Just In
- 46 min ago இந்த 4 பொருள் இருந்தா போதும்.. 1 நிமிடத்தில் சட்னியை செஞ்சுடலாம்.. எப்படி-ன்னு பாருங்க...
- 8 hrs ago வரப்போகிற சூரிய கிரகணம் இந்த 4 ராசிக்காரங்களுக்கு பெரிய துரதிர்ஷ்டத்தை தரப்போகுதாம்..ரொம்ப ஜாக்கிரதையா இருங்க!
- 9 hrs ago உங்க சிறுநீரகம் பாதுகாப்பா இருக்கணுமா? நிபுணர்கள் சொல்லும் இந்த சூப்பர்புட்களில் ஒன்றை தினமும் சாப்பிடுங்க...!
- 12 hrs ago முட்டை வாங்க போறீங்களா? இப்படி பார்த்து வாங்குங்க... இல்லனா பல ஆபத்துக்களை சந்திக்க வேண்டியிருக்கும்...!
Don't Miss
- Finance இனி சுங்கச் சாவடிகளில் நிற்க வேண்டியதில்லை! வருகிறது ஜிபிஎஸ் தொழில்நுட்பம்..!
- Automobiles கார் வாங்குவதிலும் ஆணுக்கு இணையாக பெண்கள்!! புள்ளி விபரம் என்ன சொல்லுது? எந்த ஊரில் அதிகம்?
- Sports வீடியோ- கட்டி பிடிக்க வந்த மலிங்கா.. தள்ளி விட்ட ஹர்திக் பாண்டியா..மும்பை அணியில் என்ன தான் நடக்குது
- News "மத்திய அரசை விமர்சிக்காதது ஏன்?" இரண்டு நொடி கேப் விட்டு.. எடப்பாடி பழனிசாமி தந்த விளக்கம்
- Technology ஏர்டெல் காலி.. மாதாந்திரம் ரூ.141 போதும்.. 336 நாட்கள் வேலிடிட்டி.. 5ஜி டேட்டா.. அன்லிமிட் வாய்ஸ் கால்கள்!
- Movies அச்சச்சோ முதலில் அஜித் இல்லை சூர்யாதான்ங்க.. ஜோதிகா சொன்ன பல வருட சீக்ரெட்
- Education யுபிஎஸ்சி ஐஎஃப்எஸ் தேர்வு நேர்காணல் தேதி அறிவிப்பு
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
மாம்பழ சர்பெட்
உங்கள் வீட்டில் மாம்பழங்கள் உள்ளதா? அப்படியானால் அதைக் கொண்டு ஒரு குளிர்ச்சியான மற்றும் ஐஸ் க்ரீம் போன்ற ஒரு ரெசிபியை வீட்டிலேயே எளிதில் செய்து சாப்பிடலாம். அது தான் மாம்பழ சர்பெட்.
கொளுத்தும் வெயிலில் நன்கு ஜில்லென்று ஏதாவது சாப்பிட வேண்டுமென்று தோன்றும். ஆனால் வீட்டில் எப்போதும் ஐஸ் க்ரீம் ஸ்டாக் வைத்துக் கொள்ள முடியாது அல்லவா? இந்நிலையில் உங்கள் வீட்டில் மாம்பழங்கள் உள்ளதா? அப்படியானால் அதைக் கொண்டு ஒரு குளிர்ச்சியான மற்றும் ஐஸ் க்ரீம் போன்ற ஒரு ரெசிபியை வீட்டிலேயே எளிதில் செய்து சாப்பிடலாம். அது தான் மாம்பழ சர்பெட். இந்த மாம்பழ சர்பெட் செய்வது மிகவும் சுலபம். அதோடு இது குழந்தைகள் முதல் பெரியவர்கள் வரை அனைவரும் விரும்பி சாப்பிடும் வகையில் இருக்கும்.
உங்களுக்கு மாம்பழ சர்பெட் எப்படி செய்வதென்று தெரிந்து கொள்ள வேண்டுமா? கீழே மாம்பழ சர்பெட் ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.
தேவையான பொருட்கள்:
* நன்கு கனிந்த மாம்பழங்கள் - 3 கப் (தோலுரித்து துண்டுகளாக்கப்பட்டது)
* எலுமிச்சை சாறு - 1 டேபிள் ஸ்பூன்
* சர்க்கரை - 1/3 கப் அல்லது தேவையான அளவு
* புதினா இலைகள் - ஒரு கையளவு
செய்முறை:
* முதலில் மாம்பழங்களை துண்டுகளாக்கி ஜிப்லாக் பேக்கில் போட்டு, ஃப்ரீசரில் வைத்து நன்கு உறைய வைக்க வேண்டும்.
* மாம்பழத் துண்டுகள் நன்கு உறைந்ததும், அதை பிளெண்டரில் போட்டு, அத்துடன் எலுமிச்சை சாறு, புதினா, சர்க்கரை ஆகியவற்றை சேர்த்து நன்கு அரைத்துக் கொள்ள வேண்டும்.
* அப்படி அரைக்கும் போது, அது கெட்டியாகவும், க்ரீமியாக ஐஸ்க்ரீம் போன்று இருக்கும்.
* இப்போது அதை ஒரு பௌலில் எடுத்து வைத்து உடனே பரிமாறுங்கள் அல்லது அதை ஒரு கண்டெய்னரில் போட்டு ஃப்ரீசரில் 30 நிமிடம் வைத்து பின் அதை வெளியே எடுத்து 10 நிமிடங்கள் கழித்து பரிமாறுங்கள்.
குறிப்பு:
* மாம்பழங்களை நன்கு உறைய வைத்து செய்தால் தான் சர்பெட் நன்கு க்ரீமியாக இருக்கும்.
* மாம்பழ துண்டுகளை ஜிப்லாக் பேக்கில் போட்டு வைத்துக் கொண்டால், அதை 1 மாதம் வரை வைத்து பயன்படுத்தலாம்.
* சர்பெட்டை ஒரு வாரம் வரை வைத்து பயன்படுத்தலாம். ஆனால் பரிமாறுவதற்கு 10 நிமிடத்திற்கு முன்னரே வெளியே எடுத்து வைத்து விடுங்கள்.
* உங்கள் வீட்டில் ஏற்கனவே உறைய வைக்கப்பட்ட மாம்பழத் துண்டுகள் இருந்தால், இந்த சர்பெட்டை நிமிடத்தில் செய்து சாப்பிடலாம்.
Image Courtesy: yummytummyaarthi