Latest Updates
-
மதியம் 10 நிமிடத்தில் சமையலை முடிக்கணுமா? அப்ப இந்த கத்திரிக்காய் முருங்கைக்காய் மசாலா செய்யுங்க.. -
வேர்க்கடலை வைச்சு வெங்காயம், தக்காளி இல்லாம இப்படி கார குழம்பு வைச்சு பாருங்க - சுருக்குனு செமையா இருக்கும் -
ஒல்லியாக இருந்தாலும் கொழுப்புக் கல்லீரல் பாதிப்பு ஏற்படுமா? டாக்டர் என்ன சொல்றாருன்னு பாருங்க.. -
60 லட்சம் உடல்கள் புதைக்கப்பட்டுள்ள உடலின் மிகப்பெரிய சுடுகாடு எந்த நாட்டில் உள்ளது தெரியுமா? ஷாக் ஆகாதீங்க -
டிசம்பர் மாதத்தில் இந்த 5 ராசிக்கு மகத்தான வெற்றியும், பணமும் குவியப்போகுது.. உங்க ராசி இதுல இருக்கா? -
பன் தோசையும், பொட்டுக்கடலை சட்னியும் - 15 நிமிடத்தில் எப்படி செய்றதுன்னு பாத்து ட்ரை பண்ணுங்க.. -
நவம்பர் 20, 2026: இன்று இந்த 4 ராசிக்காரர்களுக்கு லாபம் கொட்டும் நாளாக இருக்குப்போகுதாம் -
நாளை உருவாகும் விஷ யோகம்: இந்த 3 ராசிக்காரங்க ஜாக்கிரதையா இருக்கணும்.. அவசரப்படக்கூடாது.. -
சூரியன் தனுசு ராசிக்குள் செல்வதால் கோடிகளில் புரளப்போகும் 3 ராசிகள் இவங்கதான் - உங்க ராசி இதுல இருக்கா? -
புடலங்காயும், தயிரும் இருந்தா இந்த மாதிரி ஆந்திரா பச்சடியை செஞ்சு பாருங்க - வேற லெவல் சைடிஷா இருக்கும்
நெல்லை ஸ்டைல் தேங்காய்ப்பால் கோழி குழம்பு ரெசிபி - இந்த மாதிரி வைச்சு பாருங்க - அட்டகாசமா இருக்கும்
Nellai Style Thengai Paal Chicken Kuzhambu Recipe in Tamil: சன்டே வந்தாலே அனைவரின் வீட்டிலும் அசைவ உணவுதான் என்பது எழுதப்படாத விதியாக மாற்றிவிட்டது. வாரம் முழுவதும் விதவிதமாக அசைவம் சாப்பிட்டால் கூட சன்டே அன்று வீட்டில் சமைத்து சாப்பிடும் அசைவ உணவுகள் எப்பவுமே ஸ்பெஷல்தான். பலருக்கும் காலையில் இட்லி, தோசையுடன் கறிக் குழம்புடன் சேர்த்து சாப்பிட்டால்தான் சன்டேவே தொடங்கும். அதிலும் இட்லி, சிக்கன் குழம்பு என்பது அனைவருக்கும் மிகவும் பிடித்த காம்போவாகும்.

உங்கள் வீட்டிலும் சன்டே வந்தாலே இட்லி செய்து சிக்கன் குழம்பு செய்வீர்களா? அதுவும் எப்போதும் ஒரே ஸ்டைலில் தான் சிக்கன் குழம்பு செய்வீர்களா? அப்படியானால் இந்த வாரம் திருநெல்வேலி ஸ்டைல் தேங்காய்ப்பால் கோழிக் குழம்பு செய்யுங்கள். இது இட்லி, தோசையுடன் மட்டுமின்றி சாதத்துடன் சாப்பிடவும் அட்டகாசமாக இருக்கும்.
உங்களுக்கு நெல்லை ஸ்டைல் தேங்காய்ப்பால் கோழி குழம்பு ரெசிபியை எப்படி செய்வதென்று தெரிந்து கொள்ள வேண்டுமா? கீழே நெல்லை ஸ்டைல் தேங்காய்ப்பால் கோழி குழம்பு ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.
