வேர்க்கடலை லட்டு

விநாயகர் சதுர்த்தி வரவுள்ளது. விநாயகரின் பிறந்தநாளையொட்டி பலரும் வீடுகளில் விநாயகர் சிலையை வாங்கி வைத்து, அவருக்கு பிடித்த பலகாரங்களை செய்து படைத்து வழிபடுவார்கள். விநாயகருக்கு கொழுக்கட்டை, மோதகம், லட்டு போன்றவை மிகவும் பிடிக்கும். இந்த வருட விநாயகர் சதுர்த்தியின் போது விநாயகருக்கு லட்டு செய்து கொடுக்க விரும்பினால், வேர்க்கடலை லட்டு செய்து கொடுங்கள். இந்த லட்டு செய்வது மிகவும் சுலபம் மற்றும் அனைவரும் விரும்பி சாப்பிடும் வகையில் இருக்கும்.

உங்களுக்கு வேர்க்கடலை லட்டு எப்படி செய்வதென்று தெரிந்து கொள்ள வேண்டுமா? கீழே வேர்க்கடலை லட்டு ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

* வேர்க்கடலை - 1 கப்

* வெல்லம் - 1/4 கப்

செய்முறை:

* முதலில் வேர்க்கடலையை ஒரு வாணலியில் போட்டு நன்கு வறுத்து இறக்கி குளிர வைக்க வேண்டும்.

* பின் அதை மிக்சர் ஜாரில் போட்டு நன்கு அரைத்துக் கொள்ள வேண்டும்.

* பின்பு அதில் வெல்லத்தைப் போட்டு மீண்டும் நன்கு அரைத்துக் கொள்ள வேண்டும்.

* பிறகு அரைத்ததை லட்டு போன்று உருண்டைகளாக உருட்டிக் கொள்ள வேண்டும்.

* இறுதியாக அதை காற்றுப்புகாத டப்பாவில் போட்டு வைத்துக் கொள்ள வேண்டும்.

Image Courtesy: yummytummyaarthi