சுதந்திர தின ஸ்பெஷல் ரெசிபி

தேவையான பொருட்கள்:

பச்சை நிற லேயருக்கு...

அரைத்த கிவி பழம் - 1/2 கப்

தண்ணீர் - 1 1/2 கப்

ஜெல்லடின் (Gelatin) - 2 டீஸ்பூன்

வெள்ளை நிற லேயருக்கு...

க்ரீம் - 2 கப்

சர்க்கரை - தேவையான அளவு

ஜெல்லடின் (Gelatin) - 2 டீஸ்பூன்

ஆரஞ்சு நிற லேயருக்கு...

நன்கு அடித்த க்ரீம் - 1 கப்

சர்க்கரை - தேவையான அளவு

மாம்பழ கூழ் - 1 கப்

ஆரஞ்சு நிற கேசரி பவுடர் - 1 சிட்டிகை

பச்சை நிற லேயரின் செய்முறை:

முதலில் ஜெல்லடினை 1/4 கப் தண்ணீரில் கலந்து தனியாக வைத்துக் கொள்ள வேண்டும்.

பின்னர் ஒரு பேனில் அரைத்த கிவி மற்றும் 1 1/2 கப் தண்ணீர் ஊற்றி சூடேற்ற வேண்டும்.

கலவையானது சூடானதும், அதில் ஜெல்லடினை ஊற்றி, அடுப்பில் இருந்து இறக்கி நன்கு கிளறி விட வேண்டும்.

பின் அதனை ஒரு கண்ணாடி டம்ளரில் ஊற்றி 5-6 மணிநேரம் ஃப்ரீசரில் வைக்க வேண்டும். இதனால் அது ஜெல் போன்று ஆகிவிடும்.

வெள்ளை நிற லேயரின் செய்முறை:

இந்த லேயருக்கும் ஜெல்லடினை 1/4 கப் தண்ணீரில் கலந்து கொள்ள வேண்டும்.

பின்னர் மற்றொரு வாணலியை அடுப்பில் வைத்து, அதில் க்ரீம் மற்றும் சர்க்கரை சேர்த்து, சர்க்கரை கரையும் வரை கலந்து, அடுப்பில் இருந்து இறக்கி, அதில் ஜெல்லடினை ஊற்றி நன்கு கிளறி விட வேண்டும்.

பின்பு அதனை மற்றொரு கண்ணாடி டம்ளரில் ஊற்றி, 5-6 மணிநேரம் ப்ரீசரில் வைக்க வேண்டும். இதனால் அதுவும் ஜெல் போன்றாகிவிடும்.

ஆரஞ்சு நிற லேயரின் செய்முறை:

நன்கு அடித்து வைத்துள்ள க்ரீம்மில் சர்க்கரையை சேர்த்து நன்கு அடித்துக் கொள்ள வேண்டும்.

பின் அதில் மாம்பழ கூழை ஊற்றி, கேசரி பவுடர் சேர்த்து மீண்டும் நன்கு அடித்துக் கொள்ளவும்.

பிறகு அதனையும் மற்றொரு கண்ணாடி டம்ளரில் ஊற்றி, 2-3 மணிநேரம் ப்ரீசரில் வைத்து எடுக்க வேண்டும்.

அலங்கரிப்பு...

மேற்கூறியவாறெல்லாம் செய்த பின்னர், சுதந்திர தினத்தன்று வீட்டில் உள்ளோருக்கோ அல்லது விருந்தினர்களுக்கோ, அழகான கண்ணாடி டம்ளரில் முதலில் பச்சை நிற ஜெல்லியைப் போட்டு, பின் வெள்ளை நிறத்தை போட்டு, இறுதியில் ஆரஞ்சு நிற கலவையைப் போட்டு கொடுத்து, சுதந்திர தின வாழ்த்துக்களை வித்தியாசமாக தெரிவிக்கலாம்.