Latest Updates
-
மதியம் 10 நிமிடத்தில் சமையலை முடிக்கணுமா? அப்ப இந்த கத்திரிக்காய் முருங்கைக்காய் மசாலா செய்யுங்க.. -
வேர்க்கடலை வைச்சு வெங்காயம், தக்காளி இல்லாம இப்படி கார குழம்பு வைச்சு பாருங்க - சுருக்குனு செமையா இருக்கும் -
ஒல்லியாக இருந்தாலும் கொழுப்புக் கல்லீரல் பாதிப்பு ஏற்படுமா? டாக்டர் என்ன சொல்றாருன்னு பாருங்க.. -
60 லட்சம் உடல்கள் புதைக்கப்பட்டுள்ள உடலின் மிகப்பெரிய சுடுகாடு எந்த நாட்டில் உள்ளது தெரியுமா? ஷாக் ஆகாதீங்க -
டிசம்பர் மாதத்தில் இந்த 5 ராசிக்கு மகத்தான வெற்றியும், பணமும் குவியப்போகுது.. உங்க ராசி இதுல இருக்கா? -
பன் தோசையும், பொட்டுக்கடலை சட்னியும் - 15 நிமிடத்தில் எப்படி செய்றதுன்னு பாத்து ட்ரை பண்ணுங்க.. -
நவம்பர் 20, 2026: இன்று இந்த 4 ராசிக்காரர்களுக்கு லாபம் கொட்டும் நாளாக இருக்குப்போகுதாம் -
நாளை உருவாகும் விஷ யோகம்: இந்த 3 ராசிக்காரங்க ஜாக்கிரதையா இருக்கணும்.. அவசரப்படக்கூடாது.. -
சூரியன் தனுசு ராசிக்குள் செல்வதால் கோடிகளில் புரளப்போகும் 3 ராசிகள் இவங்கதான் - உங்க ராசி இதுல இருக்கா? -
புடலங்காயும், தயிரும் இருந்தா இந்த மாதிரி ஆந்திரா பச்சடியை செஞ்சு பாருங்க - வேற லெவல் சைடிஷா இருக்கும்
3/4 கப் கோதுமை ரவை இருந்தா.. காலையில் இந்த டிபனை ட்ரை பண்ணுங்க.. டேஸ்ட் அள்ளும்..
Gothumai Rava Kichadi Recipe In Tamil: உங்கள் வீட்டில் காலையில் எப்பவும் இட்லி, தோசை தான் டிபனாக இருக்குமா? உங்கள் வீட்டில் உள்ளோர் வித்தியாசமான டிபனை செய்து தர சொல்கிறார்களா? உங்கள் வீட்டில் கோதுமை ரவை உள்ளதா? அப்படியானால் அந்த கோதுமை ரவையைக் கொண்டு அட்டகாசமான சுவையில் கிச்சடி செய்யுங்கள்.

அதுவும் இந்த கிச்சடிக்கு கேரட், பீன்ஸ், உருளைக்கிழங்கு போன்றவற்றை சேர்க்கும் போது சுவை இன்னும் பிரமாதமாக இருக்கும் மற்றும் சத்தானதும் கூட. முக்கியமாக நெய் சேர்த்து செய்வதனால், சுவை வேற லெவலில் இருக்கும். இந்த கோதுமை ரவை கிச்சடியை ஒரு கப் சாப்பிட்டாலே, நாள் முழுவதும் தேவையான ஆற்றல் உடலுக்கு கிடைத்துவிடும்.
இந்த கோதுமை ரவா கிச்சடி ரெசிபி குறித்து அபூர்வாஸ் விருந்து என்னும் யூடியூப் பக்கத்தில் பகிரப்பட்டுள்ளது. உங்களுக்கு இந்த கோதுமை ரவா கிச்சடியை எப்படி செய்வதென்று தெரிந்து கொள்ள வேண்டுமா? கீழே கோதுமை ரவா கிச்சடி ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.
தேவையான பொருட்கள்:
* கோதுமை ரவை - 3/4 கப்
* நெய் - 2 டேபிள் ஸ்பூன்
* சீரகம் - 1 டீஸ்பூன்
* மிளகு - 1 டீஸ்பூன்
* கிராம்பு - 4
* பட்டை - 1 துண்டு
* பிரியாணி இலை - 1
* வெங்காயம் - 1 (பொடியாக நறுக்கியது)
* பூண்டு - 4 பல் (தட்டியது)
* இஞ்சி - 1 இன்ச் (தட்டியது)
* தக்காளி - 1 (நறுக்கியது)
* பாசிப்பருப்பு - 1/4 கப் (10 நிமிடம் நீரில் ஊற வைத்தது)
* கேரட் - 1 (நறுக்கியது)
* பீன்ஸ் - 5 (நறுக்கியது)
* உருளைக்கிழங்கு - 1 (நறுக்கியது)
* மிளகாய் தூள் - 1 டீஸ்பூன்
* மல்லித் தூள் - 1 டீஸ்பூன்
* மஞ்சள் தூள் - 1/4 டீஸ்பூன்
* சாம்பார் தூள் - 1 டீஸ்பூன்
* உப்பு - சுவைக்கேற்ப
* தண்ணீர் - 4 கப்
* கறிவேப்பிலை - சிறிது
* கொத்தமல்லி - சிறிது
* நெய் - 1/2 டீஸ்பூன்
செய்முறை:
* முதலில் ஒரு வாணலியை அடுப்பில் வைத்து, அதில் கோதுமை ரவையை
சேர்த்து நல்ல மணம் வந்து லேசாக நிறம் மாறும் வரை வறுத்து, ஒரு
தட்டில் எடுத்துக் கொள்ள வேண்டும்.
* பின்னர் குக்கரை அடுப்பில் வைத்து, அதில் நெய் ஊற்றி சூடானதும்,
சீரகம், மிளகு, பட்டை, கிராம்பு, பிரியாணி இலை சேர்த்து தாளிக்க
வேண்டும்.
* பின்பு அதில் பொடியாக நறுக்கிய வெங்காயம், தட்டி வைத்துள்ள பூண்டு
மற்றும் இஞ்சியை சேர்த்து நன்கு வதக்க வேண்டும்.
* அதன் பின் அதில் பொடியாக நறுக்கிய தக்காளியை சேர்த்து நன்கு வதக்க
வேண்டும்.
* பிறகு அதில் ஊற வைத்த பாசிப்பருப்பை கழுவி சேர்த்து கிளறி விட
வேண்டும்.
* அடுத்து அதில் நறுக்கிய கேரட், பீன்ஸ், உருளைக்கிழங்கு சேர்த்து
நன்கு 1 நிமிடம் கிளறி விட வேண்டும்.
* பின்பு அதில் மிளகாய் தூள், மல்லித் தூள், மஞ்சள் தூள், சாம்பார்
தூள் மற்றும் சுவைக்கேற்ப உப்பு சேர்த்து மிதமான தீயில் வைத்து கிளறி
விட வேண்டும்.
* அதன் பின் 4 கப் நீரை ஊற்றி கிளறி, குக்கரை மூடி, மிதமான தீயில்
வைத்து, 3 விசில் விட்டு இறக்க வேண்டும்.
* விசில் போனதும் குக்கரைத் திறந்து, அதில் கறிவேப்பிலை, கொத்தமல்லி
மற்றும் நெய் ஊற்றி நன்கு கிளறி விட்டால், சுவையான கோதுமை ரவா கிச்சடி
தயார்.



Click it and Unblock the Notifications
