Latest Updates
-
18 ஆண்டுகளுக்கு பின் மகரம் செல்லும் ராகு: டிசம்பர் முதல் இந்த 3 ராசிக்கு வரப்பிரசாதமா இருக்கப்போகுது! -
1 டம்ளர் பச்சரிசி இருந்தா.. கார்த்திகை தீபத்துக்கு இந்த செட்டிநாடு கந்தரப்பம் செய்யுங்க.. -
ஆண்கள் என்னென்ன Skin Care Products யூஸ் பண்ணலாம்? விளக்கும் சரும நிபுணர்! -
பரணி தீபம் 2026 எப்போது? எத்தனை தீபம் ஏற்றணும்? வீட்டின் எந்தெந்த இடங்களில் தீபம் வைக்க வேண்டும்? -
டிசம்பரில் வக்ர நிவர்த்தி அடையும் சனி பகவான்: 2027 ஜூன் வரை இந்த 3 ராசிக்கு பொற்காலமா இருக்கும்! -
நாவூறும்.. ஹோட்டல் ஸ்டைல் சிக்கன் டிக்கா மசாலா - எப்படி செய்றதுன்னு பாத்து ட்ரை பண்ணி பாருங்க.. -
மூச்சுத்திணறல் நுரையீரல் பிரச்சனை மட்டுமல்ல.. இதய நோயின் அறிகுறியாகவும் இருக்கலாம்.. எச்சரிக்கும் டாக்டர்! -
நவம்பர் இறுதியில் உருவாகும் கஜகேசரி ராஜயோகம்: இந்த 3 ராசிக்கு தொட்டதெல்லாம் வெற்றி கிட்டும், பணம் குவியும்! -
அரைச்சுவிட்ட சிக்கன் சால்னா - எப்படி செய்றதுன்னு பாத்து ட்ரை பண்ணுங்க.. டேஸ்ட் அள்ளும்.. -
நவம்பர் 22, 2026: இன்று இந்த 4 ராசிக்காரர்களுக்கு ரொம்ப சந்தோஷமான நாளாக இருக்குமாம்
சப்பாத்திக்கு ஏற்ற ஸ்வீட் கார்ன் மசாலா - இத ஒருடைம் செய்யுங்க.. குழந்தைங்க போட்டி போட்டு சாப்பிடுவாங்க..
Sweet Corn Masala Recipe In Tamil: உங்கள் வீட்டில் சப்பாத்திக்கு எப்போதும் ஒரே மாதிரியான காய்கறிகளைக் கொண்டு ஒரே சுவையில் தான் சைடு டிஷ் செய்வீர்களா? சற்று வித்தியாசமான சைடு டிஷ் செய்ய நினைக்கிறீர்களா? உங்கள் பிள்ளைகளுக்கு ஸ்வீட் கார்ன் என்றால் ரொம்ப பிடிக்குமா? அப்படியானால் அந்த ஸ்வீட் கார்ன் கொண்டு மசாலா செய்யுங்கள்.

அதுவும் இந்த ஸ்வீட் கார்ன் உடன் குடைமிளகாயையும் சேர்த்து மசாலா செய்யும் போது, சுவை பிரமாதமாக இருக்கும். முக்கியமாக இப்படி மசாலா செய்யும் போது வீட்டில் உள்ளோர், முக்கியமாக குழந்தைகள் சப்பாத்தியை விரும்பி சாப்பிடுவதோடு, அதிகமாகவும் சாப்பிடுவார்கள்.
இந்த ஸ்வீட் கார்ன் மசாலா ரெசிபி குறித்து திண்டுக்கல் ஃபுட் கோர்ட் என்னும் யூடியூப் பக்கத்தில் பகிரப்பட்டுள்ளது. உங்களுக்கு இந்த ஸ்வீட் கார்ன் மசாலாவை எப்படி செய்வதென்று தெரிந்து கொள்ள வேண்டுமா? கீழே ஸ்வீட் கார்ன் மசாலா ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.
