்
- அரிசி மாவு - 1 ஸ்பூன்
செய்முறை:
- முதலில் வாழைப்பூவை நன்றாக கழுவி சுத்தம் செய்யவும். சுத்தம் செய்த வாழைப்பூவை சமைக்கும் வரை மோரில் ஊற வைக்கவும். சமைக்கும் போது பொடியாக நறுக்கிக் கொள்ளவும்.
- தேங்காயைத் துருவி அரைத்து பால் எடுத்து அதில் முக்கால் கப் வெந்நீர் சேர்த்து வைத்துக் கொள்ளவும்.
- ஒரு பிரஷர் குக்கரில் எண்ணெயைச் சூடாக்கி, சீரகம் சேர்த்து தாளிக்கவும். பின்னர் நறுக்கிய சின்ன வெங்காயம், கறிவேப்பிலை மற்றும் கீறிய பச்சை மிளகாயைச் சேர்க்கவும். வெங்காயம் கண்ணாடிப் பதம் வரும் வரை வதக்கவும்.
- வெங்காயம் வதங்கியதும் மிளகாய் தூள், மல்லித்தூள் மற்றும் சீரகத் தூளை சேர்த்து நன்றாக கிளறவும்.
- பின்னர் தேங்காய்ப் பாலை சேர்த்து அரை கப் தண்ணீர் சேர்க்கவும். தேங்காய்ப்பால் கொதிக்கத் தொடங்கும் போது மோரில் ஊற வைத்த வாழைப்பூவை சேர்க்கவும்.
- தேவையான அளவு உப்பு சேர்த்து, காரம் மற்றும் சுவையைச் சரிபார்க்கவும். குறைந்த தீயில் ஒரு விசில் வரும் வரை பிரஷர் குக்கரில் வேகவைக்கவும்.
- அடுப்பை அணைத்துவிட்டு, ஆவி வெளியேறிய பிறகு குக்கரைத் திறக்கவும். எண்ணெய் மிதந்து வரும் போது நன்றாகக் கலக்கவும். குழம்பு மிகவும் தண்ணியாக இருந்தால், சிறிதளவு அரிசி மாவை தண்ணீரில் கரைத்து, குழம்பில் சேர்த்து கெட்டியாகும் வரை கொதிக்க விடவும்.
- குழம்பு நன்கு கெட்டியானதும் அடுப்பை அணைக்கவும்.



Click it and Unblock the Notifications
