வீட்டிலேயே நேந்திரம் பழ சிப்ஸ் செய்வது எப்படி?

Ripe Nendran Banana Chips: உங்கள் வீட்டில் உள்ளோர் சிப்ஸ்களை அதிகம் விரும்பி சாப்பிடுவார்களா? அடிக்கடி கடைகளில் சிப்ஸ் வாங்கி சாப்பிடுவார்களா? முக்கியமான உங்கள் வீட்டில் இருப்போருக்கு நேந்திரம் பழ சிப்ஸ் பிடிக்குமா?

அப்படியானால் அந்த சிப்ஸை வீட்டிலேயே செய்து கொடுங்கள். இந்த சிப்ஸ் செய்வது மிகவும் சுலபம் மற்றும் இது குழந்தைகள் முதல் பெரியோர்கள் வரை அனைவரும் விரும்பி சாப்பிடும் வகையில் இருக்கும்.

உங்களுக்கு நேந்திரம் பழ சிப்ஸ் எப்படி செய்வதென்று தெரிந்து கொள்ள வேண்டுமா? கீழே நேந்திரம் பழ சிப்ஸ் ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

* நன்கு கனிந்த நேந்திரம் பழம் - 5
* தேங்காய் எண்ணெய் - பொரிப்பதற்கு தேவையான அளவு

செய்முறை:

* முதலில் நேந்திரம் பழத்தின் தோலை உரித்துக் கொள்ள வேண்டும்.
* பின் அதை மெல்லிய வட்டத் துண்டுகளாக வெட்டிக் கொள்ள வேண்டும்.
* பின்பு ஒரு வாணலியை அடுப்பில் வைத்து, அதில் பொரிப்பதற்கு தேவையான அளவு எண்ணெய் ஊற்றி சூடேற்ற வேண்டும்.
* பிறகு அதில் துண்டுகளாக்கப்பட்ட வாழைப்பழத் துண்டுகளை கொஞ்சம் போட்டு மிதமான தீயில் வைத்து பொரிக்க வேண்டும்.
* பின் திருப்பிப் போட்டு பொன்னிறமாகும் வரை பொரித்து எடுக்க வேண்டும்.
* இதேப் போன்று மீதமுள்ளப் போட்டு பொரித்து எடுத்தால், சுவையான மற்றும் மொறுமொறுப்பான நேந்திரம் பழ சிப்ஸ் தயார்.

Image Courtesy: sharmispassions