சிம்பிளான மற்றும் சுவையான... ப்ராக்கோலி கபாப்

தற்போது ஆங்காங்கு மழை பெய்து கொண்டிருக்கிறது. பலருக்கும் மழைப் பெய்யும் போது சூடாகவும், மொறுமொறுப்பாகவும், காரமாகவும் எதையாவது சாப்பிட வேண்டுமென்று தோன்றும். உங்களுக்கும் அப்படி தோன்றுகிறதா? உங்கள் வீட்டில் ப்ராக்கோலி உள்ளதா? அப்படியானால் அந்த ப்ராக்கோலியைக் கொண்டு சுவையான கபாப் செய்து சாப்பிடுங்கள். இந்த ப்ராக்கோலி கபாப்பை ஓவனிலும் செய்யலாம் அல்லது கேஸ் அடுப்பிலும் செய்யலாம்.

உங்களுக்கு ப்ராக்கோலி கபாப் எப்படி செய்வதென்று தெரிந்து கொள்ள வேண்டுமா? கீழே ப்ராக்கோலி கபாப் ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

* ப்ராக்கோலி - 3 கப் (பொடியாக நறுக்கியது)

* சீஸ் - 1 கப் (தருவியது)

* உப்பு - சுவைக்கேற்ப

* மிளகுத் தூள் - சுவைக்கேற்ப

* முட்டை - 2

* பிரட் தூள் - 1 கப்

* எண்ணெய் - 1 டீஸ்பூன்

செய்முறை:

* முதலில் ஓவனை 200 டிகிரி C-யில் சூடேற்ற வேண்டும். அதன் பின் பேக்கிங் ட்ரேயில் எண்ணெய் தடவி தனியாக வைத்துக் கொள்ள வேண்டும்.

* ஒரு பாத்திரத்தில் ஒரு கப் நீரை ஊற்றி அடுப்பில் வைத்து நன்கு கொதிக்க ஆரம்பித்ததும், அதில் ப்ராக்கோலியை போட்டு 3 நிமிடம் வேக வைத்து இறக்கி, நீரை வடிகட்டிவிட்டு ப்ராக்கோலியை தனியாக வைத்துக் கொள்ள வேண்டும்.

* பின்பு ஒரு பௌலில் வேக வைத்த ப்ராக்கோலியை எடுத்து, அதில் முட்டையை உடைத்து ஊற்றி, அத்துடன் உப்பு, சீஸ், பிரட் தூள் சேர்த்து நன்கு கலந்து கொள்ள வேண்டும்.

* பின்பு அதை கொஞ்சம் கொஞ்சமாக எடுத்து கட்லெட் போன்று தட்டி, பேக்கிங் ட்ரேயில் வைக்க வேண்டும்.

* பின் அந்த பேக்கிங் ட்ரேயை ஓவனில் 15 நிமிடம் வேக வைத்து எடுத்துக் கொள்ள வேண்டும்.

* பிறகு ஓவனில் க்ரில் மோடை தேர்வு செய்து, ட்ரேயை மீண்டும் ஓவனில் வைத்து 4-5 நிமிடம் க்ரில் செய்து எடுத்தால், சுவையான ப்ராக்கோலி கபாப் தயார்.

குறிப்பு:

உங்கள் வீட்டில் ஓவன் இல்லாவிட்டால், பேனில் இந்த கபாப்களைப் போட்டு முன்னும், பின்னும் பொன்னிறமாக ப்ரை செய்யலாம்.

Image Courtesy: yummytummyaarthi