For Quick Alerts
ALLOW NOTIFICATIONS  
For Daily Alerts

Rice Pakora : சிம்பிளான.. அரிசி பக்கோடா

Posted By:
|

மாலை வேளையில் உங்கள் வீட்டில் உள்ளோர் ஸ்நாக்ஸ் சாப்பிட கேட்கிறார்களா? உங்கள் வீட்டில் வெள்ளை சாதம் இருந்தால், அதைக் கொண்டு ஒரு அட்டகாசமான சுவையுடைய அரிசி பக்கோடா செய்து சாப்பிடுங்கள். இந்த அரிசி பக்கோடாவை செய்வது சுலபம் மற்றும் இது வீட்டில் உள்ள பொருட்களைக் கொண்டே செய்யக்கூடியது. அதோடு இந்த அரிசி பக்கோடா காபி, டீ குடிக்கும் போது சாப்பிட அற்புதமாக இருக்கும்.

உங்களுக்கு அரிசி பக்கோடா எப்படி செய்வதென்று தெரிந்து கொள்ள வேண்டுமா? கீழே அரிசி பக்கோடா ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

* வெள்ளை சாதம் - 2 கப்

* கடலை மாவு - 2 டேபிள் ஸ்பூன்

* அரிசி மாவு - 1 டேபிள் ஸ்பூன்

* பெரிய வெங்காயம் - 1/4 கப் (பொடியாக நறுக்கியது)

* கொத்தமல்லி - சிறிது

* புதினா - சிறிது (நறுக்கியது)

* மிளகாய் தூள் - 1/2 டீஸ்பூன்

* உப்பு - சுவைக்கேற்ப

* எண்ணெய் - பொரிப்பதற்கு தேவையான அளவு

செய்முறை:

* முதலில் சாதத்தை மத்து கொண்டு நன்கு மென்மையாக மசித்துக் கொள்ள வேண்டும்.

* பின்னர் அதில் எண்ணெயைத் தவிர, கடலை மாவு, அரிசி மாவு, வெங்காயம், கொத்தமல்லி, புதினா, மிளகாய் தூள், உப்பு ஆகியவற்றை சேர்த்து, சிறிது நீர் தெளித்து கரண்டியால் நன்கு மசித்து கிளறி விட வேண்டும்.

* பின்பு ஒரு வாணலியை அடுப்பில் வைத்து, அதில் பொரிப்பதற்கு தேவையான அளவு எண்ணெய் ஊற்றி சூடானதும், பிசைந்த கலவையை சிறு உருண்டை உருட்டி எண்ணெயில் போட்டு பொன்னிறமாக பொரித்து எடுத்தால், சுவையான அரிசி பக்கோடா தயார்.

Image Courtesy: sharmispassions

[ of 5 - Users]
English summary

Simple Rice Pakora Recipe In Tamil

In this article, we shared how to prepare a rice pakora recipe in simple way. Read on...