For Quick Alerts
ALLOW NOTIFICATIONS  
For Daily Alerts

பட்டர் பீன்ஸ் குருமா

சப்பாத்தி, பூரி, இட்லி, தோசை போன்றவற்றிற்கு பட்டர் பீன்ஸ் குருமா அட்டகாசமாக இருக்கும். அதோடு இது குழந்தைகள் முதல் பெரியவர்கள் வரை அனைவரும் விரும்பி சாப்பிடும் வகையில் மிகவும் சுவையாகவும் இருக்கும்.

Posted By:
|

சப்பாத்தி, பூரி, இட்லி, தோசை போன்றவற்றிற்கு பட்டர் பீன்ஸ் குருமா அட்டகாசமாக இருக்கும். அதோடு இது குழந்தைகள் முதல் பெரியவர்கள் வரை அனைவரும் விரும்பி சாப்பிடும் வகையில் மிகவும் சுவையாகவும் இருக்கும். முக்கியமாக பட்டர் பீன்ஸ் குருமா செய்வதற்கு மிகவும் ஈஸியாக இருப்பதால், பேச்சுலர்கள் கூட இதை முயற்சிக்கலாம்.

Butter Beans Kurma Recipe In Tamil

உங்களுக்கு பட்டர் பீன்ஸ் குருமா எப்படி செய்வதென்று தெரிந்து கொள்ள வேண்டுமா? அப்படியானால் கீழே கொடுக்கப்பட்டுள்ள பட்டர் பீன்ஸ் குருமாவின் செய்முறைப் படித்து செய்து சுவையுங்கள். முக்கியமாக இந்த ரெசிபியை முயற்சித்த பின் எப்படி இருந்தது என்று உங்கள் அனுபவத்தை எங்களுடன் பகிர்ந்து கொள்ளுங்கள்.

MOST READ: ருசியான... மீல்மேக்கர் கிரேவி

தேவையான பொருட்கள்:

* பட்டர் பீன்ஸ் - 1 கப்

* பெரிய வெங்காயம் - 1 (பொடியாக நறுக்கியது)

* தக்காளி - 1 (பொடியாக நறுக்கியது)

* மஞ்சள் தூள் - 1 சிட்டிகை

* மிளகாய் தூள் - 1 டீஸ்பூன்

* மல்லித் தூள் - 1 1/2 டீஸ்பூன்

* கொத்தமல்லி - சிறிது

* உப்பு - சுவைக்கேற்ப

தாளிப்பதற்கு...

* எண்ணெய் - 3 டீஸ்பூன்

* கிராம்பு - 2

* பட்டை - 1/2 இன்ச்

* பூண்டு - 5 (பொடியாக நறுக்கியது)

அரைப்பதற்கு...

* தேங்காய் - 3/4 கப்

* முந்திரி - 3

* சோம்பு - 1 டீஸ்பூன்

* கசகசா - 1 டீஸ்பூன்

* பொட்டுக்கடலை - 1 டீஸ்பூன்

செய்முறை:

* முதலில் பட்டர் பீன்ஸின் தோலை நீக்கி, தனியாக வைத்துக் கொள்ளுங்கள். பின் அரைப்பதற்கு கொடுத்துள்ள பொருட்களை மிக்ஸர் ஜாரில் போட்டு, சிறிது நீர் ஊற்றி, நன்கு பேஸ்ட் செய்து கொள்ளுங்கள்.

* பின்பு ஒரு குக்கரை அடுப்பில் வைத்து, அதில் எண்ணெய் ஊற்றி சூடானதும், தாளிப்பதற்கு கொடுத்துள்ள பொருட்களை சேர்த்து தாளிக்கவும்.

* பின் அதில் வெங்காயத்தைப் போட்டு வதக்கி, தக்காளியை சேர்த்து பச்சை வாசனை போக நன்கு மென்மையாக வதக்கவும்.

* பிறகு மிளகாய் தூள், மல்லித் தூள் சேர்த்து 2 நிமிடம் வதக்கவும்.

* அடுத்து அரைத்து வைத்துள்ள தேங்காய் பேஸ்ட்டை சேர்த்து, 2 கப் நீர் ஊற்றி, மஞ்சள் தூள் மற்றும் உப்பு சேர்த்து நன்கு கொதிக்க வைக்கவும்.

* பின்பு எண்ணெய் தனியாக பிரியும் வரை நன்கு கொதிக்க ஆரம்பித்ததும், பட்டர் பீன்ஸை சேர்த்து, குக்கரை மூடி குறைவான தீயில் 2 விசில் விட்டு இறக்கவும்.

* இறுதியில் குக்கரைத் திறந்து, கொத்தமல்லியைத் தூவினால், சுவையான பட்டர் பீன்ஸ் குருமா ரெடி!

IMAGE COURTESY

[ of 5 - Users]
English summary

Butter Beans Kurma Recipe In Tamil

Want to know how to prepare butter beans kurma recipe at home easily? Take a look and give it a try...
Desktop Bottom Promotion