முருங்கைக்கீரையுடன் இந்த பொருளை சேர்த்து இப்படி பொரியல் செய்யுங்க... எலும்பு இரும்பு மாதிரி வலிமையாகும்...!

Murungai Keerai Kootu With Moong Dal Recipe in Tamil: கீரைகளின் ராஜா என்றால் அது முருங்கைக்கீரைதான். பொதுவாகவே கீரை என்றால் ஆரோக்கியமான ஒன்றுதான், அதிலும் முருங்கைக்கீரை என்றால் அது கூடுதல் ஸ்பெஷலானதுதான். ஏனெனில் முருங்கைக்கீரையில் அதிகளவு இரும்புச்சத்துக்கள், அத்தியாவசிய வைட்டமின்கள் மற்றும் ஆக்சிஜனேற்றிகள் நிறைந்துள்ளன. இது உடலில் உள்ள நச்சுக்களை நீக்குகிறது, எலும்பு ஆரோக்கியம் மற்றும் இருதய ஆரோக்கியத்தை மேம்படுத்துகிறது.

இது நீரிழிவு நோயாளிகளுக்கு இரத்த அழுத்தம், இரத்த சர்க்கரையை குறைக்க உதவுகிறது மற்றும் தூக்கத்தை ஊக்குவிக்கிறது. பொதுவாக முருங்கைக்கீரையை பொரியல் செய்துதான் சாப்பிடுவோம், ஆனால் முருங்கைக்கீரையை பாசிப்பருப்புடன் சேர்த்து செய்யப்படும் ஒரு சுவையான கூட்டு, சாதம், ரசம், பருப்பு மற்றும் ரொட்டியுடன் சேர்த்து சாப்பிடக்கூடிய ஒரு ஆரோக்கியமான உணவை உருவாக்குகிறது. முருங்கைக்கீரையுடன் பாசிப்பருப்பை சேர்த்து எப்படி சூப்பரான பொரியல் செய்யலாம் என்று தெரிந்து கொள்ளலாம்.

முருங்கை கீரை பொரியலின் இந்த செய்முறையானது முருங்கை இலைகள் மற்றும் சில மசாலாப் பொருட்கள் சேர்த்து செய்யப்படும் ஒரு எளிய செய்முறையாகும், இது உங்கள் உணவில் சேர்க்கக் கூடிய ஒரு ஆரோக்கியமான உணவாகும். இந்த பதிவில் ஆரோக்கியமான முருங்கைக்கீரை பாசிப்பருப்பு பொரியலை எப்படி செய்யலாம் என்று தெரிந்து கொள்ளலாம்.

தேவையானப் பொருட்கள்:

- 3 கப் முருங்கை இலைகள்
- 3 ஸ்பூன் பாசிப்பருப்பு
- 1 நறுக்கிய பெரிய வெங்காயம்,
- 1 ஸ்பூன் சாம்பார் பொடி
- 3 டேபிள்ஸ்பூன் துருவிய தேங்காய்
- 1 டீஸ்பூன் கடுகு
- 1 டீஸ்பூன் சீரகம்
- 4 வர மிளகாய்
- 2 கொத்து கறிவேப்பிலை
- உப்பு - தேவையான அளவு
- 2 டேபிள்ஸ்பூன் எண்ணெய்
- 1 சிட்டிகை பெருங்காயம்

செய்முறை:

- இந்த பொரியல் செய்வதற்கு முதலில் பாசிப்பருப்பை நன்றாக வேகவைத்து தனியாக எடுத்து வைத்துக் கொள்ளவும்.

- அதேசமயம் முருங்கைக்கீரையை நன்றாக கழுவி தனியாக எடுத்து வைத்துக் கொள்ளவும்.

- ஒரு கனமான பாத்திரத்தில், ஒரு ஸ்பூன் எண்ணெயை ஊற்றி சூடாக்கவும். எண்ணெய் சூடானதும், கடுகு மற்றும் சீரகத்தை சேர்த்து தாளிக்கவும். விதைகள் வெடிக்க ஆரம்பித்ததும், உலர்ந்த வர மிளகாய் மற்றும் கறிவேப்பிலை சேர்க்கவும்.

- பின்னர் நறுக்கிய வெங்காயத்தைச் சேர்த்து, கண்ணாடி பதத்திற்கு வரும் வரை நன்கு வதக்கவும். பின்னர் சிறிது தண்ணீர் ஊற்றி, முருங்கை இலைகளைச் சேர்த்து வதக்கவும். வாணலியை மூடி ஒரு நிமிடம் வேக வைக்கவும். இலைகள் சுருங்கத் தொடங்கும் வரை காத்திருக்கவும்.

- இப்போது உப்பு, பெருங்காயம் மற்றும் சாம்பார் பொடி சேர்க்கவும். அனைத்து பொருட்களையும் நன்றாக கலக்கவும். அடுத்து சமைத்த பாசிப்பருப்பை சேர்த்து, வாணலியில் உள்ள தண்ணீர் அனைத்தும் வற்றும் வரை வேக வைக்கவும். பின்னர் அடுப்பை அணைக்கவும்.

- கடைசியாக துருவிய தேங்காயைச் சேர்த்து நன்கு கலக்கவும்.

- இந்த முருங்கை கீரைப் பொரியல் சாம்பார் மற்றும் ரசத்துடன் சேர்த்து சாப்பிட அருமையாக இருக்கும்.