குழந்தைகள் விரும்பி சாப்பிடும் தக்காளி கெட்சப் பாஸ்தா!

தற்போது இத்தாலியன் ரெசிபிக்கள் பெரியவர்களுக்கு மட்டுமின்றி குழந்தைகளுக்கும் பிடித்தமான ஒன்றாக உள்ளது. அதாவது பாஸ்தா ரெசிபிக்கள் அனைவராலும் விரும்பி உண்ணப்பட்டு வருகிறது. பாஸ்தாவில் பல வெரைட்டிகள் உள்ளன. அதாவது பல வடிவங்களில் பாஸ்தா கிடைக்கின்றன. இந்த பாஸ்தாவைக் கொண்டு பல வகையான ரெசிபிக்களை தயாரிக்கலாம். அதில் ஒன்று தான் தக்காளி கெட்சப் பாஸ்தா. இந்த தக்காளி கெட்சப் பாஸ்தா மாலை வேளையில் பள்ளி முடிந்து பசியோடு வரும் குழந்தைகளுக்கு செய்து கொடுக்க ஏற்றவாறு ஈஸியான செய்முறைக் கொண்டது.

முக்கியமாக இந்த தக்காளி கெட்சப் பாஸ்தாவானது பேச்சுலர்களும் செய்து சாப்பிடும் வகையில் செய்வதற்கு சுலபமாக இருக்கும். உங்களுக்கு தக்காளி கெட்சப் பாஸ்தாரவ எப்படி செய்வதென்று தெரிந்து கொள்ள வேண்டுமா? கீழே தக்காளி கெட்சப் பாஸ்தா ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

* பாஸ்தா - 1 கப்

* ஆலிவ் ஆயில் - 1 டேபிள் ஸ்பூன்

* பூண்டு - 3 பல் (பொடியாக நறுக்கியது)

* தக்காளி கெட்சப் - 1/4 கப்

* ஆரிகனோ - 1 டீஸ்பூன்

* சில்லி ப்ளேக்ஸ் - 1 டீஸ்பூன்

* உப்பு - சுவைக்கேற்ப

* சர்க்கரை - 1 டீஸ்பூன்

* பால் - 1/2 கப்

* சோள மாவு - 1 டீஸ்பூன்

செய்முறை:

* முதலில் பாஸ்தாவை கொதிக்கும் நீரில் போட்டு, சிறிது உப்பு சேர்த்து, 5 நிமிடம் வேக வைத்து இறக்கி, நீரை வடிகட்டிவிட்டு, குளிர்ந்த நீரால் ஒருமுறை அலசி, நீரை முற்றிலும் வடிகட்டிவிட்டு தனியாக வைத்துக் கொள்ள வேண்டும்.

* பின்னர் ஒரு வாணலியை அடுப்பில் வைத்து, அதில் எண்ணெய் ஊற்றி சூடானதும், பூண்டு சேர்த்து சிறிது நேரம் வதக்க வேண்டும்.

* பின்பு அதில் கெட்சப் சேர்த்து கிளற வேண்டும்.

* பின் அதில் ஆரிகனோ, சில்லி ப்ளேக்ஸ் சேர்த்து நன்கு கிளறி, சிறிது நீரை ஊற்றி கிளறி விட வேண்டும்.

* பிறகு சோள மாவை பால் ஊற்றி நன்கு கலந்து கொள்ள வேண்டும். பின் அதை வாணலியில் ஊற்றி கெட்டியாகும் வரை கிளற வேண்டும்.

* பின்பு அதில் வேக வைத்த பாஸ்தாவை சேர்த்து நன்கு கிளறி, 3 நிமிடம் வேக வைத்து இறக்கினால், சுவையான தக்காளி கெட்சப் பாஸ்தா தயார்.

Image Courtesy: yummytummyaarthi