தேவையான பொருட்கள்:
விழுது அரைக்கத் தேவையானவை:
- 1/4 அங்குல பட்டை
- 4 கிராம்பு
- 1 ஏலக்காய்
- 1/2 ஸ்பூன் சோம்பு
- 1/4 ஸ்பூன் சீரகம்
- 10 மிளகு
- 4 பல் பூண்டு
- 1 அங்குல இஞ்சி துண்டு
- 6 காரமான பச்சை மிளகாய்
- 1/4 கப் தண்ணீர்
தாளிக்க:
- 1 கிலோ சிக்கன்
- 2 ஸ்பூன் தேங்காய் எண்ணெய்
- 3 பிரியாணி இலை
- சிறிதளவு கல்பாசி
- 1 தேக்கரண்டி சீரகம்
- 1 கொத்து கறிவேப்பிலை
- 1 கப் நறுக்கிய வெங்காயம்
- 2 பச்சை மிளகாய்
- 1/4 கப் புதினா இலைகள்
- 2 ஸ்பூன் கொத்தமல்லி இலை
- 1/4 கப் நறுக்கிய தக்காளி
- 1/2 ஸ்பூன் மஞ்சள் தூள்
- 1 கப் தண்ணீர்
- தேவையான அளவு உப்பு
- சிறிதளவு கறிவேப்பிலை
- 2 ஸ்பூன் தேங்காய் எண்ணெய்
தேங்காய்ப்பால் அரைக்க:
- 1 கப் துருவிய தேங்காய்
- 1 ஸ்பூன் கசகசா
- 4 முந்திரி பருப்பு
- 1 கப் தண்ணீர்
செய்முறை:
- முதலில் அரைக்க வேண்டிய பொருட்களையும் ஒரு மிக்சி ஜாரில் குறைந்த அளவு தண்ணீர் சேர்த்து விழுதாக அரைத்துத் தயாராக வைத்துக்கொள்ளவும்.
- பின்னர் கசகசா மற்றும் முந்திரியை 15 நிமிடங்கள் தண்ணீரில் ஊறவைத்து, அதனுடன் தேங்காய் மற்றும் தண்ணீர் சேர்த்து அரைக்கவும்.
- பின்னர் ஒரு வடிகட்டியைப் பயன்படுத்தி கெட்டியான தேங்காய்ப்பாலைப் பிழிந்து எடுத்துத் தயாராக வைத்துக்கொள்ளவும்.
- ஒரு கடாயில் எண்ணெய் ஊற்றி, அதில் பிரியாணி இலை, கல்பாசி, சீரகம் மற்றும் கறிவேப்பிலை சேர்த்துத் தாளிக்கவும்.
- பின்னர் நறுக்கிய வெங்காயம் மற்றும் பச்சை மிளகாயைச் சேர்த்து, வெங்காயம் மொறுமொறுப்பாகவும், பொன்னிறமாகவும் மாறும் வரை வதக்கவும்.
- பிறகு அரைத்த மசாலா விழுதைச் சேர்த்து, அது நன்கு பழுப்பு நிறமாகும் வரை வதக்கவும். மசாலாவின் பச்சை வாசனை போகும் வரை குறைந்த தீயில் வைத்து வதக்க வேண்டும்.
- பின்னர் புதினா மற்றும் கொத்தமல்லி இலைகளையும் சேர்த்து வதக்கவும்.
- இலைகள் சுருங்கியதும் சுத்தம் செய்த சிக்கனை சேர்த்து நன்கு கிளறவும்.
- பின்னர் தக்காளி, மஞ்சள் தூள் மற்றும் உப்பு ஆகியவற்றைச் சேர்த்து சில நிமிடங்கள் வதக்கவும்.
- தேவையான அளவு தண்ணீர் ஊற்றி, மூடி வைத்து, சிக்கன் நன்கு வேகும் வரை மிதமான தீயில் 15 நிமிடங்கள் வேக வைக்கவும்.
- குழம்பு கொதித்து வரும்போது, கெட்டியான தேங்காய்ப்பாலைச் சேர்த்து, குழம்பு சற்று கெட்டியாகும் வரை மிதமான தீயில் கொதிக்கவிடவும்.
- குழம்பு வெந்து வாசனை வந்ததும் கறிவேப்பிலை தூவி, சிறிது தேங்காய் எண்ணெய் ஊற்றி அடுப்பை அணைக்கவும்.
- அவ்வளவுதான் நெல்லை ஸ்டைல் தேங்காய்ப்பால் கோழி குழம்பு ரெடி!



Click it and Unblock the Notifications