தேவையான பொருட்கள்:
வதக்குவதற்கு...
* நெய் - 1 டீஸ்பூன்
* வேக வைத்த ஸ்வீட் கார்ன் - 1 கப்
* குடைமிளகாய் - 1/2 (பெரிய துண்டுகளாக்கப்பட்டது)
* தக்காளி - 1/2 (பெரிய துண்டுகளாக்கப்பட்டது)
* வெங்காயம் - 1/2 (பெரிய துண்டுகளாக்கப்பட்டது)
அரைப்பதற்கு...
* ஊற வைத்த முந்திரி - 10
* தக்காளி - 1
தாளிப்பதற்கு...
* எண்ணெய் - 1 டேபிள் ஸ்பூன்
* சீரகம் - 1/2 டீஸ்பூன்
* வெங்காயம் - 1 (பொடியாக நறுக்கியது)
* அரைத்த விழுது
* இஞ்சி பூண்டு பேஸ்ட் - 1 டேபிள் ஸ்பூன்
* மிளகாய் தூள் - 1 டீஸ்பூன்
* மல்லித் தூள் - 1 டீஸ்பூன்
* மஞ்சள் தூள் - 1 சிட்டிகை
* கரம் மசாலா - 1/2 டீஸ்பூன்
* உப்பு - சுவைக்கேற்ப
* தண்ணீர் - சிறிது
* கொத்தமல்லி - சிறிது
செய்முறை:
* முதலில் ஒரு வாணலியை அடுப்பில் வைத்து, அதில் நெய் ஊற்றி
உருகியதும், வேக வைத்த ஸ்வீட் கார்ன்னை சேர்த்து வதக்க வேண்டும்.
* பின் அதில் நறுக்கிய குடைமிளகாய், வெங்காயம், தக்காளி ஆகியவற்றை
சேர்த்து குறைவான தீயில் வைத்து, 2-4 நிமிடம் நன்கு வதக்கி, ஒரு
தட்டில் எடுத்து வைத்துக் கொள்ள வேண்டும்.
* அதன் பின் மிக்சர் ஜாரில் ஊற வைத்த 10 முந்திரி, நறுக்கிய 1
தக்காளியை சேர்த்து நன்கு மென்மையாக அரைத்துக் கொள்ள வேண்டும்.
* பின்னர் ஒரு வாணலியை அடுப்பில் வைத்து, அதில் எண்ணெய் ஊற்றி
சூடானதும், சீரகத்தை சேர்த்து தாளிக்க வேண்டும்.
* பின்பு அதில் பொடியாக நறுக்கிய வெங்காயத்தை சேர்த்து நன்கு
பொன்னிறமாக வதக்க வேண்டும்.
* அதன் பின் அதில் அரைத்த தக்காளி விழுதை சேர்த்து கிளறி, இஞ்சி
பூண்டு பேஸ்ட் சேர்த்து பச்சை வாசனை போக வதக்க வேண்டும்.
* அடுத்து அதில் மிளகாய் தூள், மல்லித் தூள், மஞ்சள் தூள், கரம்
மசாலா, சுவைக்கேற்ப உப்பு சேர்த்து நன்கு கிளறி, சிறிது நீரை ஊற்றி
மிதமான தீயில் வைத்து 5 நிமிடம் நன்கு கொதிக்க வைக்க வேண்டும்.
* பின்பு அதில் வதக்கி வைத்துள்ள ஸ்வீட் கார்ன், குடைமிளகாய்,
வெங்காயம், தக்காளியை சேர்த்து கிளறி, 5 நிமிடம் குறைவான தீயில்
வைத்து நன்கு கொதிக்க வைக்க வேண்டும்.
* இறுதியாக அதில் கொத்தமல்லியைத் தூவி கிளறி இறக்கினால், சுவையான
ஸ்வீட் கார்ன் மசாலா தயார்.



Click it and Unblock the Notifications
